Kɛwalew 28:2 - ALA KA KUMA

² O yɔrɔ mɔgɔw y'an minɛ ka ɲa. U ye tasumaba mana an ye, bari sanji tun nana ka nɛnɛ kɛ.

Jula NT of Côte d’Ivoire

² O yɔrɔ mɔgɔw ka an mina ka ɲa kosɛbɛ. I n’a fɔ sanji tun bɛ benna, nɛnɛ fana tun bɛ yi, o ka tasumaba dɔ mana ka an bɛɛ wele ka na o tasuma kɔrɔ.

LAYIDUKURA

² O yɔrɔ mɔgɔw y'an minɛ ka nya. U ye tasumaba mana an ye, bari sanji tun nana ka nɛnɛ bɔ.

Kɛwalew 28:2 Iomraidhean Croise

Ɛsidarasi 10:9

Zuda kɔmɔgɔw ni Bɛnzamɛn kɔmɔgɔ cɛmanw bɛɛ nana Zeruzalɛmu o tile saba nin kɔnɔ. O tun bɛnna saan kalo kɔnɔntɔnnan tile mugannan loon ma. Jama bɛɛ tun be Ala ka soo ɲafɛ. U tun be yɛrɛyɛrɛla koo nin siranya kosɔn ani sanji fana kosɔn, min tun be benna.

Sarakalasebagaw 19:18

Aw kana kojugu juru sara ɲɔgɔn na. Aw kana aw ka siyaden ka koo mara aw kɔnɔ. Aw k'aw mɔgɔɲɔgɔn kanu i n'a fɔ aw yɛrɛ. Ne le ye Masaba ye.

Sarakalasebagaw 19:34

Aw ka lonan minɛ i n'a fɔ dugulen. Aw k'a kanu i n'a fɔ aw yɛrɛ, bari aw fana tun siginin be Ezipiti jamana na lonanya la. Ne le ye Masaba aw ka Ala ye.

Matiyu 10:42

Tiɲɛ na, ne b'a fɔ aw ye ko ne ka kalanden minw lɔyɔrɔ ka dɔgɔ mɔgɔw ɲana, ni min ye jii suma di olu dɔ ma, bari ne ka kalanden lo, hali ni filen ɲaa kelen lo, o tigi ben'a tɔnɔ sɔrɔ.»

Yuhana 18:18

Baarakɛlaw ni sɔlidasiw tun ye tasuma mana luu kɔnɔ, bari nɛnɛ tun be yen, u tun b'u yɛrɛ jara. Piyɛri fana tun lɔra u cɛma n'a b'a yɛrɛ jara.

Kɛwalew 27:3

A dugusagwɛ, an sera Sidɔn. Pɔli minɛcogo tun ka ɲi Ziliyusi fɛ. O la, a ye sira d'a ma ko a be se ka ta'a lɔnbagaw yɔrɔ filɛ dugu kɔnɔ, k'a makoyafɛn sɔrɔ u fɛ.

Kɛwalew 28:3

Pɔli ko a be tasuma lalaga funteni kosɔn, fɔnfɔnni dɔ bɔra lɔgɔ la k'a cin a bolo la.

Kɛwalew 28:4

Dugulenw ye saa nin dulonnin ye Pɔli bolo la minkɛ, u tora k'a fɔ ɲɔgɔn ye ko cɛɛ nin be sɔrɔ mɔgɔfagala dɔ ye. Ko a kɔni ma se ka sa jii la, nga Ala ka kiti t'a fɛ a ka to nii na.

Rɔmukaw 1:14

Ne ka kan ka baara kɛ mɔgɔw cɛma minw ɲaa yɛlɛla, ni minw ta ma yɛlɛ, ani kolɔnbagaw ni kolɔnbaliw cɛma.

Rɔmukaw 14:1

Mɔgɔ min barika ka dɔgɔ Krista ka sira la, aw k'ale minɛ ka ɲa, aw kana to a kɔrɔfɔli la.

Rɔmukaw 14:3

mɔgɔ min be fɛɛn bɛɛ dumu, ale man kan ka dɔ nin dɔgɔya, ani min te fɛɛn bɛɛ dumu, ale fana kan'a tɔɲɔgɔn nin jalaki, bari Ala sɔnn'a ma.

Rɔmukaw 2:27

E min be sariya cɛn, kɛnɛkɛnɛbali min be sariya bato, ale bena i jalaki. K'a sɔrɔ a sɛbɛ b'i bolo, i kɛnɛkɛnɛni lo fana.

Kor fɔlɔ 14:11

Ni mɔgɔ min be kumana ne fɛ ni ne t'ale ka kaan mɛnna, o tigi be kɛ siya wɛrɛ ye ne fɛ, ne fana be kɛ siya wɛrɛ ye o tigi fɛ.

Kor 2nan 11:27

Ne sigɛnna baara gwɛlɛman bolo, ne ma sinɔgɔ siɲɛ caaman, ne tɔɔrɔla kɔngɔ ni minnɔgɔ bolo, tuma caaman ne tun te dumuni sɔrɔ, ne tɔɔrɔla nɛnɛ bolo kosɔbɛ, ne tun te fani sɔrɔ k'a don fana.

Kɔlɔsikaw 3:11

O la, danfara te siya wɛrɛ ni zuwifu cɛ, kɛnɛkɛnɛninw ni kɛnɛkɛnɛbaliw cɛ, lonanw ni siyajuguw cɛ, jɔɔnw ni hɔrɔnw cɛ. Krista ye fɛɛn bɛɛ ye, a be bɛɛ la.

Heburuw 13:2

Aw hakili ka to a la ko aw ka kan ka lonanw ladon. Lonanladon sababu la, dɔw ye mɛlɛkɛw ladon k'a sɔrɔ u m'a lɔn ko mɛlɛkɛw lo.