Kɛwalew 3:14 - ALA KA KUMA

¹⁴ Aw banna Mɔgɔsɔbɛ ni Mɔgɔɲuman na, min y'a yɛrɛ di Ala ma a sago kosɔn. Aw banna ale la ko fɔɔ Pilati ka mɔgɔfagala dɔ le labila.

Jula NT of Côte d’Ivoire

¹⁴ Aw banna mɔgɔ saninman ni mɔgɔ terennin na, ka Pilati daari ko a ye mɔgɔfagabaga dɔ le labla a nɔ ra aw ye.

LAYIDUKURA

¹⁴ Aw banna Mɔgɔsɛbɛ ni Mɔgɔnyuman na, ale min y'a yɛrɛ di Ala ma a sagokɛ kɔsɔn. Aw banna ale la ko fɔɔ Pilati ka mɔgɔfagala dɔ le labila.

Kɛwalew 3:14 Iomraidhean Croise

Zaburu 16:10

Bari e tena ne to lahara. Ne min y'i ka mɔgɔtilennin ye, e be ne tanga saya fanga ma.

Jakariya 9:9

*Siyɔnkaw, aw ye ɲanagwɛ kosɔbɛ! Zeruzalɛmukaw ka nisɔndiya ka mankan kɛ! Aw ka masacɛ natɔ filɛ aw fɛ! Mɔgɔtilennin lo, setigi lo, mɔgɔmajiginin lo. A be fali kan, a be faliden kan.

Matiyu 27:20

Sarakalasebagaw ni cɛkɔrɔbaw ye jama kɔnɔnasu, waasa u ka Pilati daali ko a ka Barabasi labila ka Yezu faga.

Marika 1:24

«Mun be an ni e cɛ, Nazarɛtika Yezu? I nana k'an halaki wa? I ye mɔgɔ min ye, ne b'o lɔn. I ye Ala ka ciden senuman ye.»

Marika 15:11

Nga sarakalasebagaw kuntigiw ye jama kɔnɔnasu k'u ka Pilati daali ko a ka Barabasi bila.

Marika 15:7

O y'a sɔrɔ cɛɛ dɔ tun be yen min tɔgɔ ko Barabasi. O tun be kaso la n'a murutiɲɔgɔnw ye o waati la, bari u tun ye mɔgɔ dɔ faga tuma min na u murutira Ɔrɔmu faamaw ma.

Luka 1:35

Mɛlɛkɛ y'a jaabi ko: «Nii Senuman bena jigi i kan, Fɛɛn bɛɛ kuntigi Ala ka sebagaya bena kɛ i kan. O kama, i bena Deen senuman min wolo, a bena wele Ala Dencɛ.

Luka 23:25

Barabasi min tun donna kaso la murutili ni mɔgɔfaga kosɔn, a y'ale labila i n'a fɔ u y'a ɲini cogo min na. Nga a ye Yezu don u bolo waasa u k'u sago kɛ a la.

Yuhana 16:10

Min ye tilenninyako ye, u filila, bari ne be taga n Faa fɛ aw tena ne ye tugu.

Yuhana 18:40

U tora ka pɛrɛn ko: «Ayi, kana ale bila, nga i ka Barabasi labila.» K'a sɔrɔ Barabasi tun ye benkannikɛla ye.

Kɛwalew 13:28

Yezu ye koo min kɛ n'o tun b'a fagakun bɔ, o ma sɔrɔ. O bɛɛ n'a ta, u y'a ɲini Pilati fɛ ko a ka kan ka faga.

Kɛwalew 2:27

Bari e tena ne to lahara. Ne min y'i ka mɔgɔ senuman ye, i ten'a to ne suu be toli.

Kɛwalew 22:14

A y'a fɔ ne ye ko: ‹An faaw ka Ala y'i woloma k'i kɛ a ta ye, janko i k'a sago lɔn, i ɲaa ka la a ka Mɔgɔɲuman kan, ka mɛnni kɛ ale yɛrɛ daa la,

Kɛwalew 4:27

Tiɲɛ na, Pɔnsi Pilati, ni *Erɔdi, ni Isirayɛli jama ani siya wɛrɛw ye ɲɔgɔn lajɛn dugu nin kɔnɔ i ka baarakɛla senuman Yezu kama i ye min kɛ diɲɛ kisibaga ye.

Kɛwalew 5:28

«An tun ma kangari la aw ye ko aw kana mɔgɔw kalan a ka koo la wa? Nga aw ye Zeruzalɛmukaw tulo fa n'aw ka kalan ye. O tuma na, aw b'a fɛ cɛɛ nin fagako hakɛ ka ben anw kan le wa?»

Kɛwalew 7:52

Kira jumɛn tɛmɛna n'aw faaw m'a tɔɔrɔ? Minw ye Mɔgɔsɔbɛ nin nako fɔ, u ye olu faga. Aw fana ye mɔgɔsɔbɛ nin kɔniya k'a faga a ma mɛn.

Kor 2nan 5:21

Krista min ma kojugu kɛ, Ala y'a kɛ a sigɛnna an ka hakɛ kosɔn waasa an ka kɛ mɔgɔtilenninw ye ale ɲakɔrɔ Krista barika la.

Yakuba 5:6

Aw ye mɔgɔtilenninw jalaki k'u faga. U ma aw sɔsɔ.

Piy fɔlɔ 3:18

Krista sara adamadenw ka hakɛw kosɔn siɲɛ kelenpe, a banna. Ale mɔgɔtilennin sara mɔgɔ tilenbaliw kosɔn, waasa k'aw kɛ Ala taw ye. U y'a faga kɔni, nga a kununna Nii Senuman barika la.

Zan fɔlɔ 2:1

Ne deenw, ne be sɛbɛ nin cira aw ma, waasa aw kana hakɛ kɛ. Nga ni min nan'a kɛ, soronanikɛla b'an fɛ Faa Ala kɔrɔ n'o ye Yezu Krista ye, mɔgɔtilennin lo.

Yirari 3:7

«Sɛbɛ ci Krista ka jama ka mɛlɛkɛ ma Filadɛlifi k'a fɔ u ye ko: Dawuda ka konnigɛ be min bolo, ale ye Senuman ye tigitigi, ale min be daa yɛlɛ ni mɔgɔ si te se k'a tugu, n'a y'a tugu, mɔgɔ si te se k'a yɛlɛ, ale ko: