Kɛwalew 21:3 - ALA KA KUMA

³ ka se Sipɔrɔ masurun na, an tun b'a dugukolo yera yɛrɛ, an tɛmɛna a worodugu ɲafan fɛ, k'an kuun sin Siri jamana ma. An tagara bɔ Tiri, kurun kɔnɔna minanw tun ka kan ka jigi o yɔrɔ la.

Jula NT of Côte d’Ivoire

³ An surunyara Sipere jamana ra; an tun bɛ o jamana yera, nka an k’a to an numanboroyanfan fɛ ka taga Siri jamana fan fɛ. Kurunba tagara lɔ Tiri, sabu doni minw tun bɛ kurun kɔnɔ, o tun ka kan ka jigi o dugu le ra.

LAYIDUKURA

³ ka se Sipɔrɔ masurun na, an tun b'a dugukolo yera yɛrɛ, an tɛmɛna a worodugu nyafan fɛ, k'an kuun sin Siri jamana ma. An taara bɔ Tiri, kurun kɔnɔna minanw tun ka kan ka jigi o yɔrɔ la.

Kɛwalew 21:3 Iomraidhean Croise

Sam 2nan 8:6

O kɔ, a ye lasigidenw sigi Damasi mara la, Siri jamana na. O la, Sirikaw y'u yɛrɛ majigi, ka nisɔngɔ sara a ye. Masaba tun be see di Dawuda ma a ka kɛlɛw bɛɛ la.

Zaburu 45:12

I koo ka di masacɛ ye i ka cɛɲa kama. Ale y'i matigi ye minkɛ, i kunbiri gwan a kɔrɔ.

Zaburu 87:4

Ne lɔnbagaw be bɔ jamana minw na, o ye Ezipiti ni Babilɔni ani Filisi ni Tiri ani Etiyopi ye. U wolola o jamana nunu na.

Ezayi 7:2

U taar'o kibaru fɔ Dawuda ka soo ko: «Siri kɛlɛdenw nana jigi Efarayimu mara la.» Akazi n'a ka jama kɔnɔ gwanna, fɔɔ u yɛrɛyɛrɛla i n'a fɔ fɔɲɔ be yiriw magamaga cogo min na tuu kɔnɔ.

Matiyu 11:21

«Aw Korazɛnkaw ni Bɛtisayidakaw, bɔnɛ bena kɛ aw ta ye, bari ne ye kabako minw kɛ aw fɛ, ni olu tun kɛra Tirikaw ni Sidɔnkaw fɛ, bii tun y'a sɔrɔ u ye dusukasifani don, ka bugurigwɛ mɔn u yɛrɛ la k'u sɔɔn yɛlɛma.

Matiyu 4:24

Yezu tɔgɔ bɔra u ka mara bɛɛ la fɔɔ ka taga se Siri jamana na. O la, mɔgɔw tun be taga sɛgɛrɛ n'u ka banabagatɔw bɛɛ ye: jinatɔw, ni kirikirimasiɲɛtɔw ani namaraw Yezu tun b'u kɛnɛya.

Luka 10:13

«Aw Korazɛnkaw ni Bɛtisayidakaw, bɔnɛ bena kɛ aw ta ye, bari ne ye kabako minw kɛ aw fɛ, ni olu tun kɛra Tirikaw ni Sidɔnkaw fɛ, bii tun y'a sɔrɔ u ye dusukasifani don, ka bugurigwɛ mɔn u yɛrɛ la k'u sɔɔn yɛlɛma.

Luka 2:2

O tɔgɔsɛbɛn fɔlɔ kɛra ka Kiriniyusi sɔrɔ Siri mara kun na.

Kɛwalew 11:19

Tɔɔrɔ min tun daminɛna Etiyɛni fagalɔn na, o tun kɛra sababu ye kalanden dɔw tagara Fenisi ni Sipɔrɔ jamana na, ani Antiyɔsi dugu kɔnɔ. Nga u tun te Yezu ka kibaru diman fɔ siya wɛrɛw ye fɔɔ zuwifuw dɔrɔn.

Kɛwalew 12:20

Kɛlɛjugu dɔ tun be *Erɔdi ni Tiri ni Sidɔnkaw cɛ. Olu bɛnn'a la k'u be taga Erɔdi daali. O la, u ye Erɔdi ka sibon labɛnbaga kɛ u teri ye fɔlɔ, o tɔgɔ tun ko Bilasitusi. U ka sɔrɔ ka taga bɛɛn ɲini. Fɔɔ bɛɛn tun ka ɲini bari olu ka jamana ka balofɛn caaman tun be bɔ Erɔdi ka jamana le kɔnɔ.

Kɛwalew 13:4

Nii Senuman ye Barinabasi ni Sɔli bila cidenya la. Olu tagara Selesi, u bɔra o yɔrɔ la ka baa tigɛ ka taga dugukolonin dɔ kan kɔgɔji cɛma min tɔgɔ ko Sipɔrɔ.

Kɛwalew 15:23

U ye sɛbɛ min don olu bolo, a sɛbɛnnin tun b'o la ko: «Aw kalanden minw te zuwifuw ye n'aw siginin bɛ Antiyɔsi, Siri jamana na, ani minw be Silisi jamana na, aw balima cidenw, ni Krista ka jama ɲamɔgɔw b'aw fo.

Kɛwalew 15:39

Pɔli ni Barinabasi ye ɲɔgɔn sɔsɔ kosɔbɛ. A laban, u faranna ɲɔgɔn na. Barinabasi ye Mariki minɛ, u ye kurun ta ka taga Sipɔrɔ.

Kɛwalew 15:41

U ye Siri ni Silisi jamana yaala ka to ka Krista ka jama ladi k'u jaa gwɛlɛya.

Kɛwalew 18:18

Pɔli tora Korɛnti ka waatijan kɛ. O kɔ, a ye sira ɲini o yɔrɔ balimaw fɛ, ale ni Akilasi n'a ka muso Pirisili ye kurun ta k'u kuun sin Siri jamana ma. Pɔli tun y'a kuun li Sankere bari a tun ye dajuru ta Ala ye.

Kɛwalew 21:16

Sezare kalanden dɔw tagara an bila sira ka jatigila di an ma. An tun jigira fɔlɔ kalandenw dɔ fɛ min tɔgɔ ko Munazɔn, Sipɔrɔka tun lo.

Kɛwalew 21:2

An ye kurun dɔ sɔrɔ yen min tun be tagara Fenisi jamana na. An donna o kɔnɔ

Kɛwalew 21:7

An bɔra Tiri, ka taga Potolemayisi, k'o yɔrɔ balimaw fo. An ye tile kelen kɛ olu fɛ.

Kɛwalew 27:4

An bɔra o yɔrɔ la ka tɛmɛ Sipɔrɔ jamana kɔfɛ, min be kɔgɔji cɛma, bari fɔɲɔ tun b'an tɔɔrɔla.

Kɛwalew 4:36

O la, Levi kɔmɔgɔ dɔ tun be yen min tɔgɔ ko Yusufu ka bɔ Sipɔrɔ jamana na, cidenw y'a tɔgɔ la ko Barinabasi, o kɔrɔ ko min be mɔgɔ jaa gwɛlɛya.

Kititigɛbagaw 10:6

O kɔ, Isirayɛlidenw ye kojugu kɛ Masaba ɲakɔrɔ tugu. U ye *Baali ni *Asitarite sɔn yɔrɔ caaman na, ani Sirikaw ka joow, ni Sidɔnkaw, ani mowabuw ni amoniw, ni filisiw taw. U ye Masaba to yen u m'a bato tugu.