Kɛwalew 2:42 - ALA KA KUMA

⁴² Kalandenw tun be taga cidenw ka kalan lamɛn tuma bɛɛ. U tun be jɛn k'u ka koo bɛɛ kɛ balimaya la. U tun be dumuni senuman tilantilan ɲɔgɔn fɛ, ka Ala daali.

Jula NT of Côte d’Ivoire

⁴² Kabini o lon na o mɔgɔw tun bɛ lajɛn wagati bɛɛ ka ciradenw* ta karan lamɛn. O tora lanabagaw ta jɛnɲɔgɔnya ra. O tun bɛ buru tarantaran o ni ɲɔgɔn cɛ, ka o ɲimi, ka o hakiri jigi Matigi ta kuma ra, ka to ka Ala daari ɲɔgɔn fɛ.

LAYIDUKURA

⁴² Kalandenw tun bɛ taa cidenw ka kalan lamɛn tuma bɛɛ. U tun bɛ jɛn k'u ka koo bɛɛ kɛ balimaya la. U tun bɛ dumuni senuman tilantilan nyɔgɔn fɛ, ka Ala dali.

Kɛwalew 2:42 Iomraidhean Croise

Luka 24:30

Dumunikɛtuma, Yezu sigira n'u ye dumuni na, a ye buru ta ka barika la Ala ye, k'a tilantilan k'a d'u ma.

Luka 24:35

O tuma na, olu fila ye Yezu ye sira kan cogo min na, ani k'a lɔn cogo min na dumuni kɛtuma na, u y'o lakali kalanden tɔw ye.

Kɛwalew 1:14

U bɛɛ ka miiri tun ye kelen ye. U lajɛnnin tun be jɛn ɲɔgɔn fɛ tuma bɛɛ ka Ala daali. Muso dɔw tun be n'u ye. Yezu baa Mariyamu tun be u cɛma, ani Yezu dɔgɔninw.

Kɛwalew 11:23

Ala y'a ka ɲumanya yira mɔgɔ nunu la cogo min na, Barinabasi sera yen k'o ye, a nisɔn diyara. A y'u jaa gwɛlɛya k'u ka banba ka nɔrɔ Matigi kelen na.

Kɛwalew 14:22

U tun be to ka kalandenw jaa gwɛlɛya k'u ka banba k'u jigi la Yezu kan kosɔbɛ. U tun b'a fɔ kalandenw ye ko: «Wajibi lo fɔɔ an ka tɔɔrɔ kosɔbɛ ka sɔrɔ ka don Ala ka masaya la.»

Kɛwalew 2:46

U tun be taga Alabatosoba kɔnɔ loon o loon ka Ala bato. U tun be dumuni senuman tilantilan ɲɔgɔn fɛ soo kɔnɔ, ka to ka dumuni kɛ ni ɲɔgɔn ye nisɔndiya la. U si tun t'u yɛrɛ boɲa.

Kɛwalew 20:11

Pɔli yɛlɛla tuma min na, a ye dumuni senuman nin dɔ tigɛ k'a dumu, ka kuma daminɛ tugu fɔɔ ka dugu gwɛ, ka sɔrɔ k'a ka sira minɛ.

Kɛwalew 20:7

Lɔgɔkun loon fɔlɔ, an lajɛnnin tun be n'an be dumuni senuman tilantilanna ɲɔgɔn fɛ. Pɔli tun ka kan ka bɔ Torowasi o dugusagwɛ. O kama, a kumana ka mɛn fɔɔ ka se dugutilama.

Kɛwalew 4:23

Piyɛri ni Zan bilanin kɔ, sarakalasebagaw kuntigiw ni cɛkɔrɔbaw ye kuma min bɛɛ fɔ, u segira ka n'o bɛɛ ɲafɔ u tɔɲɔgɔnw ye.

Kɛwalew 4:31

U tun be yɔrɔ min na, daalili bantɔ, o yɔrɔ nin yɛrɛyɛrɛla. U bɛɛ fara Nii Senuman na, ka to ka Ala ka kuma fɔ ni jagwɛlɛya ye.

Kɛwalew 6:4

Anw kɔni bena to ka Ala ka kuma fɔ, ani ka bila Ala daaliko ɲafɛ.»

Rɔmukaw 12:12

Jigi min b'aw la, aw ka nisɔndiya o kosɔn, tɔɔrɔ tuma, aw ka muɲu, aw ye jija ka Ala daali.

