Kɛwalew 28:8 - ALA KA KUMA

⁸ O y'a sɔrɔ a facɛ lanin tun lo tɔgɔtɔgɔni bolo. Pɔli tagara k'a bolo l'a kuun na, ka Ala daali a ye, a kɛnɛyara.

Jula NT of Côte d’Ivoire

⁸ Pubilusi facɛ tun man kɛnɛ, sumaya ni tɔgɔtɔgɔni tun b’a ra. Pɔli tagara a fɛ ka taga Ala daari a ye ka a boro la a kan; a kɛnɛyara.

LAYIDUKURA

⁸ O y'a sɔrɔ a facɛ lanin tun lo tɔgɔtɔgɔni bolo. Pɔli taara k'a bolo l'a kuun na, ka Ala dali a ye, a kɛnɛyara.

Kɛwalew 28:8 Iomraidhean Croise

Matiyu 10:1

Yezu y'a ka kalanden tan ni fila wele. A ye see d'u ma ka jinaw gwɛn, ani ka banabagatɔ sifa bɛɛ kɛnɛya.

Matiyu 10:8

Aw ye banabagatɔw kɛnɛya, ka suuw kunun, ka farisogobanatigiw kɛnɛya, ka jinaw gwɛn ka bɔ mɔgɔw la. Ne y'o koow kɛ see d'aw ma gwansan, o la, aw fana k'o kɛ mɔgɔw ye gwansan.

Matiyu 12:13

Yezu sɔrɔla k'a fɔ cɛɛ nin ye ko: «I bolo jan.» A y'a jan, a kɛnɛyara ka kɛ i n'a fɔ tɔ kelen nin be cogo min na.

Matiyu 9:18

Ka Yezu to o kuma nunu na, zuwifuw ka kuntigi dɔ nana a kunbiri gwan a kɔrɔ k'a fɔ a ye ko: «N denmuso banna sisan sisan. Nga, sabali ka na i bolo la a kan, a bena kunun.»

Marika 16:18

Hali n'u ye saa minɛ, hali n'u ye baga min, a tena foyi kɛ u la. N'u y'u bolo la banabagatɔ minw kan ka Ala daali u ye, olu bena kɛnɛya.»

Marika 5:23

k'a daali kosɔbɛ ko: «N denmuso be ɲini ka sa. Sabali ka na i bolo la a kan janko a ka kɛnɛya ka to nii na.»

Marika 6:5

Yezu y'a bolo la banabagatɔ dɔw kan k'u kɛnɛya. A ma se ka kabako si kɛ yen ka fara o kan.

Marika 7:32

Mɔgɔ dɔw tagar'a sɛgɛrɛ ni cɛɛ tulogweren dɔ ye. A tun te se ka kuma ka ɲa fana. U ye Yezu daali ko a k'a bolo la cɛɛ kan k'a kɛnɛya.

Luka 13:13

A y'a bolo la muso kan. O yɔrɔnin bɛɛ, a kɔɔ tilenna, a y'a daminɛ ka Ala tanu.

Luka 4:40

Tilekun donnin kɔ, mɔgɔw tagara Yezu sɛgɛrɛ n'u ka banabagatɔw bɛɛ ye. A y'a bolo la u kelen kelen bɛɛ kan k'u kɛnɛya.

Kɛwalew 28:7

Jamanatigi ka soo tun man jan o yɔrɔ nin na, ale ye anw ladon a ka soo ka ɲa, an ye tile saba kɛ yen. A tɔgɔ tun ko Pubiliyusi.

Kɛwalew 28:9

A laban, o mara banabagatɔw bɛɛ nana, u bɛɛ kɛnɛyara fana.

Kɛwalew 9:40

Piyɛri ko mɔgɔw bɛɛ ka bɔ kɛnɛma. O kɔ, a y'a kunbiri gwan ka Ala daali. O kɔ, a y'a ɲaa yɛlɛma suu faan fɛ k'a fɔ ko: «Tabita, wili.» A y'a ɲaa yɛlɛ ka Piyɛri ye minkɛ, a wilila ka sigi.

Kor fɔlɔ 12:28

Ala ye mɔgɔ minw sigi a ka jama cɛma, o ye nunu ye: a fɔlɔ, cidenw, a filanan, kiraw, a sabanan, karamɔgɔw, o kɔ, kabako kɛli see dira minw ma, ani banabagatɔw kɛnɛyali, ni mɔgɔ dɛmɛli, ni ɲamɔgɔya, ani see dira minw ma ka kaan wɛrɛw fɔ.

Kor fɔlɔ 12:9

O Nii Senuman nin ye jigi di dɔ ma, ka banabagatɔw kɛnɛyali see di dɔ wɛrɛ ma.