Kɛwalew 26:7 - ALA KA KUMA

⁷ An ka siya bɛɛ jigi b'a kan ko Ala y'a daa di koo min na k'o bena kɛ. O kama u jijanin be ka to ka Ala bato suu fara tile kan. Masa Agiripa, jigi min be ne fɛ, o kama zuwifuw be ne jalakira.

Jula NT of Côte d’Ivoire

⁷ An ta siya gba tan ni fla jigi tun bɛ o layiri kan. O kosɔn o tun bɛ Ala bato su ni tere. O jigi min bɛ ne fɛ, masacɛ Agiripa, Yahudiyaw bɛ ne jarakira o le kosɔn!

LAYIDUKURA

⁷ An ka siya bɛɛ jigi b'a kan ko Ala y'a daa di koo min na k'o bɛna kɛ. O kama u jijanin bɛ ka to ka Ala bato suu fara tile kan. Masa Agiripa, o jigi min bɛ ne fɛ, o kama Zuwifuw bɛ ne jalakira.

Kɛwalew 26:7 Iomraidhean Croise

Ɛsidarasi 6:17

Soo nin kalifako la Ala ma, u ye tura kɛmɛ bɔ saraka ye, ni sagajigi kɛmɛ fila ni sagaden kɛmɛ naani, ani ka bakɔrɔnin tan ni fila kɛ saraka ye Isirayɛli deen tan ni fila kɔmɔgɔw bɛɛ tɔgɔ la u ka hakɛ kosɔn.

Ɛsidarasi 8:35

Mɔgɔ minw bɔra jɔnya la ka na, olu ye saraka jɛnita bɔ Isirayɛli ka Ala ye. U ye tura tan ni fila bɔ saraka ye u ka siya bɛɛ kosɔn, ani sagajigi bi kɔnɔntɔn ni wɔɔrɔ, ni sagaden bi wolonwula ni wolonwula, ka bakɔrɔnin tan ni fila bɔ saraka ye u ka hakɛ yafa kosɔn. U y'o bɛɛ bɔ saraka jɛnita ye Masaba ma.

Zaburu 135:2

aw minw b'a ka soo kɔnɔ, aw minw b'an ka Ala ka luu kɔnɔ.

Matiyu 19:28

Yezu y'a fɔ u ye ko: «Tiɲɛ na, ne b'a fɔ aw ye ko ni diɲɛ nana kɛ diɲɛkura ye tuma min na, Mɔgɔ Dencɛ bena sigi a ka masasigilan kan. Aw minw tugura a kɔ, aw fana bena sigi masasigilan tan ni fila kan, ka Isirayɛli ka deen tan ni fila kɔmɔgɔw kiti.

Luka 2:25

O y'a sɔrɔ cɛɛ dɔ tun be Zeruzalɛmu min tɔgɔ ko Simeyɔn. O cɛɛ nin tun ye mɔgɔɲuman ye, a tun be Ala ka sariyaw bɛɛ bato. A tun be Isirayɛli ka kunmabɔbaga nali kɔnɔna. Nii Senuman tun b'a fɛ.

Luka 22:30

janko aw ka dumuni kɛ ka minni kɛ ne ka masaya la, ani ka sigi masasigilanw kan ka Isirayɛli ka deen tan ni fila kɔmɔgɔw kiti.»

Kɛwalew 20:31

Aw k'aw hakili to a la ko ne tun be aw kelen kelen bɛɛ ladi ni ɲaji ye loon o loon saan saba kɔnɔ. O la, aw y'aw yɛrɛ kɔlɔsi.

Kɛwalew 24:15

Ne ni olu bɛɛ jigi be Ala kan ko a bena mɔgɔɲumanw ni mɔgɔjuguw bɛɛ kunun loon dɔ.

Kɛwalew 26:2

«Masa Agiripa, ne b'a fɔ ko ne dagamuna bari ne sera ka lɔ ele ɲafɛ bii ka n ka koow ɲafɔ i ye. Zuwifuw ye minw bɛɛ fɔ ka la ne kan, n bena o ɲafɔ i ye.

Kɛwalew 26:3

N dagamuna bari e b'an zuwifuw ka landaw bɛɛ lɔn, sɔsɔli minw b'an cɛ Alasira koo la, i b'o bɛɛ lɔn. O la, ne b'i daali e ka muɲu ka ne lamɛn.

Kɛwalew 28:20

O le y'a to ne y'aw wele ka kuma n'aw ye. Isirayɛli jigi be min kan, o kama lo ne sirinin be ni jɔrɔkɔ ye.»

Filipikaw 3:11

waasa ne fana ka se ka kunun.

Tes fɔlɔ 3:10

N'an be Ala daali tuma min na, suu fara tile kan, an b'a ɲini a fɛ kosɔbɛ ko a ka sira di an ma, waasa an ka se ka taga aw filɛ ani k'aw dɛmɛ tugu k'aw jigi sabati.

Tim fɔlɔ 5:5

Min kɛra firiyamuso ye sɔbɛ la, mɔgɔ te a fɛ ka janto a la, ale b'a jigi bɛɛ la Ala kan. A be Ala daali ka dɛmɛ ɲini suu fara tile kan.

Yakuba 1:1

Ne Zaki min ye Ala ni Matigi Yezu Krista ka baarakɛla ye, n be bataki nin ci aw Isirayɛlidenw ma minw jɛnsɛnnin be diɲɛ faan bɛɛ la, k'aw fo.