Kɛwalew 26:23 - ALA KA KUMA

²³ U ko Ala ka Mɔgɔ wolomanin bena tɔɔrɔ ka sa, ko ale lo bena kɛ suu fɔlɔ ye ka kunun ka an zuwifuw ka siya, ani siya tɔw kisi.»

Jula NT of Côte d’Ivoire

²³ O k’a fɔ ko Ala ta mɔgɔ ɲanawolomanin bɛna tɔɔrɔ; ko ale le bɛna kɛ mɔgɔ fɔlɔ ye ka kunu ka bɔ saya ra, ka kisiri yeelen bɔ an ta siya ye, ani siya wɛrɛ mɔgɔw ye.»

LAYIDUKURA

²³ U ko Ala ka Mɔgɔwolomanin bɛna tɔɔrɔ ka sa, ko ale le bɛna kɛ suu fɔlɔ ye ka kunun ka an Zuwifuw ka siya, ani siya tɔw kisi.”

Kɛwalew 26:23 Iomraidhean Croise

Damina 3:15

Ne bena e ni muso kɛ ɲɔgɔn juguw ye, k'i deenw n'a taw kɛ ɲɔgɔn juguw ye. Muso ka deen bena i kungolo ɲɔɲɔ, i ben'a cin a seen na.»

Ezayi 42:6

«Ne Masaba le y'i wele tilenninya kama. Ne b'i bolo minɛ, ka janto i la waasa ka bɛɛn ni siyaw bɛɛ ye e barika la, k'i kɛ siyaw ka yeelen ye,

Ezayi 49:6

A ko: «Ele ka kɛ n ka baarakɛla ye, ka Isirayɛlidenw ta ɲa tugu, ka kɔsegi ka na n'u tɔɔ ye, o te labɔri kɛ. Ne b'i kɛ siya wɛrɛw ka yeelen ye fana, janko ne ka kisili ka se fɔɔ diɲɛ daan na.»

Jakariya 12:10

Ne bena miiriyaɲuman, ani Aladali hakili don Dawuda ka somɔgɔw ni Zeruzalɛmukaw la. U ye mɔgɔ min sɔgɔ, u bena ale filɛ, ka kasi a ka saya la i n'a fɔ mɔgɔ be kasi a deen kelen saya la cogo min na. U bena kasi kosɔbɛ i n'a fɔ mɔgɔ be kasi a dencɛ fɔlɔ ka saya la cogo min na.

Jakariya 13:7

Masaba, Setigi ko: «Wili ne ka sagadɛndɛbaga kama, murujan! Wili ne baarakɛɲɔgɔn kama! Sagadɛndɛbaga bugɔ, sagaw be jɛnsɛn. N bolo yɛrɛ bena se hali deenw ma.»

Matiyu 26:24

Mɔgɔ Dencɛ bena sa i ko a fɔra Ala ka kuma na a ka koo la cogo min na. Nga min bena Mɔgɔ Dencɛ don mɔgɔjuguw bolo, bɔnɛ bena o tigi sɔrɔ. N'a tigi yɛrɛ tun ma wolo, o tun ka fisa a ma.»

Matiyu 27:53

Olu bɔra kaburuw la ka don dugu senuman kɔnɔ Yezu kununnin kɔ. Mɔgɔ caaman y'u ye.

Luka 2:32

A bena yeelen bɔ diɲɛ mɔgɔw bɛɛ ye k'i yira u la. A bena boɲa la an Isirayɛlidenw kan, an minw ye i ka mɔgɔw ye.»

Luka 24:26

Wajibi tun lo Ala ka Mɔgɔ wolomanin nin tun ka tɔɔrɔ ten ka sɔrɔ ka boɲa sɔrɔ Ala fɛ.»

Luka 24:46

A y'a fɔ u ye ko: «A fɔra Ala ka kuma na ko mɔgɔw bena Ala ka Mɔgɔ wolomanin tɔɔrɔ, k'a faga, a bena kunun a tile sabanan loon.

Yuhana 10:18

Mɔgɔ si te ne nii bɔ dɛ, ne yɛrɛ le b'a di. See be ne ye k'a di, see be ne ye k'a minɛ tugu. N Faa y'o le ɲini n fɛ.»

Yuhana 11:25

Yezu y'a fɔ a ye ko: «Ne le be suuw kunun, ne be nii di, ni mɔgɔ min lara ne la hali n'o tigi sara, a bena kunun.

Kɛwalew 13:34

Ala tun kɔnna k'a fɔ ko a ben'a kunun a sanin kɔ. Ko a tena sa tugu abada. A y'o fɔ ko: ‹N tun ye n daa di fɛnɲuman minw na Dawuda ye, n bena o di aw ma tiɲɛ tiɲɛ na.›

Kɛwalew 26:18

k'u ɲaa yɛlɛ u ka dibidibikow dabila, k'u sama ka bɔ Sutana bolo k'u ɲasin Ala ma. N'u lara ne la, u ka hakɛw bena yafa, u bena sigiyɔrɔ sɔrɔ Ala ka mɔgɔw cɛma.›

Kɛwalew 26:8

Aw zuwifuw be se k'a fɔ cogo di ko Ala te se ka suuw kunun?

Kɛwalew 3:18

N'o tɛ, Ala tun y'a fɔ a ka kiraw barika la kabini fɔlɔ, ko a bena mɔgɔ min woloma k'a bila ka na, k'o bena tɔɔrɔ. A do kɛra ten.

Kɛwalew 3:24

Kira minw tɛmɛna ka kɔrɔ, k'a ta Samuyɛli ma, ani minw tugur'a kɔ, olu bɛɛ fana y'an ka bii tile koo fɔ ka tɛmɛ.

Kor fɔlɔ 15:3

Ne kɔnna k'a fɔ aw ye i n'a fɔ ne fana tun y'a sɔrɔ cogo min na, ko Krista sara an ka hakɛw kosɔn, ka kɛɲɛ ni Ala ka kuma ye.

Kor 2nan 4:4

Minw te la Ala la, diɲɛ kuntigi Sutana ye olu hakili dibi waasa u ka na se ka kibaru diman yeelen ye min be Krista ka nɔɔrɔ yira, ale min ye Ala jaa ye.

Kɔlɔsikaw 1:18

Ale lo ye Krista ka jama kuntigi ye, min y'a farisogo ye. A daminɛna ni ale ye, ale lo kɛra suu fɔlɔ ye ka kunun, waasa a ka kɛ bɛɛ ɲafɛ.

Heburuw 2:10

Ala min ye fɛɛn bɛɛ dan a yɛrɛ ye, a tun ka kan ka Kisibaga nakun dafa tɔɔrɔ barika la ka mɔgɔ caaman sama ka se a ka nɔɔrɔ yɔrɔ la.

Yirari 1:5

Yezu Krista min ye Ala ka seeresɔbɛ ye, n'ale lo kɛra suu fɔlɔ ye ka kunun, n'a ye masaw ka Masa ye, ale ka nɛɛma ni hɛrɛ kɛ aw ye. An koo diyar'a ye, a y'an ka hakɛ yafa a joli bɔnnin sababu la,