Kɛwalew 20:19 - ALA KA KUMA

¹⁹ Zuwifuw ye tɔɔrɔ ni dusukasi minw lase ne ma, ne y'o bɛɛ muɲu ka to ka Matigi ka baara kɛ ni yɛrɛmajigi ye.

Jula NT of Côte d’Ivoire

¹⁹ Ne ka ne yɛrɛ majigi wagati bɛɛ ka baara kɛ Matigi ye, ka tɔɔrɔ fɔ ka ɲaji bɔ; Yahudiyaw fana ka janfa siri ne kama wagati caman, ka sɛgɛ caman lase ne ma.

LAYIDUKURA

¹⁹ Zuwifuw ye tɔɔrɔ ni dusukasi minw lase ne ma yan, ne y'o bɛɛ munyu ka to ka Matigi ka baara kɛ ni yɛrɛmajigi ye.

Kɛwalew 20:19 Iomraidhean Croise

Zaburu 119:136

Ne be kasi ka ɲaji woyo, bari u te e ka sariya batora.

Yeremi 13:17

N'aw ma mɛnni kɛ, n bena dogo ka kasi aw ka yɛrɛboɲa kosɔn. N ɲaji bena woyo i ko jii. Bari, Masaba ka jama bena minɛ ka taga.

Yeremi 9:1

Ni lonanjigiso tun be ne tɔgɔ la kongokolon kɔnɔ, ne be se ka bɔ n ka mɔgɔw cɛma ka taga yɔrɔ min na, o tun be diya ne ye! Bari, u bɛɛ kɛra kakalaw ye, janfamɔgɔw lo.

Luka 19:41

Yezu surunyana ka Zeruzalɛmu ye tuma min na, a kasira.

Yuhana 12:26

Ni mɔgɔ min b'a fɛ ka baara kɛ ne ye, o tigi ka tugu ne kɔ, ne be yɔrɔ min na, ne ka baarakɛlaw fana bena kɛ o yɔrɔ le la. Ni mɔgɔ min be baara kɛ ne ye, n Faa bena boɲa la o tigi kan.

Kɛwalew 17:13

Nga Tesaloniki zuwifuw y'a mɛn ko Pɔli tagara Ala ka kuma fɔ Berekaw ye dɔrɔn, u wilila ka taga yen. U ye jama kɔnɔnasu, janko mankan ka wili.

Kɛwalew 17:5

Nga, o ma diya zuwifu tɔw ye. Olu wilila ka bɛn ni mɔgɔkolon dɔw ye waasa ka dugu ɲagami. U wilila ka mankan daminɛ ka dugu bɛɛ ɲagami, ka taga Zasɔn ka soo k'u be Pɔli ni Silasi minɛ ka taga n'u ye kiti tigɛyɔrɔ la.

Kɛwalew 20:3

ka kalo saba kɛ o yɔrɔ la. A bɔtɔ yen, a ko a be kurun ta ka taga Siri mara la. A y'a mɛn ko zuwifu nunu ye janfa siri a la k'u b'a faga. O la, a kɔsegira ka taga bɔ Maseduwani faan fɛ.

Kɛwalew 20:31

Aw k'aw hakili to a la ko ne tun be aw kelen kelen bɛɛ ladi ni ɲaji ye loon o loon saan saba kɔnɔ. O la, aw y'aw yɛrɛ kɔlɔsi.

Kɛwalew 21:27

Saniyali be kɛ tile wolonwula minw kɔnɔ, o tun be ɲini ka dafa. Azi mara zuwifu dɔw nana Pɔli ye Alabatosoba kɔnɔ, ka jama kɔnɔnasu ka bila Pɔli la, u y'a minɛ.

Kɛwalew 27:23

bari ne be baara kɛ n ka Ala min ye, ale ka mɛlɛkɛ dɔ y'a yɛrɛ yira ne la kunu sufɛ

Rɔmukaw 1:1

Ne Pɔli min ye Yezu Krista ka jɔɔn ye, ne welela ka kɛ ciden ye, ne wolomana ka kɛ Ala ka kibaru diman fɔbaga ye.