Kor fɔlɔ 10:21

Aw te se ka minni kɛ ni Matigi ka filen ye, ka tila ka minni kɛ ni jinaw ta ye fana. Aw fana te se ka Matigi ka dumuni kɛ ka tila ka jinaw ta kɛ.

Kor fɔlɔ 11:2

Ne be barika la aw ye bari aw hakili be ne la waati bɛɛ, ne ye koo minw bɛɛ fɔ aw ye, aw y'o bato ka ɲa.

Kor fɔlɔ 14:6

N balimaw, n'a kɛra ko ne tun nana aw fɛ ka kuma aw fɛ kaan wɛrɛ la, min te koo dɔ yira, n'a te lɔnniya d'aw ma, ni kirayakuma t'o la, n'a t'aw kalan fana, o bena mun le ɲa aw ye?

Galasikaw 1:6

Ala min y'aw wele Krista ka nɛɛma barika la, aw banna ale la joona joona, ka tugu kibaru diman wɛrɛ kɔ, o ye ne kabakoya kosɔbɛ.

Ɛfɛsikaw 2:20

Kiraw ni cidenw ye soo juu min sigi, ni Yezu Krista le y'o juu nin kabakuru barikaman ye, boon nɔnkɔn ta, aw lɔra o le kan i n'a fɔ boon.

Ɛfɛsikaw 6:18

Aw ka Ala daali kosɔbɛ tuma bɛɛ Nii Senuman barika la ni daalili sifa bɛɛ ye. Aw ye jija o la kosɔbɛ ka daalili kɛ Ala ka mɔgɔw bɛɛ ye.

Filipikaw 1:5

bari kabini ne y'a daminɛ ka kibaru diman fɔ aw fɛ, fɔɔ ka na se bii ma, aw be ne dɛmɛna k'aw niyɔrɔ ta o baara la.

Kɔlɔsikaw 1:23

Nga aw ka jija ka l'a la kosɔbɛ, fɛɛn si kana aw ka miiriya ɲagami k'aw jigi bɔ kibaru diman kan aw ye min mɛn, ale min fɔra danfɛnw bɛɛ ye diɲɛ kɔnɔ. Ne Pɔli kɛra min baarakɛla ye.

Kɔlɔsikaw 4:2

Aw ka jija Aladali la, ka barika la a ye kosɔbɛ.

Tim 2nan 3:14

E kɔni kalanna koo minw na, ani ka sɔn u ma, jija k'o minɛ ka ɲa, bari i ye o koo kalan mɔgɔ min fɛ, i b'o tigi lɔn.

Heburuw 10:25

An kana ban ka taga an ka ɲɔgɔnlajɛnyɔrɔ la, i n'a fɔ dɔw be to k'a kɛ cogo min na. Nga an ka ɲɔgɔn jaa gwɛlɛya, bari aw yɛrɛ ɲaa b'a la ko Matigi ka loon surunyana ka ban.

Heburuw 10:39

Minw bena segi kɔ ka halaki, anw te olu dɔw ye. Anw ye jigitigiw ye minw bena kisi.

Zan fɔlɔ 1:3

Anw ye min ye, ka min mɛn, an b'o le fɔ aw ye, waasa aw fana ka jɛn ni anw ye. Ayiwa, anw kɔni n'an Faa Ala n'a Dencɛ Yezu Krista jɛnnin lo.

Zan fɔlɔ 1:7

Nga n'o y'a sɔrɔ n'an ka koow bɛɛ gwɛnin lo i n'a fɔ ale yɛrɛ be cogo min na, o tuma na, jɛɛn be kɛ an bɛɛ ni ɲɔgɔn cɛ, a Dencɛ Yezu joli b'an ka hakɛw bɛɛ bɔ an na.

Zan fɔlɔ 2:19

U bɔra anw cɛma le, nga u tun t'an dɔw ye bɛrɛbɛrɛ, ni an dɔw tun lo, u tun be to n'an ye. Nga a kɛra ten waasa a k'a yira ko an dɔ te u ye tiɲɛ na.

Zude 1:20

Nga aw kɔni, ne teriw, aw ka jija ka taga ɲa aw jigi ka to Ala kan sɔbɛ la, ani ka Ala daali Nii Senuman barika la.