Kɛwalew 3:6 - ALA KA KUMA

⁶ O la Piyɛri y'a fɔ a ye tugu ko: «Sanu te n fɛ, wari te n fɛ, nga fɛɛn min be n fɛ, ne b'o le d'i ma: Nazarɛtika Yezu Krista tɔgɔ barika la, wili ka taama.»

Jula NT of Côte d’Ivoire

⁶ O tuma Piyɛri ko a ma ko: «Wari tɛ ne fɛ, sanin tɛ ne fɛ, nka min bɛ ne fɛ, ne bɛ o di i ma: Yesu Kirisita Nazarɛtikacɛ tɔgɔ baraka ra, wuri ka tagama!»

LAYIDUKURA

⁶ Nga Piyɛri y'a fɔ a ye tugu ko: “Sanu tɛ n fɛ, wari tɛ n fɛ, nga fɛɛn min bɛ n fɛ, ne b'o le d'i ma: Nazarɛti Yezu Krista tɔgɔ barika la, wili ka taama.”

Kɛwalew 3:6 Iomraidhean Croise

Matiyu 10:9

«Aw kana taga ni sanu ni wari ye.

Matiyu 7:22

Ni Ala ka kitilon nana se, mɔgɔ caaman ben'a fɔ ne ye ko: ‹Matigi, an ye kiraya kɛ e tɔgɔ la, ka jinaw gwɛn ka bɔ mɔgɔw la e tɔgɔ la, ka kabako caaman kɛ e tɔgɔ la.›

Marika 14:8

A y'a seko le kɛ. A kɔnna ka ne fari kasa diya ni tulu nin ye ne suu donko kama.

Marika 16:17

Mɔgɔ minw bena la a la, u bena olu lɔn taamasiɲɛ minw fɛ, olu filɛ: U bena jinaw gwɛn ka bɔ mɔgɔw la ne tɔgɔ la, u bena kuma kaan wɛrɛw la.

Yuhana 19:19

Pilati tun ye sɛbɛ dɔ kɛ k'o gwengwen Yezu kuun sanfɛ, a sɛbɛnnin tun be ko: «Nazarɛtika Yezu, zuwifuw ka masacɛ.»

Kɛwalew 10:38

Ala ye Nii Senuman ni sebagaya di ale Nazarɛtika Yezu ma, ka jamana bɛɛ munumunu ka to ka koɲuman kɛ mɔgɔw ye, ka mɔgɔw kɛnɛya minw bɛɛ tun be Sutana bolo, bari Ala tun b'a fɛ.

Kɛwalew 16:18

A tora o la fɔɔ tile damani. A laban, Pɔli ma se k'a muɲu. O la, a y'a ɲaa yɛlɛma k'a fɔ muso nin ka jina ye ko: «Yezu Krista tɔgɔ barika la, ne b'a fɔ i ye, bɔ muso nin na.» O yɔrɔnin bɛɛ, jina bɔra muso la.

Kɛwalew 2:22

«Ayiwa, Isirayɛli jama, n bena kuma minw fɔ sisan, aw ye u lamɛn dɛ! Ala ye Nazarɛtika Yezu ci aw fɛ, ka see d'a ma ka kabakow kɛ aw ɲana. Aw yɛrɛ y'o lɔn.

Kɛwalew 2:36

Ayiwa, aw Isirayɛli jama, aw k'a faamu kosɔbɛ ko aw ye Yezu min faga lɔgɔ kan, Ala y'ale lo woloma k'a kɛ an Matigi ye.»

Kɛwalew 3:16

An lara Yezu tɔgɔ la minkɛ, o le y'a to a ye cɛɛ nin kɛnɛya, aw ɲaa be min na, aw b'a lɔn fana ka kɔrɔ. Tiɲɛ na, anw lara Yezu la minkɛ, o le y'a kɛnɛya aw ɲakɔrɔ ten.

Kɛwalew 3:5

Cɛɛ y'a ɲaa basanin to u kan, a ka miiri la ko a bena fɛɛn dɔ sɔrɔ u fɛ.

Kɛwalew 3:7

Piyɛri y'a minɛ a kinibolo ma k'a wili. O yɔrɔnin kelen, cɛɛ seenw kɛnɛyara, a senfasaw ye barika sɔrɔ.

Kɛwalew 4:10

O la, aw y'aw tulo malɔ ka ɲa ani k'a faamu, Isirayɛli jama bɛɛ fana k'a faamu ko Yezu Krista Nazarɛtika nin barika lo, aw tun ye min gwengwen lɔgɔ kan. Ala y'a kunun. Ale barika la cɛɛ nin kɛnɛyara.

Kɛwalew 4:7

O tuma na, u nana ni Piyɛri ni Zan ye u cɛma. U y'u ɲininga ko: «Aw ye muruku nin kɛnɛya ni see jumɛn ye, walima aw y'a kɛnɛya tɔgɔ jumɛn barika la?»

Kɛwalew 9:34

Piyɛri y'a fɔ a ye ko: «Ene, Yezu Krista k'i kɛnɛya. Wili k'i ka dilan ta i yɛrɛ ma.» O yɔrɔnin bɛɛ, Ene wilila.

Kor fɔlɔ 4:11

Waati nin yɛrɛ la halibi, kɔngɔ b'an na, minnɔgɔ b'an na, fani yɛrɛ t'an fɛ, u b'an tɔɔrɔla, an be taamatagamana yɔrɔ bɛɛ la.

Kor 2nan 6:10

U b'an dusu cɛn, nga an be nisɔndiya sɔrɔ tuma bɛɛ. U b'an jati fantanw ye, nga an be mɔgɔ caaman kɛ fɛntigiw ye. U be miiri ko foyi t'an fɛ, k'a sɔrɔ fɛɛn bɛɛ b'an fɛ.

Kor 2nan 8:12

Bari see min b'i ye, n'i y'i yɛrɛ di ka sɔnni kɛ ka kɛɲɛ n'o ye, o le ka ɲi. Ni fɛɛn t'i bolo, baasi tɛ.

Kor 2nan 8:9

Bari aw b'an Matigi Yezu Krista ka ɲumanya lɔn, ale min tun ye fɛntigi ye, a y'a yɛrɛ kɛ fantan ye aw kosɔn, waasa aw ka se ka kɛ fɛntigiw ye.

Yakuba 2:5

N badenw, aw minw koo ka di ne ye, aw ye mɛnni kɛ, minw be jati fantanw ye diɲɛ kɔnɔ, Ala m'u woloma k'u kɛ fɛntigiw ye lanaya la, ani k'u ladon a ka masaya la wa? A tun y'a daa di a kanubagaw ma min la.

Piy fɔlɔ 4:10

Aw kelen kelen bɛɛ ye seko min sɔrɔ Ala fɛ, minw be danna danna, aw k'o kɛ ka tɔw mako ɲa. O la, aw bena baaraɲuman kɛ ni Ala ka nɛɛma ye.