Kɛwalew 5:14 - ALA KA KUMA

¹⁴ Cɛɛ ni muso caaman tun be lara Matigi la ka fara kalandenw ka jɛnkulu kan.

Jula NT of Côte d’Ivoire

¹⁴ Mɔgɔ caman tun bɛ lara Matigi ra, cɛw, ani muso, ka fara lanabagaw kan.

LAYIDUKURA

¹⁴ Cɛɛ ni musow caaman tun bɛ lara Matigi la ka fara kalanden jɛnkulu kan.

Kɛwalew 5:14 Iomraidhean Croise

Sam 2nan 6:19

O kɔ, a ye burukun kelen kelen, ni tamaro ŋɔmi, ani *ɛrɛzɛn janin ŋɔmi kelen kelen di mɔgɔ bɛɛ ma, Isirayɛli jama bɛɛ, muso fara cɛɛw kan. O kɔ, u kelen kelen bɛɛ kɔsegira ka taga u ka soo.

Ɛsidarasi 10:1

Ɛsidirasi y'a kunbiri gwan Ala ka soo ɲafɛ ka to ka kasi n'a b'u ka kojuguw fɔra, ka Ala daali. O waati la, Isirayɛliden caaman nana ɲɔgɔn lajɛn a gɛrɛfɛ, cɛɛw ni musow ani denmisɛnw. U tun be kasira kosɔbɛ.

Nehemi 8:2

Saan kalo wolonwulanan tile fɔlɔ, sarakalasebaga Ɛsidirasi ye sariyasɛbɛ nin ta ka na n'a ye jama ɲafɛ, cɛɛw ni musow ani mɔgɔ minw bɛɛ be se ka kuma mɛn ani k'a faamu, olu bɛɛ tun be yen.

Bɔri 35:22

Mɔgɔw bɛɛ, muso fara cɛɛw kan, minw dusu tun ka di, olu nana ni sanufɛn sifaw bɛɛ ye: tulolataw, ani bololataw, ni kannataw, ani dulontaw fani na. U kelen kelen bɛɛ nana n'u ye k'u fifa Masaba ɲakɔrɔ k'o d'a ma.

Ezayi 45:24

k'a fɔ ne koo la ko: ‹Tilenninya ni fanga be sɔrɔ Masaba kelenpe le fɛ.› Mɔgɔ minw bɛɛ tun dimin'a kɔrɔ, olu maloyanin le bena na a fɛ.

Kɛwalew 11:24

Barinabasi tun ye mɔgɔɲuman ye, a tun fanin be Nii Senuman na, a lanin tun be Yezu la kosɔbɛ. Mɔgɔ caaman lara Matigi la o la.

Kɛwalew 2:41

Olu lara Piyɛri ka kuma na o tuma na. U y'u batize. Minw farala kalandenw kan o loon na, u tun be mɔgɔ waa saba bɔ.

Kɛwalew 2:47

U tun be Ala tanu, mɔgɔ bɛɛ tun b'u filɛ ni ɲaɲuman ye. Matigi tun ye mɔgɔ minw kisi, a tun be olu ladon jɛnkulu nin kɔnɔ loon o loon.

Kɛwalew 22:4

Ne tun be sirakura nin taamabagaw tɔɔrɔ, ka dɔw faga, cɛɛ fara musow kan, ne tun b'u minɛ ka jɔrɔkɔ kɛ u la, k'u don kaso la.

Kɛwalew 4:4

O bɛɛ n'a ta, mɔgɔ minw tun ye ciden fila nunu ka kuma lamɛn, olu caaman lara Yezu la. Dɔ farala kalandenw kan. Cɛɛw bɛɛ lajɛnnin tagara se mɔgɔ waa duuru ɲɔgɔn ma.

Kɛwalew 6:7

Ala ka kuma tora ka jɛnsɛn, kalandenw tora ka caya kosɔbɛ Zeruzalɛmu kɔnɔ. Sarakalasebaga caaman sɔnna ka la Yezu la.

Kɛwalew 8:12

Nga, Filipu nana Yezu ka kibaru diman ni Ala ka masaya sigiko fɔ u ye minkɛ, u lara Yezu la. Filipu y'u batize, cɛɛ fara musow kan.

Kɛwalew 8:3

Nga Sɔli kɔni, ale tun tora ka Krista ka jama tɔɔrɔ dɔrɔn, ka to ka taga u minɛ soow kɔnɔ, cɛɛ fara musow kan, ka taga u don kaso la.

Kɛwalew 9:2

seereyasɛbɛ minɛ sarakalasebagaw kuntigiba fɛ loon dɔ, janko a ka taga bɔ zuwifuw ka kalansow kɔnɔ Damasi, waasa n'a tagara Matigi ka sira taamabaga minw sɔrɔ yen, cɛɛ fara musow kan, a k'u minɛ k'u siri ka na n'u ye Zeruzalɛmu.

Kɛwalew 9:31

O tuma na, Krista ka jama tun be hɛrɛ la Zude, ni Galile ani Samari mara nunu bɛɛ la. U ka lanaya tun be taga ɲa. U tun be Matigi boɲa. Nii Senuman barika la, u tun be caya ka taga.

Kɛwalew 9:35

Lidakaw, ani minw siginin be Sarɔn, u ye koo nin ye, u bɛɛ sɔnna Matigi ma.

Kɛwalew 9:42

Zopekaw bɛɛ ye kibaru nin mɛn, u caaman lara Matigi la.

Kor 2nan 6:15

Bɛɛn jumɛn le be sɔrɔ Krista ni Sutana cɛ? Min lara Krista la ni min ma l'a la, jɛnɲɔgɔnya jumɛn bɛ sɔrɔ olu ni ɲɔgɔn cɛ?

Galasikaw 3:28

Danfara te zuwifu ni siya wɛrɛ cɛ tugu, jɔɔn ni hɔrɔn cɛ, cɛɛ ni muso cɛ. Bari aw bɛɛ kɛra kelen ye Yezu Krista barika la.