Kɛwalew 24:25 - ALA KA KUMA

²⁵ Pɔli kumana ka taga tilenninyako faan fɛ, ni yɛrɛminɛko, ani Ala ka kiti nata faan fɛ minkɛ, Felikisi siranna kosɔbɛ, a y'a fɔ Pɔli ye ko: «A ka ɲi ten, taga, n bena i wele siɲɛ wɛrɛ.»

Jula NT of Côte d’Ivoire

²⁵ Nka Pɔli kumana ka se terenninya ma tuma min na, ani mɔgɔ ka kan ka a yɛrɛ mina jurumun ma cogo min na, ani lahara ta kiti, Felisi siranna; a ko Pɔli ma ko: «Taga fɔlɔ; ni ne nana wagati sɔrɔ, ne bɛna i wele tuun.»

LAYIDUKURA

²⁵ Pɔli kumana ka taa tilenninyako faan fɛ, ni yɛrɛminɛko, ani Ala ka kiti nata faan fɛ minkɛ, Felikisi siranna kosɛbɛ, a y'a fɔ Pɔli ye ko: “A ka nyi ten, taa, n bɛna i wele.”

Kɛwalew 24:25 Iomraidhean Croise

Sam 2nan 23:3

Isirayɛli ka Ala kumana, Isirayɛli dogokabakuru y'a fɔ ne ye ko: ‹Mɔgɔ min b'a ka kuntigiya kɛ ni tilenninya ye, mɔgɔ min b'a ka kuntigiya kɛ ni Alaɲasiran ye,

Mas fɔlɔ 21:27

Akabu ye Eli ka kuma nunu mɛn tuma min na, a y'a ka faniw faran ka dusukasifani ta k'o don a kaan na, ani ka suun don. A tun be to ka la ni fani nin ye, ani ka to ka taama dɔɔni dɔɔni.

Mas 2nan 22:19

O digira i la, e y'i yɛrɛ majigi ne Masaba ɲakɔrɔ kuma nin mɛntɔ, ne ye min fɔ yɔrɔ nin, n'a kɔnɔ mɔgɔw kama ko a bena kɛ dusukasiyɔrɔ ni yɔrɔ danganin ye. E y'i ka fani faran, ani ka kasi ne ɲakɔrɔ minkɛ, o la, ne fana ye ele kaan mɛn. Ne Masaba ko ten.

Ɛsidarasi 10:3

Sisan an ka layidu ta an ka Ala ye k'a fɔ ko an bena muso nunu bɛɛ n'o deenw gwɛn, ka kɛɲɛ n'i ka ladili ye, ani mɔgɔ wɛrɛw ta, minw bɛɛ be siran an ka Ala ka sariya ɲa. O ka kɛ ka kɛɲɛ ni sariya ye.

Ɛsidarasi 10:9

Zuda kɔmɔgɔw ni Bɛnzamɛn kɔmɔgɔ cɛmanw bɛɛ nana Zeruzalɛmu o tile saba nin kɔnɔ. O tun bɛnna saan kalo kɔnɔntɔnnan tile mugannan loon ma. Jama bɛɛ tun be Ala ka soo ɲafɛ. U tun be yɛrɛyɛrɛla koo nin siranya kosɔn ani sanji fana kosɔn, min tun be benna.

Ayuba 29:14

Tilenninya tun kɛra i ko ne ka fani, n tun be to k'a don. Mɔgɔsɔbɛya tun kɛra i ko n ka foroca, ani n ka fugulan.

Zaburu 11:7

Bari Masaba tilennin lo, kotilennin lo ka d'a ye. Mɔgɔtilennin le ben'a ye fana.

Zaburu 119:120

E ɲasiranya be ne yɛrɛyɛrɛ. Ne be siran e ka kiti ɲa.

Zaburu 45:7

Ala, e ka masaya be to seen kan kudayi! I ka masabere ye tilenninya ta ye.

Zaburu 72:2

A ka se k'i ka jama kiti ni tilenninya ye, a ka se ka dɛsɛbagatɔw ka tiɲɛ fɔ.

Zaburu 99:1

Masaba ye kuntigi ye, siyaw be yɛrɛyɛrɛ. A siginin be *serubɛnw cɛma, dugukolo be yɛrɛyɛrɛ.

Zanaw 16:12

Kojugukɛ ka go masaw ye. Bari, masaya be sabati tilenninya le kɔnɔ.

Waajurikɛbaga 11:9

Kanbelen, i nisɔn diya i denmisɛn tile la. I dusu ka diya i kanbelenya waati la. Fɛɛn o fɛɛn diyara i ye, o kɛ. I ɲaa be bɔ fɛɛn o fɛɛn fɛ, o kɛ. Nga i k'a lɔn ko Ala bena e ɲininga o bɛɛ la.

