Kɛwalew 23:15 - ALA KA KUMA

¹⁵ O la do, aw ye bɛn ni kititigɛla tɔw ye, k'a ɲini sɔlidasi kuntigi fɛ ko a ka Pɔli sama aw ma waasa aw k'a ka koo jatiminɛ kosɔbɛ. Anw bena labɛn k'a faga sira la n'a ma se aw fɛ.»

Jula NT of Côte d’Ivoire

¹⁵ O kosɔn, aw ni kititigɛjama mɔgɔ tɔw bɛɛ, aw ye bɛn a ra ka taga sorasiw kuntigiba daari ko a ye Pɔli di aw ma k’a kɛ i n’a fɔ aw b’a fɛ ka a ta koɲa sɛgɛsɛgɛ le ka ɲa. An kɔni labɛnnin lo k’a kɔnɔ sira ra k’a faga sani a ye se aw ma yan.»

LAYIDUKURA

¹⁵ O la do, aw ye bɛn ni kititigɛla tɔw ye, k'a nyini sɔlidasi kuntigi fɛ ko a ka Pɔli sama aw ma waasa aw k'a ka koo jatiminɛ kosɛbɛ. Anw bɛna labɛn k'a faga sira la n'a ma se aw fɛ yan.”

Kɛwalew 23:15 Iomraidhean Croise

Sam 2nan 13:5

Yonadabu y'a fɔ a ye ko: «La k'i yɛrɛ kɛ banabagatɔ ye. N'i facɛ nana i filɛ, i k'a fɔ a ye ko a k'a to i dɔgɔmuso Tamari ka na dumuni d'i ma. Ko a k'a tobi i ɲana tigitigi k'a d'i ma i b'a dumu.»

Zaburu 21:11

I bena u kɔmɔgɔw halaki diɲɛ kɔnɔ, i bena u ka siyaw tunu ka bɔ adamadenw cɛma.

Zanaw 1:16

Sabu, u ka teli kojugukɛ la, u ka teli ka mɔgɔ faga.

Zanaw 4:16

Mɔgɔjugu te la n'a ma kojugu kɛ. A te se ka sinɔgɔ n'a ma koo kɛ mɔgɔ dɔ la.

Ezayi 59:7

Aw be boliboli waasa ka kojugu kɛ, aw ka teli ka mɔgɔ jalakibali faga. Aw ka miiriya ma ɲi. Aw be tɛmɛ yɔrɔ o yɔrɔ, aw be halakili ni cɛnni le to yen.

Yuhana 18:12

Sɔlidasi nunu n'u kuntigi ani Alabatosoba kɔlɔsibagaw zuwifuw tun ye minw ci, olu ye Yezu minɛ k'a siri.

Kɛwalew 22:30

Dugu gwɛra, zuwifuw be Pɔli jalakila kuun min na, sɔlidasi kuntigiba nin tun b'a fɛ k'o lɔn. O la, a ye Pɔli foni ka sarakalasebagaw kuntigiw ni zuwifuw ka kititigɛlaw bɛɛ wele ɲɔgɔnye la. O kɔ, a y'a to Pɔli nana lɔ u cɛma.

Kɛwalew 23:1

Pɔli lɔra ka kititigɛla nunu filɛ k'a fɔ ko: «N balimaw, ne ye n ka kɛtaw bɛɛ kɛ ni kɔnɔgwɛ ye Ala ɲana fɔɔ ka na se bii ma.»

Kɛwalew 23:6

Ayiwa, Pɔli y'a lɔn ko kititigɛlaw faan kelen ye *Saduseɲɛw ye, faan dɔ ye *Fariziɲɛw ye minkɛ, a pɛrɛnna ko: «N balimaw, ne faa ye Fariziɲɛ ye, ne yɛrɛ ye Fariziɲɛ ye. An jigi be suuw kununko min na, o jigi nin kama u ye ne minɛ.»

Kɛwalew 25:3

ko a ka sabali ka Pɔli bila ka na Zeruzalɛmu. K'a sɔrɔ u y'o dabari nin siri waasa ka se ka Pɔli faga sira kan.