Kɛwalew 20:7 - ALA KA KUMA

⁷ Lɔgɔkun loon fɔlɔ, an lajɛnnin tun be n'an be dumuni senuman tilantilanna ɲɔgɔn fɛ. Pɔli tun ka kan ka bɔ Torowasi o dugusagwɛ. O kama, a kumana ka mɛn fɔɔ ka se dugutilama.

Jula NT of Côte d’Ivoire

⁷ Lɔgɔkun tere fɔlɔ, an tun lajɛnna ka Matigi ta domuni kɛ ɲɔgɔn fɛ. Pɔli tun b’a fɛ ka taga o lon dugusagbɛ; a kumana lanabagaw fɛ ka mɛɛn fɔ ka taga se su cɛmancɛ wagati ma.

LAYIDUKURA

⁷ Lɔgɔkun loon fɔlɔ, an lajɛnnin tun bɛ n'an bɛ dumuni senuman tilantilanna nyɔgɔn fɛ. Pɔli tun ka kan ka bɔ Torowasi o dugusagwɛ. O kama, a kumana ka mɛn fɔɔ ka se dugutilama.

Kɛwalew 20:7 Iomraidhean Croise

Nehemi 8:3

Daa min tɔgɔ ko Jida, Ɛsidirasi ye sariyasɛbɛ nin kalan o forobayɔrɔ la k'a ta sɔgɔma fɔɔ tilefɛ. Cɛɛw ni musow ani mɔgɔ minw be se ka kuma faamu, a y'a kalan olu ɲana. Jama bɛɛ y'u tulo malɔ sariyasɛbɛ kalantɔ la.

Nehemi 9:3

U lɔra seen kan. Masaba u ka Ala ka sariyasɛbɛ kalanna u ɲana sɔgɔma k'u ka kojuguw fɔ tilegwanfɛ. O kɔ, u y'u kunbiri gwan Masaba u ka Ala ɲakɔrɔ.

Marika 16:9

Lɔgɔkun loon fɔlɔ sɔgɔma joona, Yezu kununna a sanin kɔ. A tun ye jina wolonwula gwɛn ka bɔ Magidala Mariyamu min na, a y'a yɛrɛ yira o la fɔlɔ.

Luka 22:19

O kɔ, Yezu ye buru ta ka barika la Ala ye. A y'a tilantilan k'a d'u ma k'a fɔ ko: «Nin ye ne fari ye [min bena kɛ saraka ye aw ka nafa kosɔn. Aw ye to ka nin kɛ k'aw hakili to ne la.»

Luka 24:35

O tuma na, olu fila ye Yezu ye sira kan cogo min na, ani k'a lɔn cogo min na dumuni kɛtuma na, u y'o lakali kalanden tɔw ye.

Yuhana 20:1

Lɔgɔkun loon fɔlɔ, Mariyamu ka bɔ Magidala wilila sɔgɔmada joona, mɔgɔ tun te yeli kɛ kosɔbɛ fɔlɔ, ka taga kaburu yɔrɔ la, a tagar'a sɔrɔ kabakuru tun te kaburu daa la tugu.

Yuhana 20:19

O loon kelen wulafɛ, min tun ye lɔgɔkun daminɛlon ye, zuwifuw ɲasiranya kosɔn, kalandenw tun be boon min kɔnɔ, u tun y'o daaw tugu k'u sɔgɔ. K'o daa nunu sɔgɔnin to, Yezu nana lɔ u cɛma k'a fɔ u ye ko: «Hɛrɛ ka kɛ aw ye.»

Yuhana 20:26

Lɔgɔkun kelen o kɔ, Yezu ka kalandenw tun be soo kɔnɔ, o loon na, Toma tun be n'u ye. U tun ye daaw bɛɛ tugu k'u sɔgɔ, o bɛɛ n'a ta, Yezu nana lɔ u cɛma k'a fɔ u ye ko: «Hɛrɛ ka kɛ aw ye.»

