Kɛwalew 3:13 - ALA KA KUMA

¹³ Nga Ibrayima, ni Isiyaka, ani Yakuba ka Ala, ani an bɛmaw ka Ala le ye nɔɔrɔ la a ka baarakɛla Yezu kan, aw banna ale min na k'a don mɔgɔjuguw bolo. Pilati tun b'a fɛ k'a bila, aw ko fewu.

Jula NT of Côte d’Ivoire

¹³ Iburahima ni Isiyaka ni Yakuba ta Ala, an bɛmaw ta Ala, o le ka a ta baaraden Yesu tɔgɔ bonya; aw ka ale le labla fagamaw ye, ka ban a ra Pilati ɲa kɔrɔ, k’a sɔrɔ ale tun k’a latigɛ ko a bɛ a bla.

LAYIDUKURA

¹³ Nga an bɛma Ibrayima, ni Isiyaka, ni Yakuba ani an faaw bɛɛ ka Ala le ye nɔɔrɔ la a Sagokɛla Yezu kan, aw banna ale min na k'a don mɔgɔjuguw bolo. Pilati tun b'a fɛ k'a bila, aw ko fewu.

Kɛwalew 3:13 Iomraidhean Croise

Bɔri 3:13

Musa y'a fɔ Ala ye ko: «Ayiwa, ni ne tagara Isirayɛlidenw fɛ k'a fɔ u ye k'u bɛmaw ka Ala ye ne ci u ma, n'u ye ne ɲininga a tɔgɔ la, ne bena mun fɔ u ye?»

Bɔri 3:15

A y'a fɔ Musa ye tugu ko: «I k'a fɔ Isirayɛlidenw ye ko Masaba, u bɛmaw ka Ala, Ibrayima, ni Isiyaka, ani Yakuba ka Ala le y'i ci u fɛ. O ye ne tɔgɔ ye kudayi, waati bɛɛ mɔgɔw bena ne wele o cogo kelen na.

Bɔri 3:6

Ne y'i bɛma ka Ala ye, Ibrayima, ni Isiyaka, ani Yakuba ka Ala.» Musa y'a ɲada biri bari a tun be siran ka Ala filɛ.

Matiyu 11:27

O kɔ, a y'a fɔ mɔgɔw ye ko: «N Faa Ala ye fɛɛn bɛɛ di n ma. Mɔgɔ si te Dencɛ lɔn n'a Faa dɔrɔn tɛ, mɔgɔ si te Faa fana lɔn fɔɔ Dencɛ kelenpe. Ni Dencɛ b'a fɛ mɔgɔ min k'a Faa lɔn, o tigi ben'a lɔn.

Matiyu 20:19

U ben'a don siya wɛrɛw bolo, olu bena yɛlɛ a ma, k'a bugɔ ni golokami ye, k'a gwengwen lɔgɔ kan. Nga tile sabanan loon a bena kunun.»

Matiyu 22:32

‹Ne ye Ibrayima, ni Isiyaka, ani Yakuba ka Ala ye.› Ala te suuw ka Ala ye, nga ɲanamanw ka Ala lo.»

Matiyu 27:2

U ye Yezu siri ka taga di masacɛ ka lasigiden Pilati ma.

Matiyu 28:18

Yezu gwɛrɛla u la k'a fɔ u ye ko: «Ala ye sebagaya bɛɛ di ne ma sankolo la ani dugukolo kan.

Marika 15:11

Nga sarakalasebagaw kuntigiw ye jama kɔnɔnasu k'u ka Pilati daali ko a ka Barabasi bila.

Luka 22:57

Piyɛri ye muso sɔsɔ k'a fɔ ko: «Ne t'a lɔn.»

Luka 23:4

Pilati y'a fɔ sarakalasebagaw kuntigiw ni jama ye ko: «Ne ma kuun ye cɛɛ nin be se ka jalaki min na.»

Luka 6:37

«Aw kana tɔw kiti, Ala tena aw kiti. Aw kana tɔw jalaki, Ala tena aw jalaki. Aw ka yafa tɔw ma, Ala bena yafa aw ma.

Yuhana 12:16

O koo nin kɛtuma na, kalandenw tun ma kɔn k'o faamu, nga Ala ye Yezu boɲa tuma min na, u hakili sɔrɔla ka jigi a la k'o kuma nunu tun sɛbɛnna ale lo koo la. O fana le kɛra a ye.

Yuhana 18:40

U tora ka pɛrɛn ko: «Ayi, kana ale bila, nga i ka Barabasi labila.» K'a sɔrɔ Barabasi tun ye benkannikɛla ye.

