Kɛwalew 23:12 - ALA KA KUMA

¹² Dugu gwɛra tuma min na, zuwifu dɔw bɛnna Pɔli fagako la. U kalila k'u tena dumuni kɛ, k'u tena minni kɛ n'u ma Pɔli sɔrɔ k'a faga.

Jula NT of Côte d’Ivoire

¹² O dugusagbɛ sɔgɔmada fɛ, Yahudiya dɔw ka janfa siri Pɔli kama. O karira ɲɔgɔn ye ko olugu tɛna domuni kɛ, o tɛna ji min, fɔ ni o ka Pɔli faga.

LAYIDUKURA

¹² Dugu gwɛra tuma min na, Zuwifu dɔw bɛnna Pɔli fagako la. U ye dajuru ta k'u tɛna dumuni kɛ, k'u tɛna minni kɛ n'u ma Pɔli sɔrɔ k'a faga.

Kɛwalew 23:12 Iomraidhean Croise

Damina 37:18

U y'a natɔ ye yɔrɔjan dɔrɔn, yanni a ka se u fɛ, u bɛnn'a la ko u ben'a faga.

Mas fɔlɔ 19:2

O la, Zezabɛli ye cii bila ka ta'a fɔ Eli ye ko: «I ye fɛɛn min kɛ kira nunu na, ni ne m'o ɲɔgɔn kɛ i la yanni sini yan tuma si, joow kana n to fewu!»

Mas 2nan 6:31

A kalila ko ni ale ma Safati dencɛ Elize kungolo tigɛ bii, Ala kana ale to fewu.

Nehemi 10:29

Jama tɔɔ, sarakalasebagaw ni Levi kɔmɔgɔ tɔw, ani daa kɔlɔsibagaw ni dɔnkilibagaw, ani Ala ka soo kɔnɔ baarakɛlaw, ani mɔgɔ minw bɛɛ faranna ka bɔ siya wɛrɛw la ka nɔrɔ Ala ka sariya la, u ka musow fara u dencɛw n'u denmusow kan, mɔgɔ o mɔgɔ tun be se ka koo faamu,

Ɛsitɛri 2:22

Maridose bɔra o kala ma, k'a fɔ masacɛ muso Ɛsitɛri ye, ale fana y'a fɔ masacɛ ye ko Maridose le ko ten.

Zaburu 31:13

U be ɲinɛ ne kɔ i ko mɔgɔ min sara, ne kɛra i ko minan cɛnnin.

Yeremi 11:19

Ne tun be i n'a fɔ saga, u be tagara ni min ye fagayɔrɔ la. Ne tun m'a lɔn ko u be koo dɔ labɛnna ne kama. U tun ko: «An ka yirikɛnɛ nin faga, k'a tunu ka bɔ diɲɛ na. A tɔgɔ kana wele tugu!»

Yeremi 44:25

Masaba, Setigi, Isirayɛli ka Ala ko: Aw, n'aw musow ye dajuru ta ko aw bena Sankolo kɔnɔ masamuso sɔn ka jii bɔn a ye. Aw ye min fɔ, tiɲɛ na, aw y'o le kɛ. «Ayiwa, aw k'aw ka dajuru sara!

Sarakalasebagaw 27:29

Ni mɔgɔ bilara ka kɛ ne ta ye, a te se ka kunmabɔ ni wari ye. Wajibi lo a ka faga.

Matiyu 26:4

Olu bɛnn'a la k'u bena Yezu minɛ dogo la k'a faga.

Matiyu 26:74

Nga Piyɛri ko: «Ni ne be galon tigɛra, Ala kana n to, ne te cɛɛ nin lɔn fewu.» O yɔrɔnin bɛɛ, dondo kasira.

Matiyu 27:25

Jama bɛɛ y'a fɔ ko: «An kɔni n'an deenw be lɔ n'a ka saya kunko ye.»

Kɛwalew 23:13

Mɔgɔ minw bɛnna o la, u tun ka ca ni mɔgɔ bi naani ye.

Kɛwalew 23:14

U tagar'a fɔ sarakalasebagaw kuntigiw, ni cɛkɔrɔbaw ye ko: «An ye dajuru ta ko n'an ma Pɔli sɔrɔ k'a faga, an tena dumuni kɛ abada.

