Kɛwalew 20:20 - ALA KA KUMA

²⁰ Fɛɛn minw bɛɛ tun be se k'aw nafa, ne ma olu si dogo aw la. Ne y'o bɛɛ fɔ aw ye k'aw kalan n'o ye fana forobayɔrɔw la, ani aw ka soow kɔnɔ.

Jula NT of Côte d’Ivoire

²⁰ O bɛɛ n’a ta, aw ta nafa bɛ fɛn o fɛn na, ne ma o si dogo aw ma; ne ka aw karan jamayɔrɔw ra, ka aw karan aw yɛrɛ ta sow kɔnɔ,

LAYIDUKURA

²⁰ Fɛɛn minw bɛɛ tun bɛ se k'aw nafa, ne ma olu si dogo aw la. Ne y'o bɛɛ fɔ aw ye k'aw kalan n'o ye fana forobayɔrɔw la, ani aw ka soow kɔnɔ.

Kɛwalew 20:20 Iomraidhean Croise

Yeremi 26:2

Masaba ko: «Taga lɔ ne Masaba ka soo luu kɔnɔ, ne bena kuma min bɛɛ fɔ i ye olu kosɔn, i k'o fɔ Zuda mara dugu mɔgɔw bɛɛ ye, minw be na yen ka ne bato. Hali dakuru ɲaa kelen, i kan'a tigɛ a la.

Yeremi 42:4

Kira Zeremi y'u jaabi ko: «N y'a mɛn. Aw y'a ɲini ne fɛ cogo min na, ne bena na Masaba aw ka Ala daali. A mana kuma o kuma fɔ aw ka koo la, ne bena o bɛɛ fɔ aw ye. Ne ten'a si dogo aw la.»

Marika 4:34

A tun te kuma mɔgɔw fɛ n'a ma talen la u ye. Nga ni Yezu n'a ka kalandenw b'u danna, a b'o talenw bɛɛ kɔrɔ fɔ olu ye.

Kɛwalew 2:46

U tun be taga Alabatosoba kɔnɔ loon o loon ka Ala bato. U tun be dumuni senuman tilantilan ɲɔgɔn fɛ soo kɔnɔ, ka to ka dumuni kɛ ni ɲɔgɔn ye nisɔndiya la. U si tun t'u yɛrɛ boɲa.

Kɛwalew 20:27

bari, ne ma Ala ka kolatigɛnin dogo aw la.

Kɛwalew 20:31

Aw k'aw hakili to a la ko ne tun be aw kelen kelen bɛɛ ladi ni ɲaji ye loon o loon saan saba kɔnɔ. O la, aw y'aw yɛrɛ kɔlɔsi.

Kɛwalew 5:2

ka dɔ bɔ a sɔngɔ la ka sɔrɔ ka taga tɔɔ di cidenw ma.

Kɛwalew 5:42

Loon o loon, Yezu min ye Ala ka Mɔgɔ wolomanin ye, cidenw tun be to ka taga ale ka kibaru diman fɔ mɔgɔw ye Alabatosoba kɔnɔ, ani u yɛrɛ ka soow kɔnɔ.

Kor fɔlɔ 12:7

Nii Senuman be seko di mɔgɔ kelen kelen bɛɛ ma, mɔgɔ bɛɛ ka makoɲa kama.

Kor fɔlɔ 14:6

N balimaw, n'a kɛra ko ne tun nana aw fɛ ka kuma aw fɛ kaan wɛrɛ la, min te koo dɔ yira, n'a te lɔnniya d'aw ma, ni kirayakuma t'o la, n'a t'aw kalan fana, o bena mun le ɲa aw ye?

Kor fɔlɔ 15:3

Ne kɔnna k'a fɔ aw ye i n'a fɔ ne fana tun y'a sɔrɔ cogo min na, ko Krista sara an ka hakɛw kosɔn, ka kɛɲɛ ni Ala ka kuma ye.

Sariya 4:5

«Masaba ne ka Ala y'a ɲini ne fɛ cogo min na, ne y'aw kalan sariya, ni landaw koo la ten, aw y'o ye, janko n'aw donna jamana nin kɔnɔ k'a kɛ aw ta ye, aw ka se k'o koow bato o yɔrɔ la.

Filipikaw 3:1

Ayiwa n balimaw, sisan kɔni aw ka nisɔndiya Matigi kosɔn. Ne ye koo minw fɔ aw ye, a ma gwɛlɛ ne ma ka kɔsegi olu kan. O be aw fana dɛmɛ kosɔbɛ.

Kɔlɔsikaw 1:28

An be ale Krista le koo fɔra mɔgɔ bɛɛ ye, k'u ladi, ani k'u kalan ni hakilitigiya bɛɛ ye, waasa an ka se ka mɔgɔ kelen kelen bɛɛ labɛn u dafanin ka lɔ Ala ɲakɔrɔ Krista barika la.

Tim 2nan 4:2

i ka Ala ka kuma fɔ tuma bɛɛ, waati nɔgɔman ni waatigwɛlɛn na. Mɔgɔ minw filila, i k'olu jalaki k'u ka filiyɔrɔ yira u la, k'u ladi ni muɲuli ye u kalanwaati la.