Kɛwalew 2:40 - ALA KA KUMA

⁴⁰ Piyɛri y'a fɔ u ye fana ko: «Aw ye jija k'aw ka kɛwaliw yɛlɛma janko aw ni mɔgɔjugu nunu kana kɛ kelen ye.» A ye kuma wɛrɛw fɔ k'u jaa gwɛlɛya.

Jula NT of Côte d’Ivoire

⁴⁰ Piyɛri ka o mɔgɔw waaju ka mɛɛn, k’a fɔ o ye k’a gbɛlɛya ko: «Aw ka kan ka jija ka faran bi mɔgɔjuguw ra, janko aw ye kisi.»

LAYIDUKURA

⁴⁰ Piyɛri y'a fɔ u ye fana ko: “Haya! Aw ye jija k'aw ka kɛwaliw yɛlɛma janko aw ni mɔgɔjugu nunu kana kɛ kelen ye.” A ye kuma wɛrɛw fɔ k'u jaa gwɛlɛya.

Kɛwalew 2:40 Iomraidhean Croise

Zanaw 9:6

Aw kana kɛ kolɔnbaliw ye, o la aw bena sii sɔrɔ. Aw ka hakilitigiyasira ta.»

Yeremi 51:45

Ne ka mɔgɔw, aw ye bɔ a kɔnɔ! Bɛɛ k'a yɛrɛ ɲini, waasa ka kisi ne Masaba ka dimiba ma.

Matiyu 12:34

Aw minw ka jugu i n'a fɔ fɔnfɔnni, aw be se ka kumaɲuman fɔ cogo di, bari aw ka jugu. Mɔgɔ dusu fanin be fɛɛn min na, a daa b'o le fɔ.

Matiyu 16:4

Bii mɔgɔw ka jugu, u murutira Ala ma, u b'a fɛ ko ne ka kabako dɔ kɛ u ɲana, nga kabako si tena kɛ k'a yira u la ni kira Zonasi ta ɲɔgɔn tɛ.» O kɔ, a y'u lɔnin to yen ka tɛmɛ n'a ka sira ye.

Matiyu 17:17

Yezu y'a fɔ ko: «Aw bii mɔgɔw kɔni, aw ka jugu, aw te la Ala la. Ne bena to n'aw ye k'aw ka koo muɲu fɔɔ tuma jumɛn? Aw ye na ni deen nin ye yan.»

Matiyu 23:33

Aw be i n'a fɔ saaw, fɔnfɔnniden nunu, aw ben'a kɛ cogo jumɛn na ka tila jahanama tasuma ma?

Marika 8:38

Bii mɔgɔw banna Ala la, u be hakɛ kɛ. Ni mɔgɔ min maloyara olu ɲana ka ne koo fɔ, ne bena na n Faa ka sebagaya la tuma min na ni mɛlɛkɛ senumanw ye, Mɔgɔ Dencɛ fana bena maloya k'a fɔ k'o tigi ye a ka kalanden ye.»

Luka 16:28

bari dɔgɔcɛ duuru be ne fɛ. A ka taga u lasɔmi waasa olu fana kana na nin tɔɔrɔ yɔrɔ la.›

Luka 21:36

Aw ye jija ka Ala daali tuma bɛɛ, ka kɛ mɔgɔ timinadiyaninw ye, waasa aw ka se ka kisi o koo nataw bɛɛ ma, ani aw ka se ka lɔ Mɔgɔ Dencɛ ɲakɔrɔ.»

Yuhana 21:25

Yezu ye koo caaman dɔ wɛrɛw kɛ, n'u kelen kelen bɛɛ tun sɛbɛnna, ne ma l'a la k'o sɛbɛ nunu marayɔrɔ tun be sɔrɔ diɲɛ na.

Kɛwalew 10:42

O kɔ, a ye cii don an bolo ko an k'a fɔ jama ye ani k'a yira u la ko Ala ye ale lo sigi ka kɛ ɲanamanw ni suuw kitibaga ye.

Kɛwalew 15:32

Zude ni Silasi tun ye kiraw ye fana. U ye baro diman kɛ ni balimaw ye fɔɔ ka mɛn, ka dɔ fara u ka jagwɛlɛya kan.

Kɛwalew 20:11

Pɔli yɛlɛla tuma min na, a ye dumuni senuman nin dɔ tigɛ k'a dumu, ka kuma daminɛ tugu fɔɔ ka dugu gwɛ, ka sɔrɔ k'a ka sira minɛ.