Kɛwalew 23:21

Kana sɔn k'a d'u ma, bari mɔgɔ bi naani ni kɔ labɛnnin lo waasa k'a faga sira kan. U kalila k'u tena dumuni kɛ, k'u tena minni kɛ n'u ma Pɔli sɔrɔ k'a faga. Olu kɔni y'u ka ŋaniya bɛɛ ta ka ban, u be ele lo kɔnɔna.»

Kɛwalew 23:30

U nana n lasɔmi ko zuwifu nunu b'a fɛ halibi k'a faga dogo la. O kama, ne y'a sama i ma teliya la k'a yira a jalakibagaw la ko n'u mako b'a la, u ka taga i fɛ.»

Kɛwalew 25:3

ko a ka sabali ka Pɔli bila ka na Zeruzalɛmu. K'a sɔrɔ u y'o dabari nin siri waasa ka se ka Pɔli faga sira kan.

Kɛwalew 9:23

Waatijan tɛmɛnin kɔ, Damasi zuwifuw ye Sɔli fagako laɲini.

Kɛwalew 9:24

U tun be dugu bɔdaw bɛɛ kɔlɔsi suu ni tile, janko u ka se k'a faga. Nga o kuma nin bilara Sɔli tulo la.

Kor fɔlɔ 16:22

Ni Matigi ka koo man di mɔgɔ dɔ ye, o tigi danganin lo. Maranata. An Matigi be na.

Kor 2nan 11:26

Ne ye n ka taama caaman kɛ seen na. Ka ne to taama na, waati caaman na gwɛlɛya sera ne ma, baji tun be ɲini ka n ta, benkannikɛlaw fana fɛ, gwɛlɛya sera ne ma, ne ka siya yɛrɛ ye gwɛlɛya lase ne ma, ani siya wɛrɛw fana, ne ye gwɛlɛya sɔrɔ dugubabaw kɔnɔ, ani kongo kɔnɔ fana, gwɛlɛya fana sera ne ma kɔgɔji kan, ani ne balimajuguw y'a kɛ gwɛlɛya sera ne ma fana.

Galasikaw 3:13

A fɔra Ala ka kuma na ko ni mɔgɔ o mɔgɔ dulonna yiri la, k'o tigi ye dangaden ye. Krista yɛrɛ sɔnna ka kɛ dangaden ye an kosɔn, waasa k'an kisi sariya ka danga ma.

Tes fɔlɔ 2:16

Olu le b'an bali janko an kana kibaru diman fɔ siya wɛrɛw ye, min be se ka kɛ u be kisili sɔrɔ. A kɛra ten, u be dɔ farala u ka hakɛw kan. Nga a laban na, Ala dimina u kɔrɔ kosɔbɛ.

Yosuwe 6:26

O tuma na, Zozuwe kalila k'a fɔ ko: «Ni mɔgɔ min wilila ko ale bena Zeriko lalaga k'a lɔ, o tigi danganin lo Masaba ɲakɔrɔ. O tigi ben'a denkɔrɔba le kɛ saraka ye fɔlɔ, ka sɔrɔ ka dugu nin juu sigi, ani k'a dencɛ laban kɛ saraka ye ka sɔrɔ ka koon don dugu dondaw la.»

Yosuwe 7:1

Fɛɛn minw tun bilara ka kɛ Masaba ta ye, Isirayɛlidenw ye kojugu kɛ olu koo la. Zuda kɔmɔgɔ Zera deen Zabidi dencɛ Karimi deen Akan tun y'o fɛɛn nunu dɔw ta, o la, Masaba dimina Isirayɛlidenw kɔrɔ.

Yosuwe 7:15

Mɔgɔ kelen min mana yira o tuma na, ko ale lo ye fɛɛn nunu ta, o tigi bena jɛni, ale n'a bololafɛnw bɛɛ, bari a ye Masaba ka bɛɛn cɛn ka kojugu kɛ Isirayɛlidenw cɛma.› »

Sam fɔlɔ 14:24

Isirayɛlidenw sigɛnna o loon na, bari Sayuli tun kalila jama ɲana ko: «Ni mɔgɔ min ye dumuni kɛ ni wulafɛ ma se, n'a y'a sɔrɔ ni ne ma n juguw halaki ka ban fɔlɔ, o tigi kɔni danganin lo.» O la, mɔgɔ si tun ma dumuni kɛ kɛlɛdenw cɛma.