Kɛwalew 23:6 - ALA KA KUMA

⁶ Ayiwa, Pɔli y'a lɔn ko kititigɛlaw faan kelen ye *Saduseɲɛw ye, faan dɔ ye *Fariziɲɛw ye minkɛ, a pɛrɛnna ko: «N balimaw, ne faa ye Fariziɲɛ ye, ne yɛrɛ ye Fariziɲɛ ye. An jigi be suuw kununko min na, o jigi nin kama u ye ne minɛ.»

Jula NT of Côte d’Ivoire

⁶ Ayiwa, Pɔli tun k’a lɔn ko kititigɛjama mɔgɔ dɔw tun ye Sadusiw* ye, dɔw tun ye Farisiw* ye. O kosɔn, a pɛrɛnna kititigɛjama cɛ ma, k’a fɔ ko: «Ne balemaw, ne ye Farisi yɛrɛworo le ye. Ne lanin b’a ra ko suw bɛna kunu lahara minkɛ, o le kosɔn kiti bɛ tigɛra ne kan bi.»

LAYIDUKURA

⁶ Ayiwa, Pɔli y'a lɔn ko kititigɛlaw faan kelen ye Sadusenyɛw ye, faan dɔ ye Farizinyɛw ye minkɛ, a pɛrɛnna ko: “N badenw, ne faa ye Farizinyɛ ye, ne yɛrɛ ye Farizinyɛ ye. An jigi bɛ suuw kununko min na, o jigi nin kama u ye ne minɛ.”

Kɛwalew 23:6 Iomraidhean Croise

Matiyu 10:16

«Ayiwa, ne b'aw ci i n'a fɔ sagaw, waraw cɛma. O la, aw ka kɛ yɛrɛkɔlɔsibagaw ye i n'a fɔ saa, aw ka koo ka nɔgɔya i n'a fɔ jɛnɛtuba.

Matiyu 22:23

*Saduseɲɛw le tun b'a fɔ ko suuw tena kunun. O loon kelen na, u dɔw tagara Yezu fɛ k'a fɔ a ye ko:

Matiyu 3:7

Zan y'a ye ko *Fariziɲɛ caaman ni *Saduseɲɛ caaman be nana batize ale fɛ minkɛ, a y'a fɔ u ye ko: «Aw fɔnfɔnnidenw, jɔn y'aw lasɔmi ko aw ka boli Ala ka kiti nata ɲa?

Kɛwalew 22:3

A ko: «Ne ye zuwifu ye, n wolola Tarisi, Silisi mara la, nga n lamɔna dugu nin kɔnɔ yan. Gamaliyɛli le ye n kalan kosɔbɛ an faaw ka sariyaw la. N ka Alako tun ka gwɛlɛ kosɔbɛ, i n'a fɔ aw fana ta be cogo min na bii.

Kɛwalew 22:30

Dugu gwɛra, zuwifuw be Pɔli jalakila kuun min na, sɔlidasi kuntigiba nin tun b'a fɛ k'o lɔn. O la, a ye Pɔli foni ka sarakalasebagaw kuntigiw ni zuwifuw ka kititigɛlaw bɛɛ wele ɲɔgɔnye la. O kɔ, a y'a to Pɔli nana lɔ u cɛma.

Kɛwalew 22:5

Sarakalasebagaw kuntigiba ni cɛkɔrɔbaw ka jɛnkulu be se k'a fɔ ni galon lo, walima ni tiɲɛ lo. Loon dɔ la, ne ye sɛbɛ sɔrɔ olu fɛ ko n ka taga di an balimaw ma Damasi, ka Yezu kɔmɔgɔw minɛ ka na n'u ye Zeruzalɛmu k'u tɔɔrɔ.

Kɛwalew 23:1

Pɔli lɔra ka kititigɛla nunu filɛ k'a fɔ ko: «N balimaw, ne ye n ka kɛtaw bɛɛ kɛ ni kɔnɔgwɛ ye Ala ɲana fɔɔ ka na se bii ma.»

Kɛwalew 23:15

O la do, aw ye bɛn ni kititigɛla tɔw ye, k'a ɲini sɔlidasi kuntigi fɛ ko a ka Pɔli sama aw ma waasa aw k'a ka koo jatiminɛ kosɔbɛ. Anw bena labɛn k'a faga sira la n'a ma se aw fɛ.»

Kɛwalew 23:20

Kanbelen nin y'a jaabi ko: «Zuwifuw bɛnn'a la k'u bena Pɔli daali e fɛ sini, janko kititigɛlaw ka se k'a ka koo jatiminɛ kosɔbɛ.

Kɛwalew 23:7

Pɔli y'o kuma nin fɔ tuma min na, mankan wilila Fariziɲɛ ni Saduseɲɛw cɛ. Jama tilanna fila ye.

Kɛwalew 24:15

Ne ni olu bɛɛ jigi be Ala kan ko a bena mɔgɔɲumanw ni mɔgɔjuguw bɛɛ kunun loon dɔ.

Kɛwalew 24:21

N tun pɛrɛnna siɲɛ kelen u cɛma, k'a fɔ ko: ‹Suuw kununko kama lo aw be ne kitira bii kɛ.› K'o niin bɔ a la, n ye mun kɛ?»

Kɛwalew 28:20

O le y'a to ne y'aw wele ka kuma n'aw ye. Isirayɛli jigi be min kan, o kama lo ne sirinin be ni jɔrɔkɔ ye.»

Filipikaw 3:5

Ne wolola, a tile seeginan loon, n kɛnɛkɛnɛna. Ne ye Isirayɛliden ye ka bɔ Bɛnzamɛn kɔmɔgɔw la. Ne ye eburu ye, ne wolobagaw bɛɛ ye eburuw ye. Ala ka sariya batoli faan fɛ, ne ye *Fariziɲɛ ye.

Kɔlɔsikaw 1:5

Aw jigi lanin be fɛɛn min kan arijana na, aw ye o jigi nin sɔrɔ kibaru diman barika la, min ye tiɲɛkuma ye, aw kɔnna k'o le mɛn.

Heburuw 6:19

Jigi min b'an fɛ, barika b'o la. O b'a kɛ an be lɔ ka ɲa, a b'an dɛmɛ ka tɛmɛ cɛtigɛ fanin na ka taga se Ala fɛ.