Kɛwalew 26:16 - ALA KA KUMA

¹⁶ Nga, wili ka lɔ i seen kan. Ne ye n yɛrɛ yira e la waasa e ka kɛ ne ka baarakɛla ye, n ye koo min yira i la, i k'o lakali mɔgɔ tɔw ye, ani e bena min ye kɔfɛ fana, i k'o bɛɛ lakali.

Jula NT of Côte d’Ivoire

¹⁶ Wuri ka lɔ sisan, sabu ne ka ne yɛrɛ yira i ra, janko i ye kɛ ne ta baaraden ye. I ka ne ye cogo min na bi, i bɛna o seereya kɛ ka o fɔ dɔ wɛrɛw ye, ani ne bɛna ko minw yira i ra, i bɛna o bɛɛ fɔ o ye fana.

LAYIDUKURA

¹⁶ Nga, wili ka lɔ i seen kan. Ne ye n yɛrɛ yira e la waasa e ka kɛ ne ka baarakɛla ye, n ye koo min yira i la, i k'o lakali mɔgɔ tɔw ye, ani e bɛna min ye kɔfɛ fana, i k'o bɛɛ lakali.

Kɛwalew 26:16 Iomraidhean Croise

Ezekiyɛli 2:1

A y'a fɔ ne ye ko: «Adamaden, wili ka lɔ, bari ne bena kuma i fɛ.»

Daniyɛli 10:11

Cɛɛ y'a fɔ ne ye ko: «I koo diyara Ala ye Daniyɛli. Ne bena kuma min fɔ i ye, i k'o faamu. Wili ka lɔ. Ne cira ele fɛ.» K'a to o kuma na ni ne ye, ne wilila ka lɔ ni ne be yɛrɛyɛrɛla.

Luka 1:2

O koow kɛra minw ɲana kabini u daminɛtuma, n'u nana kɛ Ala ka kuma fɔbagaw ye, olu y'o koow lakali an ye cogo min na, u sɛbɛnbagaw y'o sɛbɛn ka kɛɲɛ ni olu ka seereya ye.

Kɛwalew 1:17

Zuda tun ye an dɔ ye. Baara min kalifara an ma, o ɲɔgɔn le tun kalifara a ma fana.

Kɛwalew 1:25

Zuda tagar'a yɛrɛ kunfɛ ka cidenya baara min to, o tigi ka se k'o kɛ.»

Kɛwalew 20:24

Ne ka bɔnɔ n nii na, o te foyi ye ne ɲana. A daan ye Matigi Yezu ye baara min don ne bolo, ne k'o kɛ ka ban. Fɔɔ ne ka se ka Ala ka nɛɛma kibaru diman nin fɔ mɔgɔw ye le.

Kɛwalew 21:19

A ye foli di u ma ka ban tuma min, Ala y'a dɛmɛ ka koo minw bɛɛ kɛ siya wɛrɛw cɛma, a y'o bɛɛ lakali u ye kelen kelen.

Kɛwalew 22:10

Ne ko: ‹N ka kan ka mun kɛ Matigi?› A ye ne jaabi ko: ‹Wili ka taga Damasi, e ka kan ka min kɛ, u bena o fɔ i ye.›

Kɛwalew 23:11

Suu nana ko, Matigi y'a yɛrɛ yira Pɔli la k'a fɔ a ye ko: «I jaa gwɛlɛya, i ye ne koo fɔ Zeruzalɛmukaw ye ka ban, fɔɔ i ka taga ne koo fɔ Ɔrɔmukaw ye fana.»

Kɛwalew 26:15

Ne ye kumakan nin jaabi ko: ‹E ye jɔn ye, Matigi?› A ko: ‹Ne Yezu lo i be min tɔɔrɔla.

Kɛwalew 6:4

Anw kɔni bena to ka Ala ka kuma fɔ, ani ka bila Ala daaliko ɲafɛ.»

Rɔmukaw 1:5

Ne ye nɛɛma sɔrɔ ale lo barika la ka kɛ ciden ye, waasa ka siya wɛrɛw dɛmɛ u k'u jigi la Krista kan ka mɛnni kɛ a fɛ, janko a tɔgɔ ka boɲa.

Rɔmukaw 15:16

a ye min kɛ ne ye ka ne kɛ Yezu Krista ka baarakɛla ye siya wɛrɛw cɛma. Ne be Ala ka kibaru diman fɔ u ye, janko olu fana ka kɛ saraka diman ye Ala fɛ, min saniyanin be Nii Senuman barika la.

Kor 2nan 4:1

Ala ka ɲumanya kosɔn a ye baara nin kalifa an ma, o la, an jigi te tigɛ fewu.

Kor 2nan 5:18

O koo bɛɛ bɔra Ala fɛ, ale lo bɛnna n'an ye Krista barika la, ka tila k'o cɛlaben baara kalifa an ma,

Galasikaw 1:12

Ne m'o sɔrɔ mɔgɔ si fɛ, mɔgɔ si fana ma ne kalan o la, nga Yezu Krista yɛrɛ le y'o yira ne la.

Galasikaw 2:2

Ala tun ye koo dɔ yira ne la, o seen fɛ ne tun tagara yen. Ne tun be kibaru diman min fɔ siya wɛrɛw cɛma, ne y'o koo fɔ u ye. Ne y'o ɲafɔ fana ɲamɔgɔw ye danna, janko ne ye baara minw kɛ ka ban, ani ne be minw kɛra, o kana kɛ gwansan ye.

Ɛfɛsikaw 3:3

A y'a ka koo dogonin yira ne la. N y'o koo fɔ aw ye dɔɔni ka tɛmɛ.

Kɔlɔsikaw 1:23

Nga aw ka jija ka l'a la kosɔbɛ, fɛɛn si kana aw ka miiriya ɲagami k'aw jigi bɔ kibaru diman kan aw ye min mɛn, ale min fɔra danfɛnw bɛɛ ye diɲɛ kɔnɔ. Ne Pɔli kɛra min baarakɛla ye.

Kɔlɔsikaw 1:25

Ne kɛra jama nin ka baarakɛla ye, ka kɛɲɛ ni Ala ka weleli ye aw dɛmɛ kama. A ye ne wele k'a ka kuma fɔ ka ɲa kosɔbɛ.

Kɔlɔsikaw 1:7

An baarakɛɲɔgɔn Epafarasi, min koo ka gwɛlɛ an ma, n'ale ye Krista ka baarakɛlaɲuman ye anw fɛ aw cɛma, ale lo y'aw kalan o koo la.

Tes fɔlɔ 3:2

O le y'a to, an ye an balimacɛ Timote ci aw fɛ, ale ye Ala ka baarakɛla ye Krista ka kibaru diman fɔli kosɔn, an y'a ci waasa ale ka taga aw dɛmɛ, ani k'aw ladi aw jigi koo la,

Tim fɔlɔ 1:12

Ne be barika la an Matigi Yezu Krista ye, ale min ye fanga di n ma. A ye ne jati mɔgɔsɔbɛ ye ka n don a ka baara la.

Tim fɔlɔ 4:6

N'i be i balimaw kalan n'o koo ye, i bena kɛ Yezu Krista ka baarakɛlaɲuman ye. Min labɛnna jigiɲuman ni kalanɲuman barika la.

Tim 2nan 4:5

Nga ele kɔni, i k'i yɛrɛ minɛ kosɔbɛ koo bɛɛ la. I ka sigɛn muɲu, k'i ka baara kɛ ka ɲa min ye kibaru diman fɔli ye.