Kɛwalew 28:15 - ALA KA KUMA

¹⁵ Balima minw be Ɔrɔmu, olu tun y'an kibaru mɛn n'an ma se yen ban. U dɔw bɔra ka n'an kunbɛn fɔɔ Apiyusi lɔgɔfiyɛ la, dɔw nana an kunbɛn dugu dɔ la min tɔgɔ ko Lonan jigiyɔrɔ saba. Pɔli y'olu ye tuma min na, a ye barika la Ala ye, dɔ farala a ka jagwɛlɛya kan.

Jula NT of Côte d’Ivoire

¹⁵ Ayiwa, Rɔmu lanabagaw tun ka an nako kibaroya mɛn minkɛ, olugu nana an kunbɛn fɔ Apiyusi lɔgɔfiyɛ ra, ani Lonanjigiyɔrɔ saba yɔrɔ ra. Kabini Pɔli ka olugu ye, a ka baraka la Ala ye, a jigi sigira.

LAYIDUKURA

¹⁵ Kalanden minw bɛ Ɔrɔmu, olu tun y'an kibaru mɛn n'an ma se yen ban. U dɔw bɔra ka n'an kunbɛn fɔɔ Apiyusi lɔgɔfiyɛ la, dɔw nana an kunbɛn Turuwa Tavɛɛni dugu kɔnɔ. Pɔli y'olu ye tuma min na, a ye barika la Ala ye, dɔ farala a ka jagwɛlɛya kan.

Kɛwalew 28:15 Iomraidhean Croise

Zaburu 27:14

I jigi la Masaba kan, i jija k'i jaa gwɛlɛya. I jigi la Masaba kan.

Bɔri 4:14

Masaba dimina Musa kɔrɔ kosɔbɛ, a ko: «I kɔrɔcɛ Arɔn, Levi kɔmɔgɔ nin, te yen wa? Ne y'a lɔn ko a be se kuma na. A fana be sira kan n'a be nana i kunbɛnyɔrɔ. N'a y'i ye, a bena diya a ye kosɔbɛ.

Yuhana 12:13

U ye tenfuraburuw tigɛ ka bɔ ka taga kunbɛn, u tun be pɛrɛn k'a fɔ ko: «An b'i tanu! E min be nana Matigi tɔgɔ la, Isirayɛli ka masacɛ, Ala ka barika don i la.»

Kɛwalew 1:15

O loonw na, kalanden mɔgɔ kɛmɛ ni mugan ɲɔgɔn lajɛnnin tun be yen. Piyɛri wilila ka lɔ u cɛma k'a fɔ ko:

Kɛwalew 10:23

Piyɛri ye lonan nunu minɛ kosɔbɛ o loon sufɛ. A dugusagwɛ, a tugura u kɔ ka taga. Balima minw tun be Zope, olu mɔgɔ damani y'a bila sira.

Kɛwalew 10:25

Tuma min na Piyɛri tun be ɲini ka don luu kɔnɔ, Kɔrinɛyi tagar'a kunbɛn daa la k'a kunbiri gwan a ɲafɛ.

Kɛwalew 11:1

Cidenw, ni balima minw tun be Zeruzalɛmu, olu y'a mɛn ko siya wɛrɛw fana sɔnna Ala ka kuma ma.

Kɛwalew 11:12

Nii Senuman y'a fɔ n ye ko ne kana sigasiga ka taga n'u ye. Mɔgɔ wɔɔrɔ nunu fana ye n bila sira Sezare. An sera ka don cɛɛ ka soo.

Kɛwalew 12:17

Piyɛri y'a bolo kɛ k'u ka je. U jera, Matigi y'a bɔ kaso la cogo min na, a y'o bɛɛ ɲafɔ u ye. O kɔ, a y'a fɔ u ye k'u ka taga o kibaru fɔ Zaki, ni balima tɔw ye. A y'o fɔ ka ban, a bɔra ka taga yɔrɔ dɔ la.

Kɛwalew 21:5

O bɛɛ n'a ta, an ye lɔgɔkun kelen nin kɛ ka ban tuma min na, an y'an ka sira ta. Cɛɛw, musow fara denmisɛnw kan, u bɛɛ y'an bila sira. An taamana ka bɔ dugu kɔfɛ ka se kɛnɛba dɔ la bada la. An bɛɛ y'an kunbiri gwan yen, ka Ala daali.

Kɛwalew 28:14

ka taga balima dɔw sɔrɔ yen. Olu y'a ɲini an fɛ ko an ka lɔgɔkun kelen kɛ n'u ye. A kɛra cogo min na an sera Ɔrɔmu, o le ye nin ye.

Rɔmukaw 15:24

Ni ne be taga Ɛsipaɲɛ tuma min na, ne b'a fɛ ka lɔ aw fɛ o tuma na k'aw filɛ ka waati dɔɔni kɛ n'aw ye, ne taatɔ aw ka ne dɛmɛ.

Kor 2nan 2:14

Barika ka la Ala ye ale min b'a to an be niyɔrɔ sɔrɔ Krista ka sesɔrɔko la tuma bɛɛ, ale lo b'an ta ka baara kɛ n'an ye ka Krista yira yɔrɔ bɛɛ, i n'a fɔ wusulan min kasa be taga yɔrɔ bɛɛ.

Galasikaw 4:14

Ka ne to o bana bolo, o tun ye kɔrɔbɔli ye aw ma, nga o bɛɛ n'a ta, ne nigɛ ma bɔ aw la, aw ma ne dɔgɔya fana. Nga aw ye ne minɛ i n'a fɔ mɛlɛkɛ, walima Yezu Krista yɛrɛ.

Tes fɔlɔ 3:7

O le y'a to, n balimaw, k'an to an ka sigɛn n'an ka tɔɔrɔ la, an y'a ye tuma min na ko aw jigi lanin be Matigi kan halibi, an ye nisɔndiya sɔrɔ.

Heburuw 13:3

Aw k'aw hakili to kasodenw na, k'a kɛ i n'a fɔ aw fana be kaso la n'u ye. U be minw tɔɔrɔla, aw k'aw hakili to u la, i n'a fɔ aw yɛrɛ tun be tɔɔrɔla.

Yosuwe 1:9

Ne le m'a fɔ i ye ko i ka barika don i yɛrɛ la k'i jaa gwɛlɛya wa? Ko i kana siran, i jaa kana tigɛ, bari ne Masaba i ka Ala le bena to i fɛ i taayɔrɔw bɛɛ la.»

Sam fɔlɔ 30:6

Dawuda hakili ɲagamina kosɔbɛ, bari jama tun b'a fɔra k'olu b'a bon ni kabakuru ye k'a faga. U bɛɛ dusu tun cɛnna kosɔbɛ, u dencɛw n'u denmusow kosɔn. Nga Dawuda y'a yɛrɛ jaa gwɛlɛya Masaba a ka Ala barika la.