Waajurikɛbaga 12:14

Bari, Ala bena mɔgɔw ɲininga u ka kɛwaliw kelen kelen bɛɛ la, hali minw kɛra dogo la, a ɲuman fara jugumanw kan.

Waajurikɛbaga 5:8

Dugukolo nafa ye bɛɛ ta ye. Hali masacɛ niyɔrɔ fana b'a la.

Ezayi 1:18

Ɔnhɔn! Aw ye na, an ka sigikafɔ kɛ.» Masaba ko ten! «Hali n'aw ka kojuguw wulenna i ko joli, u bena gwɛ i ko kɔɔri. Hali n'u wulenna fɔɔ ka fin, u bena gwɛ parapara.

Ezayi 1:21

Duguɲuman nin kɛra di ka kɛ tilenbaliyadugu ye ten? Hɔrɔnyadugu tun lo. Tilenninyadugu tun lo. Nga sisan, mɔgɔfagadugu lo.

Ezayi 16:5

i ka ɲumanya barika la, Dawuda kɔmɔgɔ bena masasigilan sɔrɔ, sigilan nin be barika sɔrɔ ka mɛn fana. A bena kiti tigɛ ni tilenninya ye, tilenninya bena kɛ a ka jɔɔrɔnako ye.»

Ezayi 32:11

Aw muso miiribaliw ka yɛrɛyɛrɛ, kojatibaliw ka yɛrɛyɛrɛ kosɔbɛ! Aw ka fani bɔ aw yɛrɛ la ka dusukasifani siri aw cɛ la.

Ezayi 41:21

Masaba ko: «Siya ka joow, aw k'aw ka kunbɔkuma fɔ.» Yakuba ka Masa ko: «Aw bena tiɲɛ sɔrɔ ni kuma min ye, aw k'o fɔ ka na.

Ezayi 55:6

Aw ka Masaba yɔrɔ ɲini a sɔrɔtuma na. Aw k'a wele k'a to a yɔrɔ man jan.

Ezayi 61:8

Bari, tilenninya le ka di ne Masaba ye, benkanni, ani namara ka go n ye. Ne bena aw ka sara di aw ma a ɲaa ma, ne bena bɛn n'aw ye tuma bɛɛ.»

Ezayi 66:2

Ne le y'o fɛɛn nunu bɛɛ dan, o bɛɛ ye ne bulonɔ ye. Ne Masaba le ko ten. Mɔgɔ min b'a yɛrɛ majigi, mɔgɔ min dusu b'a jalaki, mɔgɔ min be siran ne ɲa ka sɔn n ka kuma ma, ne b'o tigi le filɛ.

Yeremi 22:3

Masaba ko: ‹Aw ka tilenninya kɛ sɔbɛ la. Aw ka mɔgɔ tɔɲɔninw bɔ u tɔɲɔbagaw bolo. Aw kana lonan, ni falatɔ ani firayamusow tɔɔrɔ. Aw kana sɛgɛn la u kan. Aw kana jalakibali faga yan yɔrɔ la.

Yeremi 23:29

Ne ka kuma te i ko tasuma wa? A te i ko marito min be kabakuru ci wa? Ne Masaba le ko ten!»

Yeremi 36:16

U ye kuma nunu bɛɛ mɛn tuma min na, u bɛɛ siranninba tora ka ɲɔgɔn filɛfilɛ. U y'a fɔ Baruki ye ko: «Fɔɔ an ka kuma nunu bɛɛ fɔ masacɛ ye.»

Ezekiyɛli 45:9

Matigi, Masaba ko: «Isirayɛli ka ɲamɔgɔw, a daan tɛmɛna! Aw ka fariyako ni mɔgɔtɔɔrɔko dabila, ka kotilennin ni kobɛnnin kɛ. Aw kana ne ka mɔgɔw bololafɛnw bɔsi tugu. Ne Matigi, Masaba le ko ten.

Daniyɛli 12:2

O tuma na, mɔgɔ caaman minw be sinɔgɔra bɔgɔ jukɔrɔ, olu bena kunun. U dɔw niyɔrɔ bena kɛ nii banbali ye, dɔw ta bena kɛ maloyaba ye min te ban.

Daniyɛli 4:27

masacɛ ko: «Babilɔni duguba! Ne ye min sigi ni n ka fanga, ni n ka sebagaya ye, k'a kɛ masadugu ye ne ka kunkɔrɔta kama, ale te nin ye wa?»

Daniyɛli 5:30

O loon yɛrɛ sufɛ, u ye Babilɔni masacɛ Balitazari faga.

Oze ta kitabu 10:12

O la, aw ka tilenninya sira taama, aw bena ɲumanya sɔrɔ. Aw k'aw sɔɔnw yɛlɛma. Ne Masaba ɲinituma le ye sisan ye fɔɔ ka taga se ne nawaati ma, k'aw kɛ mɔgɔtilenninw ye.

