Kɛwalew 2:39 - ALA KA KUMA

³⁹ bari Matigi y'a daa di aw, n'aw deenw ma, ani Matigi an ka Ala bena mɔgɔ minw bɛɛ wele ka bɔ yɔrɔjan na.»

Jula NT of Côte d’Ivoire

³⁹ Sabu Nin Saninman layiri tara aw fana ye, ani aw ta den minw bɛna na aw kɔ, ani siyamɔgɔ minw bɛ yɔrɔjan, ani an Matigi Ala bɛna mɔgɔ minw bɛɛ wele fana.»

LAYIDUKURA

³⁹ bari Matigi y'o layidu ta aw, n'aw deenw le ye, ani Matigi an ka Ala bɛna mɔgɔ minw wele ka bɔ yɔrɔjan.”

Kɛwalew 2:39 Iomraidhean Croise

Ezayi 44:3

Bari ne bena dugukolo janin sɔn jii la, ne bena jisiraw bɔ dugukolo yɔrɔ janinw na. Ne bena n Nii di aw deenw ma, ne bena hɛrɛ kɛ aw kɔmɔgɔw ye.

Ezayi 54:13

I deenw bɛɛ bena kɛ Masaba ka kalandenw ye, i deenw ka hɛrɛ bena boɲa.

Ezayi 57:19

Ne bena tanuli don u daa la ko: Hɛrɛ o hɛrɛ, o ye yɔrɔjan mɔgɔ, ani yɔrɔsurun mɔgɔ ta ye. Ne bena u kɛnɛya. Ne Masaba le ko ten.»

Ezayi 59:19

O la, k'a ta kɔrɔn fɛ fɔɔ tileben fɛ, mɔgɔw bena siran Nɔɔrɔtigi Masaba ɲa. Bari, a bena na i ko fɔɲɔ ye jiba min ta.

Ezayi 59:20

Kunmabɔbaga bena na *Siyɔn kosɔn. Yakuba kɔmɔgɔ minw y'u ka hakɛw dabila, a bena na olu kunmabɔ. Masaba le ko ten.

Ezayi 65:23

U tena sigɛn gwansan tugu, u tena deen wolo min ka kan ka sa joona tugu. U bena kɛ siya ye, ne Masaba yɛrɛ ye barika don min la, olu n'u deenw.

Ezekiyɛli 37:25

Ne ye jamana min di ne ka baarakɛla Yakuba ma, n'aw bɛmaw siginin tun be o kɔnɔ, u bena sigi yen. U n'u deenw n'u mamadenw bena sigi yen kudayi. Ne ka baarakɛla Dawuda le bena kɛ u ka ɲamɔgɔ ye kudayi.

Kɛwalew 10:45

Zuwifu minw tun lara Yezu la n'u nana Piyɛri bila sira, olu kabakoyara bari u y'a ye ko Ala ye Nii Senuman di siya wɛrɛw fana ma.

Kɛwalew 14:27

U sera yen tuma min na, u ye Krista ka jama lajɛn. Ala y'u dɛmɛ ka koo min bɛɛ kɛ, a ye sira di siya wɛrɛw ma cogo min na u ka la Matigi la, u y'o bɛɛ ɲafɔ u ye.

Kɛwalew 15:14

Kabini a daminɛ, Ala y'a janto siya wɛrɛw la cogo min na, Simɔn y'o ɲafɔ sisan. Ala ye siya dɔ woloma u cɛma k'o kɛ a tɔgɔla ta ye.

Kɛwalew 15:3

Krista ka jama min tun be Antiyɔsi, olu y'u dɛmɛ o taama nin na kosɔbɛ. U taatɔ, u ye Fenisi, ni Samari mara cɛtigɛ. Siya wɛrɛw nimisara ka faran u ka kojuguw la cogo min na, u tora k'o lakali ka taga. O kibaruya ye balimaw bɛɛ nisɔn diya.

Kɛwalew 15:8

Ala min be mɔgɔ bɛɛ kɔnɔnako lɔn, a sɔnna ka Nii Senuman jigi olu kan i n'a fɔ a jigira anw kan cogo min na.

Rɔmukaw 11:29

bari ni Ala ye fɛɛn min di, a t'o minɛ tugu, n'a ye weleli kɛ, a t'o yɛlɛma.

Rɔmukaw 8:30

A kɔnna ka minw ka koo latigɛ, a ye olu wele, a ye minw wele, a ye olu jati mɔgɔtilenninw ye, a ye minw jati mɔgɔtilenninw ye, a ye boɲa la olu kan.

Rɔmukaw 9:24

O kɔrɔ ko a ye an minw wele, a ma weleli kɛ ka bɔ zuwifuw dama cɛma, nga a ye dɔw fana wele ka bɔ siya wɛrɛw cɛma.

