Kɛwalew 27:23 - ALA KA KUMA

²³ bari ne be baara kɛ n ka Ala min ye, ale ka mɛlɛkɛ dɔ y'a yɛrɛ yira ne la kunu sufɛ

Jula NT of Côte d’Ivoire

²³ Ne ye Ala min ta ye, ani ne bɛ baara kɛra min ye, o ta mɛlɛkɛ dɔ nana ne fɛ bi su fɛ.

LAYIDUKURA

²³ bari ne bɛ baara kɛ n ka Ala min ye, ale ka mɛlɛkɛ dɔ y'a yɛrɛ yira ne la kunu sufɛ

Kɛwalew 27:23 Iomraidhean Croise

Zaburu 116:16

Masaba, ne y'i ka baarakɛla ye tiɲɛ na. I ka baarakɛla min wolola i ka baarakɛmuso fɛ. I ye ne hɔrɔnya.

Zaburu 135:4

Masaba ye Isirayɛlidenw woloma ka kɛ a yɛrɛ ta ye.

Zaburu 143:12

I bena ne juguw halaki i ka ɲumanya kosɔn. I bena ne kɛlɛbagaw bɛɛ halaki, bari ne y'i ka baarakɛla ye.

Bɔri 19:5

Sisan ni aw ye mɛnni kɛ ne fɛ, ka to bɛɛn na ni ne ye, siyaw bɛɛ cɛma, aw bena to ne taya la. Bari, dugukolo bɛɛ ye ne ta ye,

Dɔnkiriw 2:16

Ne kanubaga ye ne ta ye, ne fana ye ale ta ye. A b'a ka begɛnw dɛndɛ lisiyiriw cɛma.

Dɔnkiriw 6:3

Ne ye n kanubaga ta ye, n kanubaga fana ye ne ta ye, ale min b'a ka begɛnw dɛndɛ lisiyiriw cɛma.

Ezayi 44:21

«Isirayɛlidenw, aw k'aw hakili to nin kelen na: aw ye ne ka baarakɛlaw ye. Ne y'aw labɛn waasa ka kɛ ne ka baarakɛlaw ye. Ne tena ɲinɛ aw kɔ.

Ezayi 44:5

Dɔ ben'a fɔ ko: ‹Ne ye Masaba ta ye,› kelen wɛrɛ ben'a fɔ ko ale ye Yakuba kɔmɔgɔ dɔ ye, dɔ wɛrɛ ben'a sɛbɛn a bolo kan ko: ‹Masaba ta,› a ben'a yɛrɛ jati Isirayɛlidenw dɔ ye.»

Yeremi 31:33

O loonw tɛmɛnin kɔ, ne bena bɛɛn min kɛ ni Isirayɛlidenw ye, o filɛ. Ne bena n ka sariya don u kɔnɔ, ne ben'a sɛbɛ u dusu la. Ne bena kɛ u ka Ala ye, u bena kɛ ne ka mɔgɔw ye. Ne Masaba le ko ten.

Yeremi 32:38

U bena kɛ ne ka mɔgɔw ye, ne bena kɛ u ka Ala ye.

Ezekiyɛli 36:38

Dugu cininw bena fa jamakuluw la, u bena caya i n'a fɔ saraka sagaw, u be minw kɛ sarakaw ye Zeruzalɛmu, ɲanagwɛ waatiw la. O tuma na, u ben'a lɔn ko ne ye Masaba le ye.»

Daniyɛli 3:17

Ni u y'an fili tasuma kɔnɔ, anw be Ala min bato, ale be se k'an kisi tasuma nin ma, ani k'an bɔsi ele masacɛ bolo.

Daniyɛli 3:26

O tuma na, Nabukodonozɔri gwɛrɛla dibi tasumaman daa la. A y'a fɔ ko: «Sadiraki, Mesaki, Abɛdenego, Fɛɛn bɛɛ kuntigi Ala ka baarakɛlaw, aw ye bɔ yan!» O tuma na, Sadiraki, ni Mesaki ani Abɛdenego bɔra tasuma kɔnɔ.

Daniyɛli 3:28

O tuma na, Nabukodonozɔri kumana. A y'a fɔ ko: «Sadiraki, ni Mesaki ani Abɛdenego ka Ala ka tanu! Ale min y'a ka mɛlɛkɛ ci ka n'a ka baarakɛlaw kisi. Minw y'u jigi la ale kan, ka ban masacɛ darakan na, ka sɔn saya ma waasa u kana fɛɛn wɛrɛ bato n'a ma kɛ u ka Ala ye.

Daniyɛli 6:16

Mɔgɔ nunu segira teliya la ka n'a fɔ masacɛ ye ko: «Masa, ele yɛrɛ b'a lɔn ko ka kɛɲɛ ni mɛdiw ni pɛrɛsiw ka sariya ye, ni masacɛ ye sariya min sigi, o te yɛlɛma ka ye.»

Daniyɛli 6:20

Sɔgɔma joona kɛnɛ cituma na, masacɛ wilila ka teliya ka taga jaraw ka dingɛ daa la.

Daniyɛli 6:22

Daniyɛli ye masacɛ jaabi ko: «Masacɛ, Ala ka sijan d'i ma!