Rɔmukaw 1:9

Ne be baara kɛ Ala min ye ni n dusu ye k'a Dencɛ koo fɔ, o min ye kibaru diman ye, ale ye ne seere ye ko ne be to k'aw ka koo miiri

Rɔmukaw 12:11

Aw ye jija, aw kana kɛ salabagatɔw ye, aw ka banba ka baara kɛ Matigi ye.

Kor 2nan 2:4

Ne tun b'o bataki cira aw ma tuma min na, ne y'o ci ni hakiliɲagami, ani dusucɛn ye, ne tun kasira kosɔbɛ. O ma kɛ k'aw dusu kasi dɛ, nga waasa aw ka se k'a lɔn ko ne b'aw kanu kosɔbɛ.

Kor 2nan 3:5

An te miiri ko an sera ka fɛɛn minw kɛ, k'o bɔra an yɛrɛ la dɛ, o bɔra Ala le la.

Kor 2nan 7:5

An sera Maseduwani mara la tuma min na, an ma lafiɲɛyɔrɔ sɔrɔ tɔɔrɔ sifa bɛɛ bolo. An tun be kɛlɛ kɛ ni dɔw ye, ani siranya tun be anw na.

Galasikaw 1:10

O tuma na, sisan a fɔra ko ne b'a fɛ ne koo ka diya mɔgɔ ye wa, walima Ala ye? Walima ne b'a fɛ ka mɔgɔ diyanako le kɛ? Ni ne tun b'a fɛ k'o kɛ, ne tun tena kɛ Krista ka baarakɛla ye.

Ɛfɛsikaw 6:7

Aw ka baara kɛ u ye ni dusuɲuman ye, i n'a fɔ aw be Matigi ka baara kɛ cogo min na. Aw kan'a kɛ i n'a fɔ aw b'o kɛra mɔgɔ ye,

Filipikaw 3:18

Ne ye nin fɔ ka ban aw ye siɲɛ caaman, ne be kɔsegi k'a fɔ aw ye tugu ni ɲaji ye, ko Krista ka saya kuun lɔgɔ kan, mɔgɔ caaman taamacogo ma bɛn o ma.

Kɔlɔsikaw 3:24

Aw ka l'a la ko aw bena niyɔrɔ sɔrɔ Matigi fɛ min ye aw ka sara ye. Aw ka Matigi, o ye Krista ye, aw be baara kɛra ale lo ye.

Tes fɔlɔ 1:9

Bari an tun sera aw fɛ tuma min na, aw y'an ladon cogo min na, ani ka josɔn dabila cogo min na ka Nitigi Ala kelen bato, mɔgɔ bɛɛ b'o fɔra.

Tim 2nan 1:4

Ni ne hakili jigira i kasiko la tuma min na, o waati la, ne b'a fɛ k'i ye teliya la waasa ne ka se ka nisɔndiya.

Yakuba 1:2

N badenw, kɔrɔbɔli sifa o sifa mana se aw ma, aw k'aw yɛrɛ jati mɔgɔdagamuninw ye.

Piy fɔlɔ 1:6

O la, hali k'aw to dusukasi la waati dɔɔni nin yɛrɛ kɔnɔ tɔɔrɔ sifa caaman na, aw ka nisɔndiya kosɔbɛ.

Piy 2nan 1:1

Ne Simɔn Piyɛri min ye Yezu Krista ka ciden, n'a ka baaraden ye, ne be bataki nin ci aw ma, aw minw ye an ka jigi ɲanaman ɲɔgɔn sɔrɔ anw ka Ala n'an kisibaga Yezu Krista ka tilenninya kosɔn.

Yirari 7:15

O kama, u lɔnin be Ala ka masasigilan ɲafɛ ka to k'a bato a ka soo kɔnɔ suu ni tile. Ayiwa, min siginin be masasigilan kan, ale bena u tanga.