Kɛwalew 27:20 - ALA KA KUMA

²⁰ An ye tile damani kɛ, an te tile ye, an te lolo ye. Fɔɲɔ fana tun b'a nɔkɔrɔ la. An tun ma la a la ko an bena kisi tugu.

Jula NT of Côte d’Ivoire

²⁰ An ka lon caman kɛ, an ɲa tɛ tere ye, an tɛ lolow fana ye su fɛ. Fɔɲɔ kɔni tun bɛ juguyara ka taga a fɛ, fɔ an jigi bɛɛ tigɛra, an ko an tɛna kisi fiyewu.

LAYIDUKURA

²⁰ An ye tile damani kɛ, an tɛ tile ye, an tɛ lolo ye. Fɔnyɔ fana tun b'a nɔkɔrɔ la. An tun ma la a la ko an tun bɛna kisi tugu.

Kɛwalew 27:20 Iomraidhean Croise

Zaburu 105:28

A y'a kɛ dibi donna, nga u ma sɔn a ka kuma ma.

Ezayi 57:10

Aw y'o sira nin bɛɛ taama ka sɛgɛn, nga aw m'a fɔ ko aw bena o koo ye k'a to yen. Aw ye barika sɔrɔ tugu, o la, aw fari ma faga.

Yeremi 2:25

Aw k'aw yɛrɛ kɔlɔsi, n'o tɛ, aw seen lakolon bena taama. Aw kaan kɔrɔla bena ja. Nga, aw ko: ‹Ayi, kana i yɛrɛ sigɛn. An kɔni be lonanw ka batofɛnw le fɛ, an do bena boli u kɔ.›

Ezekiyɛli 37:11

Masaba y'a fɔ ne ye ko: «Adamaden, kolo nunu ye Isirayɛliden bɛɛ ye. U b'a fɔ ko u kolow jara, k'u jigi tigɛra, ko u te se ka foyi kɛ.

Yunusu 1:4

Nga Masaba y'a kɛ fɔɲɔba dɔ wilila kɔgɔji kan. Fɔɲɔ nin juguyara fɔɔ kurun tun be ɲini ka halaki.

Matiyu 24:29

«N'o waati tɔɔrɔ tɛmɛna dɔrɔn, tile bena fin, kalo tena yeelen bɔ tugu, lolow bena bɔ sankolo la ka ben, ani sankolo fangatigiw bena yɛrɛyɛrɛ.

Kɛwalew 27:19

A dugusagwɛ tugu, u ye kurun yɛrɛ minanw dɔw bɔ k'u fili jii la.

Kɛwalew 27:21

Kurun kɔnɔ mɔgɔw bɛɛ tun be kɔngɔ la o mɛnna. O la, Pɔli wilila ka lɔ u cɛma k'a fɔ u ye ko: «N balimaw, ne tun y'a fɔ aw ye ko an ka to Kɛrɛti, n'aw tun sɔnna ne ta ma, an be faratiko ni bɔnɛ min na, o tun tena an sɔrɔ.

Kor 2nan 11:25

U ye ne bugɔ ni bere ye siɲɛ saba, ka ne bon ni kabakuruw ye siɲɛ kelen, kurun cɛnna ni ne ye siɲɛ saba. Ne ye suu kelen ni tile kelen kɛ jii kɔnɔ.

Ɛfɛsikaw 2:12

O waati la, aw tun te Krista lɔn, niyɔrɔ tun te aw fɛ Isirayɛlidenw cɛma. Ala tun y'a daa di bɛɛn min la, aw niin tun t'o la. Aw tun be yen ten, jigi layɔrɔ tun t'aw fɛ, aw tun te Ala lɔn fana.

Tes fɔlɔ 4:13

N balimaw, mɔgɔ minw sara, an t'a fɛ aw ka to olu ka koo lɔnbaliya la, waasa aw dusu kana kasi i n'a fɔ mɔgɔ tɔw, jigi te minw fɛ.