Kɛwalew 20:29 - ALA KA KUMA

²⁹ Ne y'a lɔn ko ne taanin kɔ, mɔgɔ dɔw bena na don aw seen kɔrɔ ka fariya Krista ka jama ma i n'a fɔ suruku ka fari baa ma cogo min na.

Jula NT of Côte d’Ivoire

²⁹ Ne yɛrɛ k’a lɔn ko ni ne tagara, mɔgɔlafiribaga dɔw bɛna don aw cɛ ra i ko warajuguw bɛ don sagaw cɛ ra cogo min na; o tɛna sagaw to.

LAYIDUKURA

²⁹ Ne y'a lɔn ko ne taanin kɔ, mɔgɔ dɔw bɛna na don aw seen kɔrɔ ka fariya Ala ka jama ma i n'a fɔ suruku ka fari baa ma cogo min na.

Kɛwalew 20:29 Iomraidhean Croise

Yeremi 13:20

Zeruzalɛmu, i ɲaa kɔrɔta ka mɔgɔw natɔ filɛ ka bɔ kɔgɔdugu ɲafan fɛ. Jama min kalifara i ma, a be min? Min tun ye i ka kunkɔrɔtafɛn ye.

Yeremi 23:1

«Ɲamɔgɔ minw be ne ka mɔgɔw jɛnsɛn k'u tunu i ko begɛnw, n ka dumuni kɛyɔrɔ la, bɔnɛ ye u ta ye. Ne Masaba le ko ten!

Ezekiyɛli 22:27

Dugu faamaw be i n'a fɔ wara min be sogo minɛna, u be mɔgɔw faga tɔnɔjugu kama.

Ezekiyɛli 34:8

Ne Matigi, Masaba tɔgɔ kosɔn, ne b'a fɔ ko: Sagadɛndɛbaga tanya kosɔn, mɔgɔw nana ne ka sagaw minɛ, dɔw kɛra waraw ka dumuni ye. Ne ka sagadɛndɛbagaw ma ne ka saga tununinw yaala. Yanni u ka janto ne ka sagaw la, u y'u janto u yɛrɛ la.

Daniyɛli 11:34

O tɔɔrɔ waati la, u bena dɛmɛ dɔɔni dama sɔrɔ. Bari mɔgɔ caaman bena fara u kan minw kɔnɔ gwɛnin tɛ.

Sofoni 3:3

U ɲamɔgɔw be i ko jaradimininw. U ka kititigɛlaw be i ko kongowulu kɔngɔtɔlaman minw te wasa fɔɔ ka dugu gwɛ.

Jakariya 11:17

Sagadɛndɛbaga min ye lagalagatɔ ye n'a b'a ka begɛnw bila, bɔnɛ y'o ta ye! Murujan k'a bolo kelen faran, k'a kinibolo ɲaa ci! A bolo kelen ka sa pepewu, a kinibolo ɲaa ka dibi!»

Matiyu 10:16

«Ayiwa, ne b'aw ci i n'a fɔ sagaw, waraw cɛma. O la, aw ka kɛ yɛrɛkɔlɔsibagaw ye i n'a fɔ saa, aw ka koo ka nɔgɔya i n'a fɔ jɛnɛtuba.

Matiyu 7:15

«Mɔgɔ minw be galon tigɛ k'olu ye kiraw ye, aw k'aw yɛrɛ kɔlɔsi olu la. N'u be na aw fɛ, u b'u yɛrɛ kɛ sagaw ye k'a sɔrɔ waraw lo.

Luka 10:3

Ayiwa, aw ka taga! Ne b'aw ci i n'a fɔ sagadenw, waraw cɛma.

Luka 12:32

«Aw kɛra i n'a fɔ sagakulufitini. O n'a ta bɛɛ, aw kana siran, bari a diyara aw Faa ye k'a ka masaya d'aw ma.

Yuhana 10:12

Nga min b'u dɛndɛ a yɛrɛ ka nafa kosɔn n'a ta te sagaw ye, n'ale ye wara natɔ ye, a be sagaw to, ka boli. Wara be minɛni kɛ, sagaw be jɛnsɛn.

Yuhana 21:15

U ye dumuni kɛ ka ban tuma min na, Yezu y'a fɔ Simɔn Piyɛri ye ko: «Zan dencɛ Simɔn, i be ne kanu ka tɛmɛ nunu kan wa?» A y'a jaabi ko: «Ɔnhɔn Matigi, e yɛrɛ y'a lɔn ko ne b'i kanu.» Yezu y'a fɔ a ye ko: «Ne ka sagaw dɛndɛ.»

Kɛwalew 20:28

Aw ka janto aw yɛrɛ la. Nii Senuman ye jama min kalifa aw ma, aw ka olu fana kɔlɔsi. Krista ka jama min kɛra Ala ta ye a joli sababu la, aw y'aw janto o la.

Piy fɔlɔ 5:2

Ala y'a ka sagakulu min kalifa aw ma, aw k'o kɔlɔsi ka ɲa ni dusuɲuman ye ka kɛɲɛ ni Ala sago ye. Nga o kana kɛ jagoyako ye. Aw k'o baara nin kɛ ni timinadiya ye, tɔnɔɲini kana sɔrɔ a la.

Piy 2nan 2:1

Ayiwa, fɔlɔ la, kirajuguw tun be mɔgɔw cɛma. O cogo kelen na, karamɔgɔjuguw bena bɔ aw fana cɛma ka mɔgɔw kalan ni galon dɔrɔn ye min be cɛnni kɛ fɔɔ u be taga ban u Matigi la, min y'u kunmabɔbaga ye. O tuma na sa, u bena bari ka halaki.

Zude 1:18

Olu tun y'a fɔ aw ye ko: «Waati laban na, kolɔgɔbɔbagaw bena sɔrɔ. U bena taama ka kɛɲɛ n'u ka nigɛjugu ye.»