Yuhana 19:11

Yezu y'a jaabi ko: «See min b'i fɛ k'a yira ne la, i m'o sɔrɔ i yɛrɛ ma, Ala le ye o see d'i ma, o la do, mɔgɔ min ye ne don i bolo, o tigi le ye hakɛba kɛ ka tɛmɛ e kan.»

Yuhana 19:12

Pilati y'o kuma mɛn dɔrɔn, a tun be cogo ɲinina ka Yezu labila, nga zuwifuw tora ka pɛrɛn ko: «N'i y'a bila, i te Ɔrɔmu masacɛ teri ye tugu. Bari mɔgɔ min b'a yɛrɛ kɛ masa ye, o tigi be wili masacɛ le kama.»

Yuhana 19:15

Nga u y'a jaabi ko a ka faga, a ka faga lɔgɔ kan! Pilati y'a fɔ u ye ko: «Ne k'aw ka masacɛ faga lɔgɔ kan wa?» Sarakalasebagaw kuntigiw y'a jaabi ko masacɛ wɛrɛ te olu fɛ Ɔrɔmu masacɛ kɔ.

Yuhana 7:39

Mɔgɔ minw bena la a la, olu bena Nii Senuman min sɔrɔ, a tun be o le koo fɔra ten. Nii Senuman tun ma di fɔlɔ bari Yezu tun ma boɲa sɔrɔ fɔlɔ.

Kɛwalew 22:14

A y'a fɔ ne ye ko: ‹An faaw ka Ala y'i woloma k'i kɛ a ta ye, janko i k'a sago lɔn, i ɲaa ka la a ka Mɔgɔɲuman kan, ka mɛnni kɛ ale yɛrɛ daa la,

Kɛwalew 24:14

Ayiwa, ne kɔni be min lɔn, o filɛ nin ye: olu k'o sira nin te siraɲuman ye, ne be baara kɛra an bɛmaw ka Ala ye ka kɛɲɛ n'o sira ye. Min bɛɛ fɔra sariya la, ani kiraw ye minw sɛbɛn, ne b'o bɛɛ bato.

Kɛwalew 3:12

Piyɛri y'o ye minkɛ, a y'a kaan to ko: «Isirayɛlidenw, koo min kɛra ten, mun na o b'aw kamanagwan k'aw ɲaa coron anw na ka kɛ i n'a fɔ anw ka sebagaya le ye cɛɛ kɛnɛya, walima an ka Ala ɲasiranya kosɔn le?

Kɛwalew 3:26

Ala y'a ka baarakɛla ci aw le ma fɔlɔ, janko a ka hɛrɛ kɛ aw kelen kelen bɛɛ ye k'aw faran ka bɔ aw ka kɛwalijuguw la.»

Kɛwalew 4:27

Tiɲɛ na, Pɔnsi Pilati, ni *Erɔdi, ni Isirayɛli jama ani siya wɛrɛw ye ɲɔgɔn lajɛn dugu nin kɔnɔ i ka baarakɛla senuman Yezu kama i ye min kɛ diɲɛ kisibaga ye.

Kɛwalew 4:30

A to an ka se ka mɔgɔw kɛnɛya, ka kabakow kɛ Yezu tɔgɔ barika la, min y'i ka baarakɛla senuman ye.»

Kɛwalew 7:32

‹Ne ye i bɛmaw ka Ala ye: Ibrayima, ni Isiyaka, ni Yakuba ka Ala.› Musa yɛrɛyɛrɛtɔ tun te sɔnna ka filɛli kɛ yen tugu.

Rɔmukaw 9:5

Ibrayima ni Isiyaka ani Yakuba le ye u faaw ye. Krista ni olu ye siya kelen ye, a wolola u ka deen dɔ fɛ. Ala be fɛɛn bɛɛ kunna, a ka tanu tuma bɛɛ! Amiina.

Heburuw 2:9

An y'a kɔlɔsi k'a ye ko Ala ye Yezu majigi mɛlɛkɛw ye waati kunkurunnin kɔnɔ. A sɔnna ka tɔɔrɔ ka sa mɔgɔw bɛɛ kosɔn, Ala ka nɛɛma barika la. Sisan a ye kunkɔrɔta ni nɔɔrɔ sɔrɔ.

Yirari 1:18

Ne ɲanaman lo. N tun sara, nga sisan n be nii na. N bena to nii na kudayi! Saya ani lahara konnigɛ be ne bolo.

Yirari 1:5

Yezu Krista min ye Ala ka seeresɔbɛ ye, n'ale lo kɛra suu fɔlɔ ye ka kunun, n'a ye masaw ka Masa ye, ale ka nɛɛma ni hɛrɛ kɛ aw ye. An koo diyar'a ye, a y'an ka hakɛ yafa a joli bɔnnin sababu la,