Kɛwalew 21:33 - ALA KA KUMA

³³ O tuma na, sɔlidasi kuntigi gwɛrɛla ka Pɔli minɛ, ko a ka sɔlidasiw k'a siri ni jɔrɔkɔ fila ye. O kɔ, a ye ɲiningali kɛ ko yala jɔn lo, ani ko a ye mun kɛ.

Jula NT of Côte d’Ivoire

³³ Sorasiw kuntigiba nana Pɔli mina. A k’a fɔ sorasiw ye ko o ye Pɔli siri ni nɛgɛjɔrɔkɔ fla ye. Pɔli sirinin kɔ, a ka ɲininkari kɛ ko Pɔli ye jɔn ye, ko a ka mun le kɛ?

LAYIDUKURA

³³ O tuma na, sɔlidasi kuntigi gwɛrɛla ka Pɔli minɛ, ko a ka sɔlidasiw k'a siri ni jɔrɔkɔ fila ye. O kɔ, a ye nyiningali kɛ ko yala jon lo, ani ko a ye mun kɛ.

Kɛwalew 21:33 Iomraidhean Croise

Kɛwalew 12:6

*Erɔdi tun bena Piyɛri kiti sini ɲɔgɔn. Sufɛ Piyɛri tun be sinɔgɔra sɔlidasi fila cɛma, jɔrɔkɔw tun donnin b'a la, k'o siri sɔlidasi nunu na. O y'a sɔrɔ kɔlɔsilikɛbaga dɔw fana tun be daa la.

Kɛwalew 20:23

N kɔni be min lɔn, n mana se dugu o dugu la, Nii Senuman b'a fɔ ne ye ko u bena jɔrɔkɔ kɛ ne la, ko n bena tɔɔrɔ.

Kɛwalew 21:11

A nana an sɔrɔ minkɛ, a ye Pɔli ka cɛsirilan ta k'a yɛrɛ seen n'a bolow siri n'a ye, k'a fɔ ko: «Mɔgɔ min ta ye cɛsirilan nin ye, zuwifuw ben'a tigi minɛ k'a siri ten Zeruzalɛmu k'a don siya wɛrɛw bolo. Nii Senuman le ko ten.»

Kɛwalew 22:29

O tuma na, mɔgɔ minw tun ka kan k'a bugɔ, olu bɛɛ y'a ye k'a to yen. Sɔlidasi kuntigiba nin nan'a lɔn ko ale ye Ɔrɔmuka le siri ten minkɛ, a siranna kosɔbɛ.

Kɛwalew 22:30

Dugu gwɛra, zuwifuw be Pɔli jalakila kuun min na, sɔlidasi kuntigiba nin tun b'a fɛ k'o lɔn. O la, a ye Pɔli foni ka sarakalasebagaw kuntigiw ni zuwifuw ka kititigɛlaw bɛɛ wele ɲɔgɔnye la. O kɔ, a y'a to Pɔli nana lɔ u cɛma.

Kɛwalew 25:16

Nga ne y'u jaabi ko Ɔrɔmukaw ka landa la, kiti le be kɛ fɔlɔ, kasoden ɲaa ye, a jalakibagaw ɲaa ye. Sira be di kasoden ma k'a jalakibagaw ka kuma jaabi. N'o ma kɛ, Ɔrɔmukaw te sira di ko mɔgɔjalakinin ka faga.

Kɛwalew 26:29

Pɔli y'a jaabi ko: «A kɛra waatisurun ye wo, a kɛra waatijan ye wo, ne kɔni b'a ɲini Ala fɛ, a kana dan e kelen ma, nga minw bɛɛ be ne lamɛnna bii, ko ne be cogo min na ten, aw bɛɛ ka kɛ ten. Nga jɔrɔkɔ kana kɛ aw la.»

Kɛwalew 28:20

O le y'a to ne y'aw wele ka kuma n'aw ye. Isirayɛli jigi be min kan, o kama lo ne sirinin be ni jɔrɔkɔ ye.»

Ɛfɛsikaw 6:20

min kosɔn ne kɛra Krista ka lasigiden ye ni n be kaso la. Aw ka Ala daali ne ye, waasa ne ka se k'a ka koo fɔ ni jagwɛlɛya ye i n'a fɔ ne ka kan k'a fɔ cogo min na.

Filipikaw 1:7

Tiɲɛ be ne fɛ ka miiri aw la tuma bɛɛ, bari aw koo be ne dusu la. Ka ne to kaso la, walima ne tun be kibaru diman fɔra ka gwɛ mɔgɔw ye tuma min na, janko u k'u jigi l'a kan kosɔbɛ, Ala ye boɲa min la ne kan, aw y'aw niyɔrɔ ta o baara la.

Tim 2nan 1:16

Matigi k'a ka ɲumanya kɛ Onezifɔri ka somɔgɔw ye, bari a ye ne jigi tugu siɲɛ caaman na. Ne kɛra kasoden ye, o bɛɛ n'a ta, a ma maloya ni ne ka koo ye.

Tim 2nan 2:9

O kibaru diman fɔli kosɔn, ne be sigɛn na, u ye ne siri ni jɔrɔkɔ ye, i n'a fɔ kojugukɛla. Nga mɔgɔ si te se ka Ala ka kuma fɔli bali.

Kititigɛbagaw 15:13

U y'a jaabi ko ayi, k'olu ten'a faga, k'olu b'a siri ka ta'a di filisiw ma dama. U y'a siri ni jurukura fila ye, k'a minɛ ka bɔ n'a ye farawo nin kɔnɔ.

Kititigɛbagaw 16:12

Dalila ye jurukuraw ta k'a siri n'o ye. O kɔ, a y'a fɔ ko: «Samusɔn, filisiw nana i kama!» O y'a sɔrɔ mɔgɔw tun dogonin be soo kɔnɔ. O yɔrɔnin kelen, a ye juru nunu tigɛ ka bɔ a bolo i n'a fɔ jese.

Kititigɛbagaw 16:21

Filisiw y'a minɛ k'a ɲadenw ci ka taga n'a ye Gaza. U y'a siri ni zirajɔrɔkɔw ye. A tun be to ka suman sin kaso la.

Kititigɛbagaw 16:8

Filisiw ka ɲamɔgɔw nana ni juru kɛnɛman wolonwula ye minw ma ja fɔlɔ ka na o di Dalila ma. A ye Samusɔn siri n'o ye.