Kɛwalew 28:31 - ALA KA KUMA

³¹ A tun be Ala ka masaya koo fɔ u ye, ka mɔgɔw kalan Matigi Yezu Krista ka koow la ni jagwɛlɛya ye, mɔgɔ si tun t'a bali.

Jula NT of Côte d’Ivoire

³¹ A tun bɛ Ala ta Masaya ko waajuri kɛ, ka mɔgɔw karan, ka Matigi Yesu Kirisita ta ko yira o ra. A tun bɛ o kɛ, siranya tun t’a ra, mɔgɔ si tun t’a bari fana.

LAYIDUKURA

³¹ A tun bɛ Ala ka masaya koo fɔ u ye, ka mɔgɔw kalan Matigi Yezu Krista ka koow la ni jagwɛlɛya ye, mɔgɔ si tun t'a bali.

Kɛwalew 28:31 Iomraidhean Croise

Matiyu 4:23

Yezu tun be Galile mara bɛɛ yaala ka mɔgɔw kalan zuwifuw ka kalansow kɔnɔ. A tun be *sankolo masaya kibaru diman fɔ u ye, ani ka banabagatɔ sifa bɛɛ kɛnɛya jama cɛma.

Marika 1:14

Zan bilanin kɔ kaso la, Yezu tagara Ala ka kibaru diman fɔ Galile mara la.

Luka 8:1

O kɔ, Yezu tun be yaala duguba ni dugudenninw na ka waajuli kɛ ka Ala ka masaya kibaru diman fɔ. A ka kalanden tan ni fila tun be n'a ye,

Kɛwalew 1:3

Yezu sanin kɔ, ka kunun, a y'a yɛrɛ yira a ka cidenw na cogo caaman ani siɲɛ caaman na tile bi naani kɔnɔ janko u k'a lɔn ko ale kununna. A tora n'u ye n'a b'u kalan Ala ka masaya sigiko la.

Kɛwalew 20:25

«Ayiwa, ne tɛmɛtuma na aw fɛ, ne ye Ala ka masaya koo fɔ aw ye. Ne do y'a lɔn sisan ko aw si ɲaa tena la ne kan tugu.

Kɛwalew 23:11

Suu nana ko, Matigi y'a yɛrɛ yira Pɔli la k'a fɔ a ye ko: «I jaa gwɛlɛya, i ye ne koo fɔ Zeruzalɛmukaw ye ka ban, fɔɔ i ka taga ne koo fɔ Ɔrɔmukaw ye fana.»

Kɛwalew 28:23

U bɛnna loon wɛrɛ la. O loon, zuwifu nunu nana caaman Pɔli ka soo. K'a ta sɔgɔma fɔɔ wulafɛ, Pɔli ye Ala ka masaya koo fɔ u ye. A jijanin tun be ka Yezu ka koo don u dusu la. O kama, a tun be Musa ka sariya ani kiraw ka kitabuw kɔnɔnakumaw ɲafɔ u ye.

Kɛwalew 28:30

Pɔli tun ye boon min ta, a ye saan fila dafanin kɛ o kɔnɔ. Mɔgɔ o mɔgɔ tun be taga bɔ a fɛ, a tun b'u bɛɛ kunbɛn ka ɲa.

Kɛwalew 4:29

Sisan kɔni Matigi, i janto u ka bagabagaliw la, a to i ka baarakɛlaw k'i ka kuma fɔ mɔgɔw ye ni jagwɛlɛya ye.

Kɛwalew 4:31

U tun be yɔrɔ min na, daalili bantɔ, o yɔrɔ nin yɛrɛyɛrɛla. U bɛɛ fara Nii Senuman na, ka to ka Ala ka kuma fɔ ni jagwɛlɛya ye.

Kɛwalew 5:42

Loon o loon, Yezu min ye Ala ka Mɔgɔ wolomanin ye, cidenw tun be to ka taga ale ka kibaru diman fɔ mɔgɔw ye Alabatosoba kɔnɔ, ani u yɛrɛ ka soow kɔnɔ.

Kɛwalew 8:12

Nga, Filipu nana Yezu ka kibaru diman ni Ala ka masaya sigiko fɔ u ye minkɛ, u lara Yezu la. Filipu y'u batize, cɛɛ fara musow kan.

Filipikaw 1:14

Ne minɛko kɛra sababu ye an balimaw caaman ye jagwɛlɛya sɔrɔ Matigi barika la. Olu be tagara ɲa ka Ala ka kuma fɔ ni siranya t'o la.

Tim 2nan 2:9

O kibaru diman fɔli kosɔn, ne be sigɛn na, u ye ne siri ni jɔrɔkɔ ye, i n'a fɔ kojugukɛla. Nga mɔgɔ si te se ka Ala ka kuma fɔli bali.

Tim 2nan 4:17

Nga Matigi yɛrɛ le tora ne fɛ ka fanga di ne ma, fɔɔ a kɛra ten, ne sera ka Ala ka kuma fɔ u ye ka gwɛ. A kɛra ten, siya tɔw bɛɛ y'o mɛn, ani ne kisira jara daa ma.