Kɛwalew 26:20 - ALA KA KUMA

²⁰ Ne y'a daminɛ ka Damasikaw waaju fɔlɔ, ani Zeruzalɛmukaw, ka Zude mara bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwaliɲumanw kɛ minw b'a yira k'u nimisara ka faran u ka kojugu la.

Jula NT of Côte d’Ivoire

²⁰ Ne ka o kow waajuri kɛ Damasi dugumɔgɔw le ye fɔlɔ, o kɔ, Zeruzalɛmukaw, ani Zude mara bɛɛ, ani siya wɛrɛ mɔgɔw. Ne k’a fɔ bɛɛ ye ko o ka kan ka nimisa o ta jurumunw na ka kɔsegi Ala ma, ka kɛwale kɛ, kɛwale min b’a yira ko o nimisara can ra.

LAYIDUKURA

²⁰ Ne y'a daminɛ ka Damasikaw waaju fɔlɔ, ani Zeruzalɛmukaw, ka Isirayɛli jamana bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwalinyumanw kɛ minw b'a yira k'u sɔnna.

Kɛwalew 26:20 Iomraidhean Croise

Zaburu 22:27

Dɛsɛbagatɔw bena dumuni kɛ fɔɔ ka fa. Masaba ɲinibagaw k'a boɲa, u fana ka sijan sɔrɔ.

Ezayi 55:7

Mɔgɔjugu k'a ka juguya dabila. Mɔgɔ min kɔnɔ ka jugu, o tigi k'a ka miirijugu dabila. A ka kɔsegi Masaba ma, ale bena makari a la. A ka kɔsegi an ka Ala ma, ale bena yafa a ma tiɲɛ na.

Yeremi 18:11

«O la do, a fɔ Zeruzalɛmukaw ni Zuda mara mɔgɔw ye ko ne Masaba le ko ne be balawu labɛnna u kama. Ko ne be koo dɔ latigɛra u kama. Ko u k'u ka taamacogojugu dabila, ka yɛlɛmani don u ka kɛwaliw la.

Yeremi 35:15

Ne tora ka n ka baarakɛlaw, kiraw ci aw ma. U y'a fɔ aw ye ko: Aw kelen kelen bɛɛ ka faran aw ka sirajuguw la, k'aw ka kɛtaw yɛlɛma. Aw kana boli batofɛn wɛrɛw kɔ k'u bato. O la, ne ye dugukolo min di aw n'aw faaw ma, aw bena sigi o kan. Nga aw ma mɛnni kɛ ne fɛ, aw ma n ka kuma bato.

Kasikan 3:40

An ka filɛli kɛ an taamacogow la kosɔbɛ, an ka kɔsegi Masaba ma.

Oze ta kitabu 12:6

Ɔnhɔn, Masaba, Setigi Ala lo, a tɔgɔ ye Masaba ye.

Oze ta kitabu 14:2

Isirayɛlidenw, aw ka kɔsegi Masaba aw ka Ala ma. Aw ka fili le y'a to aw benna.

Matiyu 3:2

A tun b'a fɔ mɔgɔw ye ko: «Aw ye nimisa ka faran aw ka kojuguw la, bari *sankolo masaya waati surunyana.»

Matiyu 3:8

Aw ka kɛwaliɲumanw kɛ k'a yira ko aw nimisara ka faran aw ka kojuguw la.

Matiyu 4:17

Kabini o tuma, Yezu y'a daminɛ ka waajuli kɛ. A tun b'a fɔ mɔgɔw ye ko: «Aw ye nimisa ka faran aw ka kojuguw la bari *sankolo masaya waati surunyana.»

Matiyu 9:13

Aw ye taga miiri Ala ka kuma nin kɔrɔ la. A tun y'a fɔ ko: ‹Ne be makari le fɛ, ne te saraka fɛ,› bari ne ma na mɔgɔtilenninw wele, nga ne nana hakɛkɛlaw le wele.»

Marika 6:12

Kalanden tan ni fila tagara mɔgɔw waaju k'u ka nimisa ka faran u ka kojuguw la.

Luka 1:16

A bena kɛ sababu ye Isirayɛlidenw caaman be segi ka sɔn Matigi u ka Ala ma.

Luka 13:3

Ne b'a fɔ aw ye ko tiɲɛ tɛ. Ni aw ma nimisa ka faran aw ka kojuguw la, aw bɛɛ bena halaki fana.

Luka 13:5

Ne b'a fɔ aw ye ko tiɲɛ tɛ. Ni aw ma nimisa ka faran aw ka kojuguw la, aw bɛɛ bena halaki fana.»

Luka 15:10

Ne b'a fɔ aw ye ko ni hakɛkɛla kelen nimisara ka faran a ka kojuguw la, nisɔndiya be kɛ Ala ka mɛlɛkɛw fɛ o tigi kosɔn o cogo la.»

