Kɛwalew 3:19 - ALA KA KUMA

¹⁹ O tuma na, aw ye nimisa ka faran aw ka hakɛw la ka segi Ala ma, janko a k'aw ka hakɛw yafa.

Jula NT of Côte d’Ivoire

¹⁹ O le kosɔn aw ye nimisa aw ta jurumun na, ka sɔn Ala ma, janko aw ta jurumunw ye ko ka bɔ yi.

LAYIDUKURA

¹⁹ O tuma na sa, aw ye nimisa ka faran aw ka kojuguw la ka segi Ala ma, janko a ka yafa aw ma.

Kɛwalew 3:19 Iomraidhean Croise

Zaburu 103:12

Kɔrɔn fɛ ni tileben ka jan ɲɔgɔn na cogo min na, o cogo kelen na, a b'an ka filiw yɔrɔ jaɲa an na.

Zaburu 51:13

Kana ne bila ka to yɔrɔjan, kana e ka Nii bɔsi ne la.

Zaburu 51:9

E ka ne ka hakɛ yafa ka ne saniya. E ka ne ko, ne bena gwɛ parapara.

Ezayi 43:25

O bɛɛ n'a ta, ne yɛrɛ le b'aw ka kojuguw yafa n yɛrɛ kosɔn, n be ɲinɛ n'aw ka kojuguw ye kɔ.

Ezayi 44:22

Ne y'aw ka kojuguw tunu i ko sɔgɔma burun. Aw ka segi ne ma, bari, ne y'aw kunmabɔ.»

Ezayi 51:11

Masaba ye minw kunmabɔ, olu bena kɔsegi ka na. U bena don *Siyɔn kɔnɔ ni nisɔndiyapɛrɛnkan ye, nisɔndiya banbali bena kɛ u ta ye. U bena nisɔndiya kosɔbɛ, tɔɔrɔ ni dusukasi yɔrɔ bena jaɲa u la.

Ezayi 6:10

A kɛ jama nin tulo ka gwɛlɛya! U tulow geren k'u ɲaaw nɔrɔ! U kana yeli kɛ, u kana mɛnni kɛ. U kana foyi faamu, u kana se ka nimisa ka faran u ka kojuguw la, ka kɛnɛya.»

Ezayi 61:3

A ye ne ci ka *Siyɔnka dusukasininw ka dusukasi ban k'u nisɔndiya kosɔbɛ, ka tanuli don u dusu la ɲanasisi nɔɔ na. U bena kɛ i ko yiri minw be Masaba ka boɲa yira, i ko nankɔ min b'a ka nɔɔrɔ yira.

Ezayi 61:9

Aw deenw bena lɔn jamana wɛrɛw kɔnɔ, aw kɔmɔgɔw bena lɔn siya wɛrɛw cɛma. Mɔgɔ o mɔgɔ mana u ye, o ben'a lɔn ko Masaba ye barika don u la.

Yeremi 36:3

Ne ko n bena kojugu min kɛ Zuda mara mɔgɔw la, n'u y'o bɛɛ mɛn, n'a sɔrɔ u kelen kelen bɛɛ bena faran u ka sirajuguw la. O la, ne bena u ka juguya n'u ka hakɛ yafa u ma.»

Yeremi 50:20

O loonw na, o waati la, u bena Isirayɛli mara mɔgɔw ka filiyɔrɔ ɲini, u tena foyi ye. U bena Zuda mara mɔgɔw ka kojuguw ɲini, o tena ye tugu, bari ne bena minw to nii la, ne bena yafa olu ma. Ne Masaba le ko ten.

Kasikan 3:40

An ka filɛli kɛ an taamacogow la kosɔbɛ, an ka kɔsegi Masaba ma.

Kasikan 5:21

A to an ka kɔsegi e ma Masaba, an bena sɔn i ma. An ka koo lalaga, ka kɛ i ko a tun be cogo min na fɔlɔfɔlɔ.

Ezekiyɛli 33:11

Ayiwa, i k'a fɔ u ye ko ne Matigi, Masaba ko: Ne tɔgɔ kosɔn, mɔgɔjugu sayako man di ne ye fewu, ne b'a fɛ a k'a ka sirajugu bila ka kisi le. Aw ye yɛlɛma! Aw ye yɛlɛma k'aw ka sirajuguw bila! Isirayɛlidenw, mun kosɔn aw b'a fɛ ka sa?

Daniyɛli 9:13

A fɔra Musa ka sariyasɛbɛ kɔnɔ cogo min na, o bɔnɛ nin bɛɛ y'an sɔrɔ. Nga an ma se k'an ka hakɛw dabila ka tiɲɛ sira ta, ka Masaba an ka Ala dusu suma.

Oze ta kitabu 14:2

Isirayɛlidenw, aw ka kɔsegi Masaba aw ka Ala ma. Aw ka fili le y'a to aw benna.

Yowɛli 2:13

Aw kana aw ka faniw faran dusukasi fɛ, aw k'aw sɔɔn le yɛlɛma. Aw ye kɔsegi Masaba aw ka Ala ma. A ka ɲi, makaritigi lo. A te dimi joona, a ka ɲumanya ka bon kosɔbɛ. N'a ye jama ɲaa gwan, a be tila ka nimisa o la.

Matiyu 13:15

Bari u tulo ka gwɛlɛ, u te miiri, u t'a fɛ ka yeli kɛ, u t'a fɛ ka mɛnni kɛ. N'u tun ye yeli kɛ ka mɛnni kɛ, u tun bena nimisa ka faran u ka kojuguw la. Ne tun bena u kɛnɛya.›

Matiyu 18:3

k'a fɔ u ye ko: «Tiɲɛ na, n b'a fɔ aw ye ko n'aw m'aw sɔɔn yɛlɛma k'a kɛ i n'a fɔ denmisɛnw ta, aw tena don sankolo masaya la.

