Kɛwalew 21:27 - ALA KA KUMA

²⁷ Saniyali be kɛ tile wolonwula minw kɔnɔ, o tun be ɲini ka dafa. Azi mara zuwifu dɔw nana Pɔli ye Alabatosoba kɔnɔ, ka jama kɔnɔnasu ka bila Pɔli la, u y'a minɛ.

Jula NT of Côte d’Ivoire

²⁷ Tere wolonfla tun bɛna dafa wagati min na, Azi mara Yahudiyaw ka Pɔli ye Alabatosoba kɔnɔ. O ka jama bɛɛ kɔnɔnɔsu; o ka Pɔli mina,

LAYIDUKURA

²⁷ Saniyali min bɛ kɛ tile wolonwula minw kɔnɔ, o daa tun bɛ nyini ka fa. Azi mara Zuwifu dɔw nana Pɔli ye Alabatosoba kɔnɔ, u ye jama kɔnɔnasu ka bila Pɔli la, u y'a minɛ.

Kɛwalew 21:27 Iomraidhean Croise

Mas fɔlɔ 21:25

Mɔgɔ si m'a yɛrɛ di ka kojugu kɛ ka ye Masaba ɲakɔrɔ ka Akabu bɔ. A ka muso Zezabɛli tun y'a ɲɔti ka don koo la fana.

Jateri 19:11

«Ni mɔgɔ o mɔgɔ magara suu la, ale nɔgɔnin bena to tile wolonwula kɔnɔ.

Jateri 6:13

«Yɛrɛdi nin sariya filɛ: a ka yɛrɛdi dafara loon min na, u ben'a to a be na Ɲɔgɔnkunbɛn fanibugu daa la.

Jateri 6:9

N'a y'a sɔrɔ ko mɔgɔ dɔ barila ka sa a gɛrɛfɛ, k'a ɲagami a ka yɛrɛdiko la, a ben'a kuun li, a ka yɛrɛsaniyalon na. A ben'a kuun li tile wolonwulanan loon.

Luka 21:12

«Nga sanni o koow bɛɛ ka kɛ, mɔgɔw bena aw minɛ k'aw tɔɔrɔ kosɔbɛ. U bena aw don kalanso kuntigiw bolo k'aw don kaso la. U bena taga n'aw ye masacɛw ni jamanatigiw fɛ ne kosɔn.

Kɛwalew 13:50

Muso kantigi minw tun be Ala bato, zuwifuw wilila ka olu ni dugu ɲamɔgɔw kɔnɔnasu k'u bila Pɔli ni Barinabasi la. O y'u tɔɔrɔ, k'u gwɛn ka bɔ u ka mara la.

Kɛwalew 14:19

Zuwifu dɔw nana ka bɔ Antiyɔsi, ani Ikoniyɔmu o tuma na, olu ye jama hakili yɛlɛma fɔɔ u ye Pɔli bon ni kabakuruw ye, o kɔ, u y'a kooro ka taga fili dugu kɔfɛ, u tun b'a miiri ko a sara.

Kɛwalew 14:2

Nga zuwifu minw tun ma la a la, olu ye siya wɛrɛw kɔnɔnasu k'u bila balimaw la.

Kɛwalew 14:5

Zuwifuw ni siya wɛrɛw, ani u ka ɲamɔgɔw labɛnnin tun lo ka Pɔli ni Barinabasi bon ni kabakuruw ye k'u faga.

Kɛwalew 16:6

Nii Senuman ye Pɔli ni Silasi bali ka Ala ka kuma fɔ Azi mara la. U tɛmɛna ka taga Firizi ni Galati maraw yaala.

Kɛwalew 17:13

Nga Tesaloniki zuwifuw y'a mɛn ko Pɔli tagara Ala ka kuma fɔ Berekaw ye dɔrɔn, u wilila ka taga yen. U ye jama kɔnɔnasu, janko mankan ka wili.

Kɛwalew 18:12

Galiyɔn tun ye Akayi mara masacɛlankan ye tuma min na, zuwifuw wilila Pɔli kama. U y'a minɛ ka taga n'a ye kititigɛlaw fɛ

Kɛwalew 2:9

An dɔw bɔra Pariti jamana na, dɔw bɔra Mɛdi, ni Elamu, ni Mezopotami ani Zude. Dɔw bɔra Kapadɔsi, ni Pɔn, ni Azi,

Kɛwalew 20:19

Zuwifuw ye tɔɔrɔ ni dusukasi minw lase ne ma, ne y'o bɛɛ muɲu ka to ka Matigi ka baara kɛ ni yɛrɛmajigi ye.

Kɛwalew 24:11

I be se ka ɲiningali kɛ k'a lɔn ko tiɲɛ lo, bari a ma tɛmɛ tile tan ni fila kan fɔlɔ, ne tun tagara Zeruzalɛmu ka Ala bato.

Kɛwalew 24:18

O waati la, dɔw ye ne ye Alabatosoba kɔnɔ, nga mankan tun te ne ni mɔgɔ si cɛ, ne tun be n yɛrɛ saniyara le.

Kɛwalew 26:21

O kama lo zuwifu dɔw nana n sɔrɔ Alabatosoba kɔnɔ ka n minɛ, u tun b'a fɛ ka n faga.

Kɛwalew 4:3

U y'u minɛ ka taga u datugu kaso la fɔɔ a dugusagwɛ, bari tile tun banna.

Kɛwalew 5:18

wilila ka ciden nunu minɛ jama ɲana k'u don kaso la.

Kɛwalew 6:12

O kama, cɛkɔrɔbaw ni sariya karamɔgɔw ani jama bɛɛ murutira Etiyɛni kama ka girin k'a minɛ ka taga n'a ye u ka kititigɛlaw fɛ.

Kɛwalew 6:9

O bɛɛ kama, kalanso min be wele ko Jɔnhɔrɔnyaninw ka kalanso, o mɔgɔ dɔw nana sɔsɔli daminɛ ni Etiyɛni ye. Sirɛnikaw ni Alɛkisandirikaw ni Silisikaw, ani Azikaw fana niin tun b'o la.

Kor 2nan 11:26

Ne ye n ka taama caaman kɛ seen na. Ka ne to taama na, waati caaman na gwɛlɛya sera ne ma, baji tun be ɲini ka n ta, benkannikɛlaw fana fɛ, gwɛlɛya sera ne ma, ne ka siya yɛrɛ ye gwɛlɛya lase ne ma, ani siya wɛrɛw fana, ne ye gwɛlɛya sɔrɔ dugubabaw kɔnɔ, ani kongo kɔnɔ fana, gwɛlɛya fana sera ne ma kɔgɔji kan, ani ne balimajuguw y'a kɛ gwɛlɛya sera ne ma fana.

Tes fɔlɔ 2:16

Olu le b'an bali janko an kana kibaru diman fɔ siya wɛrɛw ye, min be se ka kɛ u be kisili sɔrɔ. A kɛra ten, u be dɔ farala u ka hakɛw kan. Nga a laban na, Ala dimina u kɔrɔ kosɔbɛ.