Kɛwalew 25:7 - ALA KA KUMA

⁷ A nana tuma min na, zuwifu minw bɔra Zeruzalɛmu, olu wilila a kama ka to ka kumajugujuguw fɔ ka l'a kan. Nga dalilu si tun te u bolo min b'a yira k'u ka fɔta ye tiɲɛ ye.

Jula NT of Côte d’Ivoire

⁷ Pɔli nana minkɛ, Yahudiya minw tun nana ka bɔ Zeruzalɛmu, olugu lɔra ka Pɔli lamini k’a jaraki ni kojugu caman ye, k’a sɔrɔ o tun tɛ se ka o kow si can yira.

LAYIDUKURA

⁷ A nana tuma min na, Zuwifu minw bɔra Zeruzalɛmu, olu wilila a kama ka to ka kumajugujuguw fɔ ka l'a kan. Nga dalilu si tun tɛ u bolo min b'a yira k'u ka fɔta ye tinyɛ ye.

Kɛwalew 25:7 Iomraidhean Croise

Ɛsidarasi 4:15

Masacɛ, a to u be ɲinini kɛ i faaw ka kibaruya sɛbɛw kɔnɔ. E ben'a ye a kɔnɔ ko dugu nin ye dugu murutinin ye, u be masacɛw tɔɔrɔ, ni maraw kɔnɔ mɔgɔw, u murutira kabini fɔlɔfɔlɔ. O le y'a to u tun ye dugu nin ci.

Ɛsitɛri 3:8

O kɔ, Aman y'a fɔ masacɛ Sɛrisɛsi ye ko: «Siya dɔ be i ka jama cɛma min be danna tɔw la, u yɛrɛkɛnin be i ka maraw bɛɛ la, u ka landa ni tɔw ta te kelen ye. U te ele masacɛ ka sariya bato. Kuun t'a la i k'o siya nin to ɲasuma na.

Zaburu 27:12

Kana ne kɛ n juguw sago ye. Seerejuguw be wilila ne kama, u be juguman dama le kan.

Zaburu 35:11

Seerejuguw be wili, u be ne ɲininga koo la ne te minw kala ma.

Matiyu 15:1

O kɔ, *Fariziɲɛ ni sariya karamɔgɔ dɔw bɔra Zeruzalɛmu ka na Yezu ɲininga ko:

Luka 23:10

Sarakalasebagaw kuntigiw ni sariya karamɔgɔw tun be yen. U tun b'a la ka kumajugu fɔ waasa k'a ka koo juguya.

Luka 23:2

U y'a daminɛ ka Yezu jalaki ko: «An y'a ye ko cɛɛ nin b'an ka siya kunnacɛnna. A b'u bali ka lɛnpo sara Ɔrɔmu masacɛ ma. A ko ale ye Ala ka Mɔgɔ wolomanin nin ye, ko ale ye masa ye.»

Kɛwalew 21:28

U tun b'a la ka pɛrɛn ko: «Aw ye ɲa an ma Isirayɛli jama! Cɛɛ min be to ka Isirayɛlidenw mafiɲɛya yɔrɔ bɛɛ la, a filɛ nin ye. A be to k'an ka sariyaw n'an ka Alabatosoba nin tɔgɔjugu fɔ mɔgɔ bɛɛ ye. O bɛɛ kɔ, a donna ni siya wɛrɛw ye a kɔnɔ k'o yɔrɔ senuman nin nɔgɔ.»

Kɛwalew 24:13

Mɔgɔ nunu ko ne ye min kɛ, fɛɛn min b'a yira ko tiɲɛ lo, u k'o fɔ.

Kɛwalew 25:24

O kɔ, Fɛsitusi ye kuma ta ko: «Masa Agiripa, ani aw minw bɛɛ be yan, aw ye hakɛ to. Zuwifuw bɛɛ lajɛnnin tun nana ne fɛ Zeruzalɛmu, ani yan fana, ka muruti ko cɛɛ min lɔnin ye aw ɲafɛ, ko a man kan ka to nii na.

Tes fɔlɔ 2:16

Olu le b'an bali janko an kana kibaru diman fɔ siya wɛrɛw ye, min be se ka kɛ u be kisili sɔrɔ. A kɛra ten, u be dɔ farala u ka hakɛw kan. Nga a laban na, Ala dimina u kɔrɔ kosɔbɛ.