Oze ta kitabu 10:4

U be kumafu dama le fɔ, u be kali fu, u be bɛnkolon kɛ ɲɔgɔn fɛ. O la, u ka ɲɔgɔnkiti be cayara i ko baga, forow kɔnɔ.

Oze ta kitabu 7:5

An ka masacɛ ka loon na, ɲamɔgɔw be minni kɛ fɔɔ ka bana. Masacɛ b'a bolo di a ka mɔgɔkolonw ma.

Amɔsi 5:24

Nga, tiɲɛ ka se yɔrɔ bɛɛ i ko kɔji woyotɔ, tilenninya ka kɛ i ko baji min te ja!

Amɔsi 6:12

Soow be boli fara le kan wa? Mɔgɔ be sɛnɛ kɛ yen ni misiw ye wa? Nga aw be tiɲɛ yɛlɛma k'a kɛ fɛnjugu ye, ka tilenninya nafa yɛlɛma k'o kɛ juguya ye.

Habakuki 3:16

Ne y'o mɛn, ne kamana gwanna. Mankan nin fɛ, ne daa tora ka yɛrɛyɛrɛ. Ne kolow bɛɛ magayara, n seen tora ka yɛrɛyɛrɛ. Ala bena an tɔɔrɔbagaw ɲaa gwan loon min na, ne ka kan ka n hakili sigi k'o loon nin kɔnɔ.

Hagize 1:2

«Masaba, Setigi ko: ‹Mɔgɔ nunu b'a fɔra ko ne Masaba ka soo lɔtuma ma se fɔlɔ.› »

Matiyu 22:5

Nga minw welela, olu ma miiri u welekun na. U tagara u ɲana taw la: Dɔ tagar'a ka foro la, dɔ fana tagar'a ka jago kɛyɔrɔ la.

Yuhana 16:8

Ni ale nana tuma min na, a bena hakɛko ni tilenninyako, ani Ala ka kitiko gwɛya diɲɛ mɔgɔw ye, k'a yira u la k'u filila o koo nunu na.

Kɛwalew 10:42

O kɔ, a ye cii don an bolo ko an k'a fɔ jama ye ani k'a yira u la ko Ala ye ale lo sigi ka kɛ ɲanamanw ni suuw kitibaga ye.

Kɛwalew 17:13

Nga Tesaloniki zuwifuw y'a mɛn ko Pɔli tagara Ala ka kuma fɔ Berekaw ye dɔrɔn, u wilila ka taga yen. U ye jama kɔnɔnasu, janko mankan ka wili.

Kɛwalew 17:2

Pɔli tagara u fɛ lafiɲɛlon na, i n'a fɔ a tun be deli k'a kɛ yɔrɔ tɔw la cogo min na. A ye lɔgɔkun saba kɛ u fɛ, ka to ka ɲɔgɔn sɔsɔ ka Ala ka kuma fɔ u ye lafiɲɛlon o lafiɲɛlon.

Kɛwalew 17:32

Pɔli ye suu kununko kuma fɔ minkɛ, dɔw y'a daminɛ k'a lɔgɔbɔ. Dɔw ko: «An bena mɛnni kɛ i fɛ siɲɛ wɛrɛ.»

Kɛwalew 2:37

Jama ye Piyɛri ka kuma nunu lamɛn minkɛ, u hakili ɲagamina. U ye Piyɛri n'a tɔɲɔgɔn cidenw ɲininga ko: «Balimaw, an ka kan ka mun kɛ?»

Kɛwalew 24:15

Ne ni olu bɛɛ jigi be Ala kan ko a bena mɔgɔɲumanw ni mɔgɔjuguw bɛɛ kunun loon dɔ.

Kɛwalew 24:26

Felikisi tun b'a miiri ko Pɔli bena na wari di ale ma, o kama, a tun be Pɔli wele filafila ka baro kɛ n'a ye.

Kɛwalew 26:28

Agiripa ko a ma: «A tora dɔɔni i be ne kɛ Krista ka mɔgɔ ye.»

Kɛwalew 9:6

Nga, wili ka don dugu kɔnɔ, i ka kan ka min kɛ, u bena o fɔ i ye.»

Rɔmukaw 12:1

N balimaw, ne b'aw daali Ala ka makari kosɔn ko aw k'aw yɛrɛ kɛ saraka ɲanaman ye, min saniyanin lo, n'a ka di Ala ye: o le bena kɛ aw ka batoli ɲanaman ye.

Rɔmukaw 14:12

O cogo la, an kelen kelen bɛɛ bena lɔ n'an kunko ye Ala ɲakɔrɔ.

