Kɛwalew 24:24 - ALA KA KUMA

²⁴ Tile damani tɛmɛnin kɔ, Felikisi n'a muso Durusiyi nana. A muso tun ye zuwifu ye. A ko ka Pɔli wele, a ka dɔ fɔ ale ye Yezu Krista ka koo la.

Jula NT of Côte d’Ivoire

²⁴ Tere dama tɛmɛnin kɔ, jamanatigi Felisi nana ni a muso ye, min ye Durusili ye; o muso tun ye Yahudiya ye. O ka mɔgɔ ci ka taga Pɔli wele ka na. Mɔgɔ bɛ la Yesu Kirisita ra cogo min na, Pɔli ka o ɲafɔ o ye.

LAYIDUKURA

²⁴ Tile damani tɛmɛnin kɔ, Felikisi n'a muso Durusiyi nana. A muso tun ye Zuwifu ye. U ko ka Pɔli wele, a ka dɔ fɔ ale ye Yezu Krista ka koo la.

Kɛwalew 24:24 Iomraidhean Croise

Marika 6:20

bari Erɔdi tun be siran Zan ɲa. Erɔdi tun y'a lɔn ko Zan ye mɔgɔɲuman ni mɔgɔtilennin ye. A tun be Zan tanga kojugu ma. N'a ye Zan ka kuma lamɛn tuma o tuma, a hakili be ɲagami. O n'a ta bɛɛ, a tun ka d'a ye k'a lamɛn.

Luka 19:3

A tun b'a fɛ k'a ɲaa la Yezu kan k'a lɔn, nga a tun te se k'a ye jama kosɔn, bari ale Zase tun ka surun.

Luka 23:8

Erɔdi ye Yezu ye minkɛ, o diyara a ye kosɔbɛ. A tun b'a fɛ ka Yezu ye kabini tumajan bari a tun y'a ka koo mɛn. A tun be miiri fana ko Yezu bena kabako dɔ kɛ ale ɲana.

Kɛwalew 16:31

U y'a jaabi ko: «E ka la Matigi Yezu la, e n'i ka somɔgɔw bɛɛ bena kisi.»

Kɛwalew 20:21

N y'a fɔ zuwifuw, ni siya wɛrɛw ye, k'u ka nimisa ka faran u ka kojuguw la k'u ɲasin Ala ma, ka la an Matigi Yezu la.

Kɛwalew 24:25

Pɔli kumana ka taga tilenninyako faan fɛ, ni yɛrɛminɛko, ani Ala ka kiti nata faan fɛ minkɛ, Felikisi siranna kosɔbɛ, a y'a fɔ Pɔli ye ko: «A ka ɲi ten, taga, n bena i wele siɲɛ wɛrɛ.»

Kɛwalew 26:22

Nga Ala ka dɛmɛ sababu la, halibi ne be yen, ka se ka tiɲɛ fɔ setigiw ni fantanw ye. Kiraw ni Musa nunu tun y'a fɔ ko min bena kɛ, ne ma dɔ fɔ ka tɛmɛ olu ta kan.

Galasikaw 2:16

An b'a lɔn ko mɔgɔ si te se ka jati mɔgɔtilennin ye sariya batoli fɛ, nga fɔɔ ni min lara Yezu Krista la. O la, an lara Yezu Krista la fana, waasa an ka se ka jati mɔgɔtilenninw ye o lanaya barika la, a kana kɛ sariya batoli barika la, bari mɔgɔ si te se ka jati mɔgɔtilennin ye sariya batoli barika la.

Galasikaw 2:20

Hali n'aw y'a ye ko ne be nii na halibi, o te ne yɛrɛ ye tugu, Krista le nii be ne la. Bari n'aw y'a ye ko ne ɲanaman lo farisogo la, o kɛra Ala Dencɛ barika la, ne ye n jigi la min kan. A ye ne kanu fɔɔ k'a yɛrɛ di ne kosɔn.

Galasikaw 3:2

Ne b'a fɛ ka fɛɛn min faamu aw fɛ, o ye nin ye: Aw ye Nii Senuman sɔrɔ aw ka sariya batoli barika la wa, walima aw sɔnna kibaru diman ma minkɛ, o kosɔn lo?

Zan fɔlɔ 5:1

Ni mɔgɔ o mɔgɔ lar'a la ko Yezu le ye Ala ka mɔgɔ wolomanin ye, o tigi ye Ala deen ye. Mɔgɔ o mɔgɔ be denfa kanu, o tigi b'a deen fana kanu.

Zude 1:3

Ne teriw, ne tun y'a laɲini kosɔbɛ ka sɛbɛ ci aw ma an bɛɛ ka kisili koo la. Ne y'a ye k'o kɛra wajibi ye ne ma k'o kɛ waasa ka ladili di aw ma, ko aw ka jija janko lanaya kana cɛn. Ala y'e min di a ka jama ma siɲɛ kelen, o ɲɔgɔn tena kɛ tugu.

Yirari 14:12

O kama Ala ka mɔgɔ minw b'a ka kuma bato ani k'u jigi to Yezu kan, olu ka jijawaati sera.