Jakariya 13:9

O tilan kelen nin, n bena o don tasuma kɔnɔ. U be warigwɛ yelen k'a nɔgɔ bɔ cogo min na, ne bena u kɛ ten. Sanu be sɛgɛsɛgɛ cogo min na, ne bena u ka koo sɛgɛsɛgɛ ten. U bena ne wele, ne bena u jaabi. Ne bena u wele ko: ‹Ne ka mɔgɔw.› Olu ben'a fɔ ko: ‹Masaba le ye an ka Ala ye.› »

Malaki 3:17

Masaba, Setigi ko: «Ne be loon min labɛnna, u bena kɛ ne niyɔrɔ ye o loon na. Deen min be baara kɛ a faa ye, a faa be makari a la cogo min na, ne bena makari u la ten.

Yuhana 12:26

Ni mɔgɔ min b'a fɛ ka baara kɛ ne ye, o tigi ka tugu ne kɔ, ne be yɔrɔ min na, ne ka baarakɛlaw fana bena kɛ o yɔrɔ le la. Ni mɔgɔ min be baara kɛ ne ye, n Faa bena boɲa la o tigi kan.

Kɛwalew 12:23

Erɔdi sɔnna u y'a boɲa i n'a fɔ Ala minkɛ, o le y'a to Matigi ka mɛlɛkɛ dɔ nan'a gosi. Tumu donna a la, a sara.

Kɛwalew 16:17

A tugura an ni Pɔli kɔ ka to ka pɛrɛn ko: «Mɔgɔ nunu ye Fɛɛn bɛɛ kuntigi Ala ka baarakɛlaw ye, u be kisili sira le yirala aw la.»

Kɛwalew 18:9

Loon dɔ, Matigi y'a yɛrɛ yira Pɔli la sufɛ k'a fɔ a ye ko: «Pɔli, kana siran. To ka ne koo fɔ, kan'a dabila.

Kɛwalew 23:11

Suu nana ko, Matigi y'a yɛrɛ yira Pɔli la k'a fɔ a ye ko: «I jaa gwɛlɛya, i ye ne koo fɔ Zeruzalɛmukaw ye ka ban, fɔɔ i ka taga ne koo fɔ Ɔrɔmukaw ye fana.»

Kɛwalew 5:19

Nga Matigi y'a ka mɛlɛkɛ ci sufɛ ka na kasobon daa yɛlɛ ka bɔ ni ciden nunu ye k'a fɔ u ye ko

Kɛwalew 8:26

Matigi ka mɛlɛkɛ kumana Filipu fɛ ko: «Filipu, i labɛn ka taga worodugu ɲafan fɛ. Sira min be bɔ Zeruzalɛmu ka taga Gaza, i k'o minɛ, a taamabagaw man ca.»

Rɔmukaw 1:1

Ne Pɔli min ye Yezu Krista ka jɔɔn ye, ne welela ka kɛ ciden ye, ne wolomana ka kɛ Ala ka kibaru diman fɔbaga ye.

Rɔmukaw 1:9

Ne be baara kɛ Ala min ye ni n dusu ye k'a Dencɛ koo fɔ, o min ye kibaru diman ye, ale ye ne seere ye ko ne be to k'aw ka koo miiri

Rɔmukaw 6:22

Nga sisan aw y'aw yɛrɛ sɔrɔ ka bɔ hakɛ bolo ka kɛ Ala ka jɔɔnw ye. Aw be fɛɛn min sɔrɔ o la, o ye dusu saniyako ye min laban ye nii banbali ye.

Kor fɔlɔ 6:20

Ala le y'aw kunmabɔ, o la, aw ka boɲa la Ala tɔgɔ kan sisan n'aw farisogo ye.

Sariya 32:9

Bari Masaba ye Isirayɛlidenw mara a yɛrɛ ye, a ye Yakuba kɔmɔgɔw kɛ a yɛrɛ ta ye.

Tim 2nan 1:3

Ne be barika la Ala ye, ne be baara kɛ min ye ni kɔnɔgwɛ ye i n'a fɔ ne y'o sɔrɔ n bɛmaw fɛ cogo min na. Ne be to ka Ala daali i ye suu ni tile.

Tim 2nan 2:24

Bari Matigi ka baarakɛla man kan ka kɛlɛ kɛ, a ka kan ka mɔgɔ bɛɛ koo diya a yɛrɛ ye, ani ka kɛ mɔgɔ ye, min be se mɔgɔw kalan na ni muɲuli ye.

Tim 2nan 4:17

Nga Matigi yɛrɛ le tora ne fɛ ka fanga di ne ma, fɔɔ a kɛra ten, ne sera ka Ala ka kuma fɔ u ye ka gwɛ. A kɛra ten, siya tɔw bɛɛ y'o mɛn, ani ne kisira jara daa ma.

Tite 1:1

Ne Pɔli min ye Ala ka barakɛla, ani Yezu Krista ka ciden ye, ne welela waasa ka Ala ka mɔgɔ wolomaninw dɛmɛ u ka se ka la Ala la, ani ka tiɲɛ lɔn min be bɛn ni Alaɲasiran ye.

Tite 2:14

Ale lo y'a yɛrɛ di an kosɔn, waasa k'an kunmabɔ tilenbaliyakow bɛɛ la, ani k'an saniya k'an kɛ a yɛrɛ ka jama ye, k'an kɛ mɔgɔw ye minw labɛnnin be koɲuman kɛli kama.

Heburuw 1:14

Mɛlɛkɛ bɛɛ te baara kɛra Ala le ye wa? Mɔgɔ minw bena kisi, a te to k'u ci ka olu dɛmɛ wa?

Yirari 22:16

«Ne Yezu ye n ka mɛlɛkɛ ci ka na koo nunu bɛɛ fɔ Ala ka jama ye. Ne Dawuda dencɛ lo. Loloba min be manamana dugugwɛdafɛ, ne lo.»