Kɛwalew 24:5 - ALA KA KUMA

⁵ «Ayiwa, an y'a ye ko cɛɛ nin kɛra i n'a fɔ fɔɲɔbana. A be zuwifuw kuun gosi ɲɔgɔn na diɲɛ faan bɛɛ la. Nazarɛtika ka dinakura ɲamɔgɔ dɔ lo.

Jula NT of Côte d’Ivoire

⁵ «Ayiwa, an k’a ye ko nin cɛ ye cɛnrikɛbaga le ye, min ka kɛrɛ lawuri dunuɲa Yahudiyaw bɛɛ cɛ ra; ale le ye Nazarɛtikaw ta diina ɲamɔgɔ ye.

LAYIDUKURA

⁵ “Ayiwa, an y'a ye ko cɛɛ nin kɛra i n'a fɔ fɔnyɔbana. A bɛ Zuwifuw kuun gosi nyɔgɔn na dinyɛ faan bɛɛ. Nazarɛtika ka diinakura nyamɔgɔ dɔ lo.

Kɛwalew 24:5 Iomraidhean Croise

Ɛsitɛri 3:8

O kɔ, Aman y'a fɔ masacɛ Sɛrisɛsi ye ko: «Siya dɔ be i ka jama cɛma min be danna tɔw la, u yɛrɛkɛnin be i ka maraw bɛɛ la, u ka landa ni tɔw ta te kelen ye. U te ele masacɛ ka sariya bato. Kuun t'a la i k'o siya nin to ɲasuma na.

Yeremi 37:13

A tagara se Bɛnzamɛn ka daa la. Daa kɔlɔsibagaw ɲamɔgɔ dɔ tun be o yɔrɔ la, min tɔgɔ ko Yiriya, Ananiya deen Selemiya deen tun lo. Ale ye kira Zeremi minɛ k'a fɔ ko: «I be farala Babilɔnikaw kan kɛ!»

Yeremi 38:4

Ɲamɔgɔ nunu y'a fɔ masacɛ ye ko: «Fɔɔ cɛɛ nin ka faga le, bari kɛlɛden tɔɔ minw tora dugu kɔnɔ, a be olu ni jama bɛɛ fari fagara. Cɛɛ nin te siya nin ka hɛrɛ fɛ fɔɔ a ka halaki.»

Amɔsi 7:10

Sarakalasebagaw ɲamɔgɔ min tun be Betɛli dugu kɔnɔ, n'o ye Amaziyasi ye, ale ye mɔgɔ ci ka ta'a fɔ Isirayɛli masacɛ Zerobowamu ye ko: «Amɔsi b'a fɛ ka janfa siri i la Isirayɛlidenw cɛma dɛ! Jamanadenw te sera k'a ka kuma muɲu tugu dɛ! Bari a b'a fɔra ko:

Matiyu 10:25

Kalanden ka kɛ i n'a fɔ a ka karamɔgɔ, baaraden fana ka kɛ i n'a fɔ a ka kuntigi. Ni mɔgɔw ye sotigi yɛrɛ wele ko Belezebuli, u bena tɔgɔ minw la a ka somɔgɔw la, olu bena juguya.

Matiyu 2:23

ka taga sigi dugu dɔ la, min tɔgɔ ko Nazarɛti. O kɛra ten janko kiraw tun ye min fɔ, o ka dafa. U tun ko: «U ben'a wele ko Nazarɛtika.»

Marika 1:24

«Mun be an ni e cɛ, Nazarɛtika Yezu? I nana k'an halaki wa? I ye mɔgɔ min ye, ne b'o lɔn. I ye Ala ka ciden senuman ye.»

Luka 23:19

Barabasi tun donna kaso la murutili ni mɔgɔfaga kosɔn. O murutili tun kɛra dugu kɔnɔ.

Luka 23:2

U y'a daminɛ ka Yezu jalaki ko: «An y'a ye ko cɛɛ nin b'an ka siya kunnacɛnna. A b'u bali ka lɛnpo sara Ɔrɔmu masacɛ ma. A ko ale ye Ala ka Mɔgɔ wolomanin nin ye, ko ale ye masa ye.»