Luka 1:16

A bena kɛ sababu ye Isirayɛlidenw caaman be segi ka sɔn Matigi u ka Ala ma.

Luka 22:57

Piyɛri ye muso sɔsɔ k'a fɔ ko: «Ne t'a lɔn.»

Kɛwalew 1:6

Kalandenw lajɛnnin tun be Yezu kɔrɔ. U y'a ɲininga ko: «Matigi, sisan lo i bena Isirayɛli ka masaya sigi kura ye wa?»

Kɛwalew 11:18

Kuma nunu y'u dusu suma. U y'a daminɛ ka Ala tanu ka to k'a fɔ ko: «Tiɲɛ na, Ala ye sira di siya wɛrɛw fana ma u ka nimisa ka faran u ka kojuguw la ka kisi.»

Kɛwalew 11:21

Ala y'a ka sebagaya d'u ma fɔɔ mɔgɔ caaman lara Matigi la ka sɔn a ma.

Kɛwalew 15:3

Krista ka jama min tun be Antiyɔsi, olu y'u dɛmɛ o taama nin na kosɔbɛ. U taatɔ, u ye Fenisi, ni Samari mara cɛtigɛ. Siya wɛrɛw nimisara ka faran u ka kojuguw la cogo min na, u tora k'o lakali ka taga. O kibaruya ye balimaw bɛɛ nisɔn diya.

Kɛwalew 17:26

Siyaw bɛɛ bɔra mɔgɔ kelen na a ye min dan. A ye siya nunu bɛɛ ka sigiyɔrɔw daan tigɛ, k'u sii sabaticogo fana daan tigɛ.

Kɛwalew 2:38

Piyɛri y'u jaabi ko: «Aw ye nimisa ka faran aw ka hakɛw la, an b'aw batize Yezu Krista tɔgɔ la janko aw k'aw ka hakɛw yafa sɔrɔ. O la, aw bena Nii Senuman sɔrɔ,

Kɛwalew 28:27

Jama nin tulo ka gwɛlɛ. U y'u tulo datugu, k'u ɲaa tugu, waasa u kana yeli kɛ, u kana mɛnni kɛ, janko u kana faamuli kɛ. N'u tun y'a faamu, u tun bena u sɔɔn yɛlɛma. O la, ne Ala tun bena u kɛnɛya.›

Kɛwalew 3:20

Aw k'a kɛ ten, o la, yɛlɛmani bena don, lafiya bena sɔrɔ. O seen fɛ Matigi bena segi k'a ka Mɔgɔ wolomanin Yezu ci aw ma tugu, i n'a fɔ a y'a latigɛ cogo min na.

Kɛwalew 3:21

Nga sanni o waati ka se, a siginin bena to Ala kɔrɔ fɔlɔ yanni yɛlɛmani ka don diɲɛ koow bɛɛ la, ka kɛɲɛ ni Ala ka kiraw ka kuma ye, min fɔra kabini tumajan.

Rɔmukaw 11:25

N balimaw, ne t'a fɛ aw ka to kodogonin nin faamubaliya la, janko aw kana aw yɛrɛ jati kolɔnbagaw ye. Isirayɛliden dɔw bena to u ka dusugwɛlɛya la fɔɔ siya tɔw ka donyɔrɔ sɔrɔ Ala fɛ.

Tes 2nan 1:10

Mɔgɔ minw y'u jigi la a kan, a bena na o loon na janko olu k'a boɲa, ani u ka nisɔndiya a ka koo la, aw fana do sɔnna an ka kuma ma.

Tes 2nan 1:7

O la, aw minw be tɔɔrɔ la, a ka hɛrɛ kɛ aw ye i n'a fɔ anw. O bena kɛ an Matigi Yezu kɔsegituma na n'a ben'a yɛrɛ yira ka bɔ sankolo la n'a ka mɛlɛkɛ setigiw ye.

Tim 2nan 2:25

Mɔgɔ minw te sɔn a ka kalan ma, a ka kan k'olu minɛ ni dususuma ye. N'a sɔrɔ Ala bena u dɛmɛ u ka nimisa ka faran u ka kojuguw la waasa u ka tiɲɛ lɔn.

Heburuw 4:1

Ala y'a daa di ko an bena se ka don ka lafiɲɛ a ka yɔrɔ labɛnnin kɔnɔ. O dadili nin be seen kan halibi. O la, an k'an yɛrɛ minɛ waasa mɔgɔ si kana to kɔfɛ.

Piy fɔlɔ 2:25

Bari aw tun be i ko sagaw, minw be yaalala u kunfɛ, nga sisan, aw ɲaa yɛlɛmana ka sin aw dɛndɛbaga ma, min ye aw Kɔlɔsibaga ye.

Piy 2nan 3:8

N teriw, koo kelen be yen, aw kana ɲinɛ o kɔ dɛ! Matigi fɛ, tile kelen be i n'a fɔ saan waa kelen. Saan waa kelen be i n'a fɔ tile kelen.

Yirari 21:4

A bena u ɲaji bɛɛ cɛ. Saya kɔni, o te yen tugu. Mɔgɔ tena sa, mɔgɔ tena kasi, mɔgɔ tena tɔɔrɔ tugu. Bari, diɲɛkura lo, kɔrɔman n'a kɔnɔnafɛnw bɛɛ tununa bugubugu.»