Rɔmukaw 2:16

Ka kɛɲɛ ni ne ka kibaru diman ye, o le bena ye loon min na Ala bena mɔgɔw kiti u ka koo dogoninw kama, Yezu Krista barika la.

Kor fɔlɔ 4:5

O le kosɔn aw kana kɔn ka mɔgɔ jalaki waati latigɛnin ɲa, aw k'a to, Matigi ben'a ka koo dogonin bɛɛ bɔ kɛnɛma, ani ka mɔgɔw bɛɛ kɔnɔnakow yira. O waati la, mɔgɔ kelen kelen bɛɛ ka kan ni boɲa min ye, a bena o sɔrɔ Ala fɛ.

Kor 2nan 5:10

bari an bɛɛ ka kan ka lɔ Krista ɲakɔrɔ a k'an kiti, waasa mɔgɔ kelen kelen bɛɛ ye baara min kɛ k'u to diɲɛ na, a kɛra baaraɲuman ye wo, baarajugu lo wo, u k'o sara sɔrɔ.

Kor 2nan 6:2

bari a fɔra Ala ka kuma na ko: «Waati bɛnnin na, ne y'i lamɛn. Kisili loon na, ne y'i dɛmɛ.» Ayiwa, o waati bɛnnin ye sisan le ye, kisili loon le ye bii ye.

Galasikaw 3:22

A fɔra Ala ka kuma na ko mɔgɔ bɛɛ be hakɛ ka fanga kɔrɔ, waasa mɔgɔ minw lara Yezu Krista la, olu ka Ala ka dadili nɛɛma sɔrɔ.

Galasikaw 5:23

Sariya t'o koo nunu kɛlɛ.

Tim 2nan 4:1

Krista ka nali n'a ka masaya kosɔn, ne b'a ɲini e fɛ Ala ni Yezu Krista ɲakɔrɔ, min bena na ɲanamanw ni suuw kiti, ko

Tite 1:8

A tigi ka kan ka kɛ mɔgɔ ye min be lonanw ladon, koɲuman ka di a ye, miiriɲumantigi, mɔgɔsɔbɛ, mɔgɔsaniyanin, ani yɛrɛminɛla.

Heburuw 12:21

Koo nin siranya tun ka bon haali, fɔɔ Musa y'a fɔ ko: «Ebe! Ne be yɛrɛyɛrɛla siranyakojugu fɛ.»

Heburuw 3:13

Nga aw ka ɲɔgɔn ladi loon o loon hali n'o ka kan ka kɛ waatijan koo ye, min be fɔ ko bii, janko hakɛ kana mɔgɔ si bila tulogwɛlɛya la.

Heburuw 4:1

Ala y'a daa di ko an bena se ka don ka lafiɲɛ a ka yɔrɔ labɛnnin kɔnɔ. O dadili nin be seen kan halibi. O la, an k'an yɛrɛ minɛ waasa mɔgɔ si kana to kɔfɛ.

Heburuw 6:2

ni batizeliko, ani ka bolo la mɔgɔ kan ka Ala dali, ni suuw kununko, ani laban kitiko. An kana segi olu kan tugu.

Heburuw 9:27

Adamadenw be sa siɲɛ kelenpe cogo min na, Ala be sɔrɔ k'u kiti,

Yakuba 2:19

I lanin b'a la ko Ala ye kelenpe ye kɛ! O ka ɲi. Jinaw fana lanin b'o la, u be siran fɔɔ ka yɛrɛyɛrɛ.

Piy fɔlɔ 3:15

Aw k'a lɔn aw dusu la ko aw Matigi Krista ye senu ye. Aw jigi min lanin b'a kan, ni dɔ kɛra aw ɲiningabaga ye, aw labɛnnin ka sɔrɔ tuma bɛɛ k'a tigi jaabi o la.

Piy 2nan 1:6

ka yɛrɛminɛ fara lɔnniya kan, ka muɲu fara yɛrɛminɛ kan, ka Alaɲasiran fara muɲu kan,

Zan fɔlɔ 3:10

Ala deenw ni Sutana ka mɔgɔw be lɔn ka bɔ ɲɔgɔn na kɛwali nunu le fɛ. Mɔgɔ o mɔgɔ te tilenninya sira taama, ani n'a t'a mɔgɔɲɔgɔn kanu, o tigi te Ala ta ye.

Zan fɔlɔ 3:7

Ne deenw, aw kan'a to mɔgɔ si b'aw lafili. Mɔgɔ o mɔgɔ be tilenninya sira taama, o tigi ye mɔgɔtilennin ye i n'a fɔ ale Yezu Krista.

Sam fɔlɔ 12:7

«Sisan, aw ye gwɛrɛ ka na, ne bena aw kiti Masaba ɲakɔrɔ, a ye koɲuman minw bɛɛ kɛ aw n'aw faaw ye, o kosɔn.