Kɛwalew 20:2

A y'o mara nin bɛɛ yaala ka to ka kalandenw ladi kosɔbɛ. A tora o la fɔɔ ka taga se Girɛsi mara la,

Kɛwalew 20:21

N y'a fɔ zuwifuw, ni siya wɛrɛw ye, k'u ka nimisa ka faran u ka kojuguw la k'u ɲasin Ala ma, ka la an Matigi Yezu la.

Kɛwalew 20:24

Ne ka bɔnɔ n nii na, o te foyi ye ne ɲana. A daan ye Matigi Yezu ye baara min don ne bolo, ne k'o kɛ ka ban. Fɔɔ ne ka se ka Ala ka nɛɛma kibaru diman nin fɔ mɔgɔw ye le.

Kɛwalew 20:9

Kanbelennin dɔ siginin tun be fenɛtiri la, a tɔgɔ ko Etiki. Pɔli ka kuma jaɲana minkɛ, sinɔgɔ ye kanbelen nin minɛ. A porokotora ka bɔ sangaso sabanan fenɛtiri la ka ben. U jigira k'a ta, o y'a sɔrɔ a sara.

Kɛwalew 28:23

U bɛnna loon wɛrɛ la. O loon, zuwifu nunu nana caaman Pɔli ka soo. K'a ta sɔgɔma fɔɔ wulafɛ, Pɔli ye Ala ka masaya koo fɔ u ye. A jijanin tun be ka Yezu ka koo don u dusu la. O kama, a tun be Musa ka sariya ani kiraw ka kitabuw kɔnɔnakumaw ɲafɔ u ye.

Kɛwalew 4:36

O la, Levi kɔmɔgɔ dɔ tun be yen min tɔgɔ ko Yusufu ka bɔ Sipɔrɔ jamana na, cidenw y'a tɔgɔ la ko Barinabasi, o kɔrɔ ko min be mɔgɔ jaa gwɛlɛya.

Kor 2nan 5:20

An kɛra Krista ka lasigidenw ye aw cɛma, a kɛra i n'a fɔ Ala yɛrɛ le b'aw wele an barika la. An b'aw daali Krista tɔgɔ kosɔn, ko aw ka sɔn ka bɛn ni Ala ye.

Kor 2nan 6:17

Matigi ko: «Aw ye bɔ u cɛma, ka faran u la, aw kana maga fɛɛn nɔgɔnin si la, ne bena aw ladon n fɛ.»

Galasikaw 5:3

Ne be tila k'a fɔ tugu ko ni mɔgɔ o mɔgɔ y'a yɛrɛ kɛnɛkɛnɛ, a kɛra wajibi ye o tigi ma ka sariya bɛɛ bato.

Ɛfɛsikaw 4:17

Ne be min fɔ aw ye k'a gwɛlɛya Matigi barika la, o ye nin ye: ko aw kana taama i n'a fɔ Alalɔnbaliw be taama cogo min na u ka miiriya fufafu fɛ.

Sariya 32:5

U kɛra janfaciw ye a faan fɛ. Maloya ka kɛ u ta ye! U t'a deenw ye tugu. Mɔgɔjuguw lo, u tilennin tɛ.

Filipikaw 2:15

waasa aw ka kɛ mɔgɔ jalakibaliw ni mɔgɔɲumanw, ani Ala deenw ye, juguya te minw kɔnɔ fewu diɲɛ mɔgɔw cɛma, olu minw ka jugu ani u tilennin tɛ. Aw ka kɛ yeelen ye u cɛma i n'a fɔ lolow.

Tes fɔlɔ 2:11

Aw b'a lɔn fana ko an y'aw kelen kelen bɛɛ minɛ i n'a fɔ faa b'a deenw minɛ cogo min na.

Tim fɔlɔ 4:16

I yɛrɛ minɛ ani k'i ka mɔgɔ kalancogo kɔlɔsi fana. E k'i jija o la, n'o kɛra, i bena i yɛrɛ kisi ani k'i lamɛnbagaw fana kisi.

Piy fɔlɔ 5:12

Ne ka kuma damani nunu n be minw cira aw ma, Silivɛn le y'o sɛbɛn. N b'a jati n badensɔbɛ ye. N b'a fɛ k'aw ladi, k'a yira aw la ko Ala ka nɛɛma tigitigi lo ne ye min koo fɔ aw ye, aw bolo lanin be min kan.