Kɛwalew 4:32 - ALA KA KUMA

³² Mɔgɔ minw tun lara Yezu la, u bɛnnin tun lo kosɔbɛ, miiriya kelen le tun b'u bɛɛ fɛ. U si tun t'a fɔ ko: «N ta.» Nga u ka fɛɛn bɛɛ tun ye foroba ye.

Jula NT of Côte d’Ivoire

³² Lanabagaw ta jɛnkuru* bɛɛ tun bɛnnin bɛ kelen ma; o tun ka o jusukun kɛ kelen ye, ka o ta miiriya kɛ kelen ye fana. O ra mɔgɔ si tun tɛ a borofɛn jate a kelen ta ye, nka o tun bɛ o borofɛnw bɛɛ tarantaran o ni ɲɔgɔn cɛ.

LAYIDUKURA

³² Mɔgɔ minw tun lara Yezu la, u bɛnnin tun lo kosɛbɛ, miiriya kelen le tun b'u bɛɛ fɛ. U si tun t'a fɔ ko: “N ta.” Nga u ka fɛɛn bɛɛ tun ye foroba ye.

Kɛwalew 4:32 Iomraidhean Croise

Lok 2nan 30:12

Zuda mara la fana, Masaba y'a to jama ka miiriya kɛra kelen ye ka se ka masacɛ n'a ka ɲamɔgɔw ka fɔta kɛ, ka kɛɲɛ ni ale Masaba ka kuma ye.

Yeremi 32:39

Ne bena dusu kelen le d'u ma, k'u bila sira kelen kan, waasa u ka siran ne ɲa tuma bɛɛ, olu n'u deenw ka hɛrɛ kosɔn.

Yuhana 17:11

Ne tena to diɲɛ kɔnɔ tugu. Olu bena to diɲɛ na, ne do be tagara e fɛ. N Faɲuman, ne b'i daali i k'u mara i tɔgɔ kosɔn i ye min di ne ma, janko u ka se ka kɛ kelen ye i n'a fɔ ne ni ele ye kelen ye cogo min na.

Kɛwalew 1:14

U bɛɛ ka miiri tun ye kelen ye. U lajɛnnin tun be jɛn ɲɔgɔn fɛ tuma bɛɛ ka Ala daali. Muso dɔw tun be n'u ye. Yezu baa Mariyamu tun be u cɛma, ani Yezu dɔgɔninw.

Kɛwalew 2:1

*Pantekɔti loon na, kalandenw bɛɛ lajɛnnin tun be boon kelen na.

Kɛwalew 5:12

Cidenw tun be kabako caaman kɛ jama ɲana. U be Alabatosoba donda min wele ko Solomani ka bulonda, kalandenw bɛɛ tun be to ka ɲɔgɔn lajɛn yen ni miiriya kelen ye.

Rɔmukaw 12:5

O cogo la, an minw lara Krista la, an n'an ka caya bɛɛ, an jɛnna ka kɛ farisogo kelen ye.

Kor fɔlɔ 1:10

Ne b'aw daali n balimaw, an Matigi Yezu Krista tɔgɔ kosɔn ko aw k'aw daa kɛ kelen ye, farali kana sɔrɔ aw cɛma. Aw ka miiri ka kɛ kelen ye aw ka kolatigɛnin bɛɛ la.

Kor 2nan 13:11

Sisan n balimaw, aw ka to nisɔndiya la, ka jija ka kɛ mɔgɔdafaninw ye, ka ɲɔgɔn jaa gwɛlɛya, ka bɛn kosɔbɛ, ani ka to hɛrɛ la ɲɔgɔn fɛ. N'o kɛra, kanuyatigi Ala, min ye hɛrɛtigi ye, ale bena to n'aw ye.

Filipikaw 1:27

Min ka gwɛlɛ, o ye nin ye: Aw ka taamacogo ka kan ka bɛn Krista ka koo ma, waasa hali ni ne nana aw fɛ, walima ne ma se ka na wo, ne k'a mɛn ko aw jijanin lo, ka bɛn ka baara kɛ ni miiriya kelen ye ani dusu kelen ye kibaru diman kosɔn aw y'aw jigi la min kan.

Piy fɔlɔ 3:8

Ayiwa, aw bɛɛ ka ɲɔgɔn minɛ ka ɲa ni miiriya kelen ye. Aw ka ɲɔgɔn kanu i n'a fɔ balimaw, ka ɲɔgɔn dɛmɛ, ka makari ɲɔgɔn na, k'aw majigi ɲɔgɔn ye.

Piy fɔlɔ 4:11

Ni mɔgɔ min be waajuli kɛ, o tigi ka kuma ka kɛ Ala ka kuma ye. Min be baara dɔ kɛ tɔw ye, o tigi k'o kɛ ni Ala ka barika ye, waasa Yezu Krista sababu la, boɲa ka la Ala kan koo bɛɛ la. Boɲa ni sebagaya ye ale min ta ye tuma bɛɛ. Amiina!