Luka 15:7

Ne b'a fɔ aw ye ko ni hakɛkɛla kelen nimisara ka faran a ka kojuguw la, mɛlɛkɛw bena nisɔndiya sankolo la o tigi kosɔn, o cogo la fana. Mɔgɔtilennin bi kɔnɔntɔn ni kɔnɔntɔn minw mako te nimisali la, nisɔndiya min be kɛ olu kosɔn, o te se mɔgɔ kelen nin ta ma.

Kɛwalew 11:18

Kuma nunu y'u dusu suma. U y'a daminɛ ka Ala tanu ka to k'a fɔ ko: «Tiɲɛ na, Ala ye sira di siya wɛrɛw fana ma u ka nimisa ka faran u ka kojuguw la ka kisi.»

Kɛwalew 15:19

«O kama, ne Zaki ka miiri la, siya wɛrɛ minw be sɔnna Ala ka koow ma, an man kan ka koo gwɛlɛman la u kan.

Kɛwalew 17:30

Adamadenw ye kolɔnbaliya minw kɛ ka tɛmɛ, Ala te o si jatira tugu. Nga, a b'a ɲini mɔgɔw fɛ yɔrɔ bɛɛ, k'u ka nimisa ka faran u ka kojuguw la.

Kɛwalew 2:38

Piyɛri y'u jaabi ko: «Aw ye nimisa ka faran aw ka hakɛw la, an b'aw batize Yezu Krista tɔgɔ la janko aw k'aw ka hakɛw yafa sɔrɔ. O la, aw bena Nii Senuman sɔrɔ,

Kɛwalew 20:21

N y'a fɔ zuwifuw, ni siya wɛrɛw ye, k'u ka nimisa ka faran u ka kojuguw la k'u ɲasin Ala ma, ka la an Matigi Yezu la.

Kɛwalew 26:17

Ne bena i kisi zuwifuw, ni siya wɛrɛw ma. Bari ne b'a fɛ k'i ci olu le fɛ,

Kɛwalew 26:19

«Ayiwa masa Agiripa, kabini o waati, yelifɛn min yirala ne la ka bɔ sankolo la, ne ma se k'o sɔsɔ.

Kɛwalew 3:19

O tuma na, aw ye nimisa ka faran aw ka hakɛw la ka segi Ala ma, janko a k'aw ka hakɛw yafa.

Kɛwalew 9:15

Nga Matigi ko Ananiyasi ma: «Taga, bari ne ye cɛɛ nin woloma waasa a ka ne tɔgɔ fɔ siya wɛrɛw n'u ka masaw, ani Isirayɛlidenw ye, u ka ne lɔn.

Kɛwalew 9:35

Lidakaw, ani minw siginin be Sarɔn, u ye koo nin ye, u bɛɛ sɔnna Matigi ma.

Rɔmukaw 2:4

Walima e te Ala ka ɲumanya dafanin n'a ka muɲuli, n'a ka timinadiyali jati foyi ye wa? K'a sɔrɔ a b'i dɛmɛ a ka ɲumanya barika la ka nimisa ka faran i ka kojugu la.

Kor 2nan 3:16

Ni min sɔnna Matigi ma, fani nin be bɔ o tigi ɲada kan.

Kor 2nan 7:10

Bari dusukasi min be bɔ Ala fɛ, ale be mɔgɔ dɛmɛ ka nimisa ka kisi, «tun ka lɔn» te ale kɔfɛ. Dusukasi min kɛra diɲɛ ta ye, ale be na ni saya ye.

Ɛfɛsikaw 4:17

Ne be min fɔ aw ye k'a gwɛlɛya Matigi barika la, o ye nin ye: ko aw kana taama i n'a fɔ Alalɔnbaliw be taama cogo min na u ka miiriya fufafu fɛ.

Tes fɔlɔ 1:9

Bari an tun sera aw fɛ tuma min na, aw y'an ladon cogo min na, ani ka josɔn dabila cogo min na ka Nitigi Ala kelen bato, mɔgɔ bɛɛ b'o fɔra.

Yirari 16:11

U tora ka Ala nɛni k'a tɔgɔjugu fɔ u ka tɔɔrɔ bɛɛ kosɔn. U ma nimisa ka faran u ka kɛwaliw la dɛ.

Yirari 2:21

N y'a to fɔlɔ waasa a k'a sɔɔn yɛlɛma. Nga a do t'a fɛ k'a ka kakalaya dabila.

Yirari 2:5

Aw tun be cogo min na fɔlɔfɔlɔ, ka na yɛlɛma, aw ye miiri o la kosɔbɛ ka nimisa, k'aw ka fɔlɔfɔlɔ kɛwaliw ɲɔgɔn kɛ. N'aw m'o kɛ, ne bena na aw kama, k'aw ka fitinɛ ta ka bɔ a nɔɔ na.

Yirari 3:3

Aw ye kuma min mɛn ka sɔn a ma, aw k'aw hakili jigi o la, k'aw sɔɔn yɛlɛma k'o kuma nin minɛ ka ɲa. N'o tɛ, ne bena na bari aw la i n'a fɔ soon, aw tena ne natuma lɔn.