Kɛwalew 16:10

O kɔ, an y'a laɲini o yɔrɔnin bɛɛ ko an be taga Maseduwani, bari an lanin tun b'a la ko Ala le b'an welela o yɔrɔ la, waasa k'a ka kibaru diman fɔ.

Kɛwalew 2:42

Kalandenw tun be taga cidenw ka kalan lamɛn tuma bɛɛ. U tun be jɛn k'u ka koo bɛɛ kɛ balimaya la. U tun be dumuni senuman tilantilan ɲɔgɔn fɛ, ka Ala daali.

Kɛwalew 2:46

U tun be taga Alabatosoba kɔnɔ loon o loon ka Ala bato. U tun be dumuni senuman tilantilan ɲɔgɔn fɛ soo kɔnɔ, ka to ka dumuni kɛ ni ɲɔgɔn ye nisɔndiya la. U si tun t'u yɛrɛ boɲa.

Kɛwalew 20:11

Pɔli yɛlɛla tuma min na, a ye dumuni senuman nin dɔ tigɛ k'a dumu, ka kuma daminɛ tugu fɔɔ ka dugu gwɛ, ka sɔrɔ k'a ka sira minɛ.

Kɛwalew 20:31

Aw k'aw hakili to a la ko ne tun be aw kelen kelen bɛɛ ladi ni ɲaji ye loon o loon saan saba kɔnɔ. O la, aw y'aw yɛrɛ kɔlɔsi.

Kɛwalew 20:5

O jɛnkulu nin tun kɔnna ka sira ta anw ɲa, ka taga anw kɔnɔ Torowasi.

Kɛwalew 20:9

Kanbelennin dɔ siginin tun be fenɛtiri la, a tɔgɔ ko Etiki. Pɔli ka kuma jaɲana minkɛ, sinɔgɔ ye kanbelen nin minɛ. A porokotora ka bɔ sangaso sabanan fenɛtiri la ka ben. U jigira k'a ta, o y'a sɔrɔ a sara.

Kɛwalew 28:23

U bɛnna loon wɛrɛ la. O loon, zuwifu nunu nana caaman Pɔli ka soo. K'a ta sɔgɔma fɔɔ wulafɛ, Pɔli ye Ala ka masaya koo fɔ u ye. A jijanin tun be ka Yezu ka koo don u dusu la. O kama, a tun be Musa ka sariya ani kiraw ka kitabuw kɔnɔnakumaw ɲafɔ u ye.

Kor fɔlɔ 10:16

An be barika la Ala ye filen dubaman min kosɔn, ka sɔrɔ k'a min, ale t'an jɛn ni Krista ye a joli bɔnko la wa? An be buru min tilantilan, o fana t'an jɛn ni Krista farisogo ye wa?

Kor fɔlɔ 15:10

Nga ne be yɔrɔ min na sisan, o ye Ala ka nɛɛma nɔɔ ye. O nɛɛma nin te gwansan ye ne faan fɛ. Ne ye baara kɛ ka tɛmɛ olu bɛɛ kan. O te ne yɛrɛ seko ye, o ye Ala ka nɛɛma nɔɔ ye.

Kor fɔlɔ 16:2

Lɔgɔkun loon fɔlɔ bɛɛ, mɔgɔ kelen kelen bɛɛ ka fɛɛn dɔ bɔ a ka sɔrɔta la k'o mara gɛrɛfɛ. Aw kana ne kɔnɔ, ni ne nana tuma min na, an ka sɔrɔ k'o bolomafara minɛ.

Tim 2nan 4:2

i ka Ala ka kuma fɔ tuma bɛɛ, waati nɔgɔman ni waatigwɛlɛn na. Mɔgɔ minw filila, i k'olu jalaki k'u ka filiyɔrɔ yira u la, k'u ladi ni muɲuli ye u kalanwaati la.

Yirari 1:10

Matigi ka loon dɔ la, Nii Senuman barika la, ne ye kumakan dɔ mɛn n kɔfɛ, i n'a fɔ buru fiyɛkan.