Luka 23:25

Barabasi min tun donna kaso la murutili ni mɔgɔfaga kosɔn, a y'ale labila i n'a fɔ u y'a ɲini cogo min na. Nga a ye Yezu don u bolo waasa u k'u sago kɛ a la.

Luka 23:5

Nga u segira k'a fɔ ko: «A be mɔgɔw kalan an ka jamana yɔrɔ bɛɛ la. O le b'a to mɔgɔw be muruti. A y'a daminɛ Galile mara la fɔɔ ka na se yan Zude mara la.»

Kɛwalew 15:5

Nga, kalanden minw tun ye *Fariziɲɛw ye ka kɔrɔ, u dɔw wilila k'a fɔ ko wajibi lo siya wɛrɛw ka kɛnɛkɛnɛ, ani u ka Musa ka sariya bato.

Kɛwalew 21:28

U tun b'a la ka pɛrɛn ko: «Aw ye ɲa an ma Isirayɛli jama! Cɛɛ min be to ka Isirayɛlidenw mafiɲɛya yɔrɔ bɛɛ la, a filɛ nin ye. A be to k'an ka sariyaw n'an ka Alabatosoba nin tɔgɔjugu fɔ mɔgɔ bɛɛ ye. O bɛɛ kɔ, a donna ni siya wɛrɛw ye a kɔnɔ k'o yɔrɔ senuman nin nɔgɔ.»

Kɛwalew 22:22

Jama ye Pɔli lamɛn fɔɔ ka na se o kuma nunu ma minkɛ, u pɛrɛnna ka to k'a fɔ ko: «O mɔgɔ sifa nunu ka kan ka faga, a man kan ka to nii na.»

Kɛwalew 24:14

Ayiwa, ne kɔni be min lɔn, o filɛ nin ye: olu k'o sira nin te siraɲuman ye, ne be baara kɛra an bɛmaw ka Ala ye ka kɛɲɛ n'o sira ye. Min bɛɛ fɔra sariya la, ani kiraw ye minw sɛbɛn, ne b'o bɛɛ bato.

Kɛwalew 24:4

An ka kuma kuntaga man jan, o la ne b'i daali, i ka sabali ka mɛnni kɛ an fɛ dɔɔni.

Kɛwalew 25:7

A nana tuma min na, zuwifu minw bɔra Zeruzalɛmu, olu wilila a kama ka to ka kumajugujuguw fɔ ka l'a kan. Nga dalilu si tun te u bolo min b'a yira k'u ka fɔta ye tiɲɛ ye.

Kɛwalew 26:5

An ka Alasira la, *Fariziɲɛw le ka Alabatocogo ka gwɛlɛ. Olu yɛrɛ b'a lɔn a mɛnna ko ne tun ye Fariziɲɛŋana ye. U be se k'a fɔ ni tiɲɛ, walima galon lo.

Kɛwalew 28:22

Anw b'a ɲini e fɛ, e k'a bɛɛ ɲafɔ an ye. An kɔni b'a lɔn ko yɔrɔ bɛɛ mɔgɔw te sɔn e ka diina nin ma.»

Kɛwalew 5:17

O la, sarakalasebagaw kuntigiba n'a ka dakɔrɔsigiw minw ye *Saduseɲɛw ye, u bɛɛ dimininba

Kɛwalew 6:13

U tagara n'u ka galontigɛla dɔw fana ye o yɔrɔ la. Olu y'a fɔ ko: «Cɛɛ nin be to k'a dajugu la an ka yɔrɔ senuman ni sariya kan.

Kor fɔlɔ 11:19

Tilanni yɛrɛ ka kan ka kɛ aw cɛma, janko mɔgɔsɔbɛw ka se ka lɔn.

Kor fɔlɔ 4:13

N'u b'an tɔgɔ cɛn, an b'u ladi ni kumaɲuman ye. Halibi u b'an jati ɲamaɲama ye diɲɛ na, ani fɛɛn kasagoman.

Piy fɔlɔ 2:19

Mɔgɔ man kan ni tɔɔrɔ min ye, n'a b'o muɲu, o ka ɲi kosɔbɛ Ala ɲakɔrɔ.