Rɔmukaw 9:4

olu minw ye Isirayɛlidenw ye. Ala ye olu minw minɛ k'o kɛ a ka deenw ye, k'a yɛrɛ yira u la, ka bɛn n'u ye siɲɛ caaman, ka sariya sigi u ye k'a yɛrɛ batocogo yira u la, k'a daa di u ma.

Kor fɔlɔ 7:14

Bari cɛɛ min ma la Yezu la, ale saniyanin be a muso barika la, muso min ma la Yezu la, ale fana saniyanin be a cɛɛ barika la. N'o tɛ, u ka deenw tena kɛ deen saniyaninw ye, k'a sɔrɔ u ye deen senumanw ye.

Ɛfɛsikaw 1:18

ani k'aw hakili yɛlɛ, aw welela fɛɛn min kama, aw ka se k'o faamu. A ye fɛnɲuman min labɛn a ka mɔgɔw ye, aw k'o nafa lɔn,

Ɛfɛsikaw 2:12

O waati la, aw tun te Krista lɔn, niyɔrɔ tun te aw fɛ Isirayɛlidenw cɛma. Ala tun y'a daa di bɛɛn min la, aw niin tun t'o la. Aw tun be yen ten, jigi layɔrɔ tun t'aw fɛ, aw tun te Ala lɔn fana.

Ɛfɛsikaw 4:4

Farisogo kelen ni Nii kelen le be yen, i n'a fɔ aw welela jigi kelen kama cogo min na.

Sariya 29:15

«An tun siginin be Ezipiti cogo min na, an ye siya wɛrɛw ka maraw cɛtigɛ cogo min na, aw yɛrɛ b'o lɔn.

Tes 2nan 1:11

O le y'a to an b'an ka Ala daali aw ye tuma bɛɛ, waasa, Ala y'aw wele kuun min na, aw k'o ɲa. Ani ka see d'aw ma, aw jigi kosɔn, aw b'a fɛ ka koɲuman min kɛ, aw ka se k'o kɛ.

Tim 2nan 1:9

Ale min y'an kisi ani k'an wele ka kɛ a ka siya ye, o ma kɛ an ka kɛwaliɲuman sababu la, nga ale yɛrɛ ka koo latigɛnin, n'a ka nɛɛma sababu lo. A y'o nɛɛma labɛn an ye Yezu Krista barika la kabini diɲɛ ma dan fɔlɔ.

Heburuw 3:1

O kosɔn, n badenw, Ala ye aw minw wele k'aw kɛ a taw ye, aw ka Yezu filɛ, min ye Ala ka ciden, ni sarakalasebagaw kuntigiba ye Ala ka sira la an be min koo fɔ.

Heburuw 9:15

Krista kɛra Ala ni mɔgɔw cɛ, ka bɛnkura sigi janko Ala y'a daa di cɛɛn banbali min la, a ka mɔgɔ weleninw ka se k'o sɔrɔ Krista ka saya kosɔn. A ye min kɛ k'u tila u ka kojuguw la, u ye minw kɛ bɛnkɔrɔ tile la.

Piy fɔlɔ 5:10

Nga tɔɔrɔ dɔɔni tɛmɛnin kɔ, Nɛɛmatigi Ala min y'aw wele waasa aw k'ale ka nɔɔrɔ banbali ɲɔgɔn sɔrɔ Krista barika la, ale lo bena barika don aw la, ka fanga di aw ma, k'aw lɔ ka ɲa.

Piy 2nan 1:10

N badenw, o la sa, aw k'aw timinadiya, Ala y'aw woloma k'aw wele min kama, o ka sabati aw bolo. N'aw tora k'a kɛ ten, aw tena ben hakɛ la abada.

Piy 2nan 1:3

Tiɲɛ na, an mako be fɛɛn min na, an ka se ka taama Alaɲasiran na, Matigi y'o bɛɛ d'an ma a ka setigiya barika la, ale min y'an wele k'a ka nɔɔrɔ ni sebagaya d'an ma, waasa an ka se k'ale lɔn kosɔbɛ.

Yirari 17:14

U bena Sagaden nin kɛlɛ. Nga Sagaden bena se u kɔrɔ, bari ale ye matigiw ka Matigi ye, ani masaw ka Masa. Sagaden n'a ka mɔgɔ weleninw, n'a ka wolomaninw, ni kantigiw, u bɛɛ bena see sɔrɔ.»

Yirari 19:9

Mɛlɛkɛ y'a fɔ n ye ko: «A sɛbɛn ko: ‹Mɔgɔ minw welela Sagaden ka kɔɲɔya dumuni na, olu dagamuna.› » O kɔ, a ko n ma: «Nin ye Ala yɛrɛ ka kuma ye.»