Kɛwalew 23:1 - ALA KA KUMA

¹ Pɔli lɔra ka kititigɛla nunu filɛ k'a fɔ ko: «N balimaw, ne ye n ka kɛtaw bɛɛ kɛ ni kɔnɔgwɛ ye Ala ɲana fɔɔ ka na se bii ma.»

Jula NT of Côte d’Ivoire

¹ Pɔli ka a ɲa lɔ kititigɛjama ra k’a fɔ ko: «Ne balemaw, fɔ ka na se bi ma, ne ka ne tagamacogo kɛ ka kaɲa ni Ala sago ye; ne jusukun tɛ ne jaraki o ra.»

LAYIDUKURA

¹ Pɔli lɔra ka kititigɛla nunu filɛ furutututu k'a fɔ ko: “N badenw, ne ye n ka kɛtaw bɛɛ kɛ ni kɔnɔgwɛ ye Ala nyana fɔɔ ka na se bii ma.”

Kɛwalew 23:1 Iomraidhean Croise

Zanaw 28:1

Mɔgɔjugu be boli k'a sɔrɔ mɔgɔ t'a gwɛnna. Nga mɔgɔtilennin hakili siginin lo i ko jarakanbelen.

Matiyu 5:22

Ayiwa, ne b'a fɔ aw ye ko ni mɔgɔ o mɔgɔ dimina a balima kɔrɔ, o tigi ka kan ni kiti ye. Ni mɔgɔ min y'a balima nɛni ko naloman, o tigi fana ka kan ni kiti ye. Ni mɔgɔ min y'a balima nɛni ko fatɔ, o tigi ka kan ni jahanama tasuma ye.

Kɛwalew 22:1

«N faaw, ani n balimaw, n bena min fɔ sisan waasa ka n yɛrɛ ka koo gwɛ aw ye, aw k'aw tulo malɔ o la ka ɲa.»

Kɛwalew 22:30

Dugu gwɛra, zuwifuw be Pɔli jalakila kuun min na, sɔlidasi kuntigiba nin tun b'a fɛ k'o lɔn. O la, a ye Pɔli foni ka sarakalasebagaw kuntigiw ni zuwifuw ka kititigɛlaw bɛɛ wele ɲɔgɔnye la. O kɔ, a y'a to Pɔli nana lɔ u cɛma.

Kɛwalew 22:5

Sarakalasebagaw kuntigiba ni cɛkɔrɔbaw ka jɛnkulu be se k'a fɔ ni galon lo, walima ni tiɲɛ lo. Loon dɔ la, ne ye sɛbɛ sɔrɔ olu fɛ ko n ka taga di an balimaw ma Damasi, ka Yezu kɔmɔgɔw minɛ ka na n'u ye Zeruzalɛmu k'u tɔɔrɔ.

Kɛwalew 23:15

O la do, aw ye bɛn ni kititigɛla tɔw ye, k'a ɲini sɔlidasi kuntigi fɛ ko a ka Pɔli sama aw ma waasa aw k'a ka koo jatiminɛ kosɔbɛ. Anw bena labɛn k'a faga sira la n'a ma se aw fɛ.»

Kɛwalew 23:20

Kanbelen nin y'a jaabi ko: «Zuwifuw bɛnn'a la k'u bena Pɔli daali e fɛ sini, janko kititigɛlaw ka se k'a ka koo jatiminɛ kosɔbɛ.

Kɛwalew 23:28

N tun b'a fɛ k'a minɛkun lɔn u fɛ minkɛ, n y'a ɲini u ka kititigɛlaw fɛ k'u k'a kiti.

Kɛwalew 23:6

Ayiwa, Pɔli y'a lɔn ko kititigɛlaw faan kelen ye *Saduseɲɛw ye, faan dɔ ye *Fariziɲɛw ye minkɛ, a pɛrɛnna ko: «N balimaw, ne faa ye Fariziɲɛ ye, ne yɛrɛ ye Fariziɲɛ ye. An jigi be suuw kununko min na, o jigi nin kama u ye ne minɛ.»

Kɛwalew 24:16

O kama ne banbanin lo waasa n ka kɛ mɔgɔ kɔnɔgwɛnin ye Ala ni mɔgɔw ɲana.

Kɛwalew 6:15

O tuma na, kititigɛlaw bɛɛ ɲaa basanin tun be Etiyɛni kan. A ɲaa kɛra i n'a fɔ mɛlɛkɛ ta u ɲakɔrɔ.

Kor fɔlɔ 4:4

Hali ni ne dusu te ne jalaki, a ma kɛ k'o le kosɔn ne ye jalakibali ye, nga ne jalakibaga ye Matigi ye.

Kor 2nan 1:12

An ka kunkɔrɔta ye min ye: o ye an ka taamacogo ye, aw cɛma, ani yɔrɔ bɛɛ, an y'o min kɛ ni kɔnɔgwɛ ye Ala ɲasiran na. O ma kɛ adamaden ka lɔnniya sababu la, nga Ala ka nɛɛma nɔɔ lo.

Kor 2nan 4:2

An banna dibidibiko ma maloya be min na, an te koo kɛ ni namara ye, an fana te Ala ka kuma kɔrɔ yɛlɛma fewu. An kɔni, an be tiɲɛ yɛrɛ yɛrɛ le fɔ, janko mɔgɔw k'u jigi la an kan Ala ɲakɔrɔ.

Tim 2nan 1:3

Ne be barika la Ala ye, ne be baara kɛ min ye ni kɔnɔgwɛ ye i n'a fɔ ne y'o sɔrɔ n bɛmaw fɛ cogo min na. Ne be to ka Ala daali i ye suu ni tile.

Heburuw 13:18

Aw ka Ala dali anw ye. Anw kɔni lanin b'a la ko an kɔnɔ gwɛnin lo, ko an b'a fɛ an tagamacogo ka ɲa tuma bɛɛ.

Piy fɔlɔ 3:16

Nga o jaabili nin ka kan ka kɛ ni dususuma, ni boɲa ye. Aw be kɛwaliɲuman minw kɛ Krista barika la, aw k'o kɛ ni kɔnɔgwɛ ye, waasa aw tɔgɔ cɛnbagaw ka maloya.