Kɛwalew 28:21 - ALA KA KUMA

²¹ U y'a jaabi ko: «Zudekaw ma sɛbɛ foyi ci an ma i ka koo la. Balima minw bɔra o yɔrɔ la ka na, o si ma foyi fɔ an ye ko i ye koo dɔ kɛ.

Jula NT of Côte d’Ivoire

²¹ O ka Pɔli jaabi ko: «Anw ma sɛbɛ si sɔrɔ ka bɔ Zude, ele ta ko ra; an balema si ma bɔ yi fana ka na kuma dɔ fɔ an ye, walama ka i tɔgɔjugu fɔ an ye yan.

LAYIDUKURA

²¹ U y'a jaabi ko: “Zudekaw ma sɛbɛ foyi ci an ma i koo la. Minw bɔra o yɔrɔ la ka na o si ma foyi fɔ an ye ko i ye koo dɔ kɛ.

Kɛwalew 28:21 Iomraidhean Croise

Bɔri 11:7

Nga wulu tena sɔngɔ mɔgɔ si kan, walima begɛn, Isirayɛlidenw ka yɔrɔ la janko aw k'a lɔn ko Masaba be faranfasi kɛ Ezipitikaw ni Isirayɛlidenw cɛ.

Ezayi 41:11

Minw bɛɛ dimina aw kɔrɔ, olu bena dɔgɔya sɔrɔ ka maloya. Aw kɛlɛbagaw bena jati fɛɛn gwansanw ye, ka halaki.

Ezayi 50:8

Min be tiɲɛ di ne ma, ale yɔrɔ man jan. Jɔn b'a fɛ ka ne kiti? O tigi ka na, an be taga kititigɛyɔrɔ la ɲɔgɔn fɛ. Ne kɛlɛɲɔgɔn ye jɔn ye? O tigi ka gwɛrɛ ne la.

Ezayi 54:17

Kɛlɛkɛminan fɛɛn o fɛɛn dilanna i kama, o si tena foyi ɲa. Daa o daa man'a fɔ ko a b'i jalaki kititigɛyɔrɔ la, i ben'a ka kuma kɔɔ kari. O le bena kɛ ne Masaba ka baarakɛlaw niyɔrɔ ye. Ne bena u kɛ sesɔrɔbagaw ye.» Masaba le ko ten!

Kɛwalew 22:5

Sarakalasebagaw kuntigiba ni cɛkɔrɔbaw ka jɛnkulu be se k'a fɔ ni galon lo, walima ni tiɲɛ lo. Loon dɔ la, ne ye sɛbɛ sɔrɔ olu fɛ ko n ka taga di an balimaw ma Damasi, ka Yezu kɔmɔgɔw minɛ ka na n'u ye Zeruzalɛmu k'u tɔɔrɔ.

Kɛwalew 28:14

ka taga balima dɔw sɔrɔ yen. Olu y'a ɲini an fɛ ko an ka lɔgɔkun kelen kɛ n'u ye. A kɛra cogo min na an sera Ɔrɔmu, o le ye nin ye.

Kɛwalew 3:17

«Sisan n balimaw, ne y'a lɔn ko aw, n'aw ka ɲamɔgɔw ye koo nin kɛ, sabu aw tun m'a lɔn.

Rɔmukaw 9:3

Bari ne yɛrɛ b'a fɛ n niin ka bɔ Ala ka koo la ka n faran ka bɔ Krista la, ne balimaw kosɔn, ne ni minw ye siya kelen ye,