Kɛwalew 5:4 - ALA KA KUMA

⁴ E tun te se ka foro nin feereko to yen wa? Hali n'i y'a feere fana, e tun te se ka to n'a sɔngɔ ye i yɛrɛ sago la wa? A kɛra di miiriyajugu nin donna i dusu la? I ma galon tigɛ mɔgɔw ye dɛ, i y'a tigɛ Ala le ye.»

Jula NT of Côte d’Ivoire

⁴ Ni i tun ma i ta foro fiyeere o, a tun tɛna kɛ i ta bla le ra wa? A fiyeerera minkɛ fana o, a wari bɛɛ tun tɛ i ta bla le ra wa? Mun na i sɔnna ka o kojugu ɲɔgɔn latigɛ i yɛrɛ kɔnɔ? I ma faninya tigɛ mɔgɔ ye dɛ, i ka a tigɛ Ala le ye.»

LAYIDUKURA

⁴ E tun tɛ se ka foro nin feereko to yen wa? Hali n'i y'a feere fana, e tun tɛ se ka to n'a sɔngɔ ye i yɛrɛ sago la wa? A do kɛra di miiriyajugu nin donna i dusu la? I ma galon tigɛ mɔgɔw ye dɛ, i y'a tigɛ Ala le ye.”

Kɛwalew 5:4 Iomraidhean Croise

Lok fɔlɔ 29:17

N ka Ala, n y'a lɔn ko i be mɔgɔ kɔnɔnako lɔn, ko tilenninya fana le ka d'i ye. Ne ye fɛɛn nunu di ni kɔnɔgwɛ ye nisɔndiya la. N y'a ye fana ko i ka jama min lajɛnnin be yan, olu y'i boɲa ni dusudiya ye.

Lok fɔlɔ 29:3

Ne ka Ala ka soo koo ka di ne ye minkɛ, o la, sanu ni warigwɛ min ye ne ta ye, n'o ma labɛn soo nin kama, n b'o fana di ka fara labɛnnin ta kan, Yɔrɔ Senuman lɔko kama.

Lok fɔlɔ 29:5

Fɛɛn min ka kan ka kɛ ni sanu ye, o be kɛ ni sanu nin ye, ni min fana ka kan ka kɛ ni warigwɛ ye, o be kɛ ni warigwɛ nin ye, ani baarakɛlaw ka kan ka fɛɛn o fɛɛn dilan. Jɔn le be sɔn bii k'a bololafɛn di Masaba ma?»

Lok fɔlɔ 29:9

Jama tun nisɔndiyara u ka boɲafɛn nunu diko la, bari mɔgɔ tun ma u karaba u ka sɔrɔ k'o kɛ Masaba ye. Masacɛ Dawuda fana tun nisɔndiyara kosɔbɛ.

Ayuba 15:35

Juguya be mɔgɔ min kɔnɔ, o tigi bena tɔɔrɔ le sɔrɔ. Koo min b'a kɔnɔ, o le ben'a yɛrɛ fili.»

Zaburu 139:4

Yanni kuma fitini yɛrɛ ka bɔ n daa la, ele Masaba b'o kala ma ka ban.

Zaburu 7:14

A be mɔgɔfagafɛn labɛnna, a b'a ka biɲɛ labɛnna k'a fariya.

Bɔri 16:8

Musa y'a fɔ tugu ko: «Aw bena Masaba ka nɔɔrɔ ye n'a ye sogo di aw ma bii wulafɛ, aw k'o ɲimi, ka dumuni di aw ma sɔgɔma fɔɔ aw be fa, bari a ye aw ŋunuŋunukan mɛn a koo la. Anw ye jɔn ye? Aw te ŋunuŋununa anw kama dɛ, aw be ŋunuŋununa Masaba le kama.»

Bɔri 35:29

Masaba tun ye fɛɛn min fɔ Musa ye ni Musa y'o fɔ Isirayɛlidenw ye, k'u ka baara min kɛ, mɔgɔ minw dusu tun ka di, muso fara cɛɛw kan, u nana ni diyanaboɲafɛnw ye k'u di Masaba ma o baara kama.

Waajurikɛbaga 5:5

I kan'a to i daa b'i don koo la. I kan'a fɔ Ala ka baarakɛla ye ko: «O kɛra fili ye», janko Ala kana dimi e kɔrɔ e ka kuma kosɔn k'i ka baara cɛn.

Ezayi 59:4

Aw te ɲɔgɔn kiti ka kɛɲɛ ni tiɲɛ ye, aw t'aw ka koo fɔ ni kɔnɔgwɛ ye. Aw b'aw jigi la fuu kan, ka galon tigɛ. Aw be kojugu miiri aw kɔnɔ. O laban be na ni bɔnɛ ye.

Ezekiyɛli 38:10

Matigi, Masaba ko: «O loon na, i bena miiriya caaman sɔrɔ, ka dabarijugu dɔ labɛn.

Jateri 16:11

O la, e n'i ka jama bɛɛ bɛnna ka muruti Masaba ma. Arɔn ye mun ye fɔɔ aw be ŋunuŋunu a kama?»

Luka 10:16

O kɔ, a y'a fɔ a ka kalandenw ye ko: «Mɔgɔ minw mana aw lamɛn, o tigiw be ne yɛrɛ le lamɛn. Mɔgɔ minw mana ban k'aw ladon, u banna ka ne yɛrɛ le ladon. Ni mɔgɔ minw banna ka ne ladon, o be banna ne cibaga le la.»

Kɛwalew 5:3

O la, Piyɛri y'a fɔ a ye ko: «Ananiyasi, a kɛra di i y'a to Sutana sera i kɔrɔ fɔɔ i be galon tigɛ Nii Senuman ye? Mun na i ye foro nin sɔngɔ dɔ dogo?

Kɛwalew 5:9

O la, Piyɛri y'a fɔ a ye ko: «Mun na aw bɛnna ka Matigi ka Nii darabɔ? Ayiwa, mɔgɔ minw tagara i cɛɛ suu don, u segitɔ filɛ nin ye. U bena taga n'i fana suu ye.»

Kor fɔlɔ 8:8

A ma kɛ ko dumunifɛn le b'an gwɛrɛ Ala la, hali n'an m'o dumu, foyi te bɔ an na. N'an fana y'o dumu, foyi te fara an kan.

Tes fɔlɔ 4:8

O le y'a to ni mɔgɔ min ma sɔn o ladili ma, o tigi ma ban mɔgɔ ka kuma na, nga a banna Ala le la, min b'a ka Nii Senuman d'aw ma.

Filemɔn 1:14

Nga ne t'a fɛ k'o kɛ n'i ma sɔn, waasa koɲuman nin kana kɛ i karabako ye, ne b'a fɛ i k'o kɛ ni dusudiya ye.

Yakuba 1:15

Ayiwa, ni kojugu nigɛ jiidira mɔgɔ kɔnɔ, a be na ni hakɛ ye. Ni hakɛ ye fanga sɔrɔ a kan, a be na ni saya ye.

Sam fɔlɔ 8:7

Masaba y'a fɔ a ye ko: «Jama be fɛɛn min bɛɛ fɔra i ye, i ka sɔn o ma, bari a ma kɛ ko u be banna ele la dɛ, u be banna ne le la. U t'a fɛ ne ka kɛ u kuntigi ye tugu.