Kɛwalew 2:24 - ALA KA KUMA

²⁴ Nga Ala y'a kunun a faganin kɔ ka bɔ saya tɔɔrɔ la, bari a tun man kan ka to saya bolo.

Jula NT of Côte d’Ivoire

²⁴ Nka Ala k’a kisi ka bɔ saya ra k’a lakunu, sabu saya tun tɛ se ka Yesu mina ka to a ta fanga kɔrɔ.

LAYIDUKURA

²⁴ Nga Ala y'a kunun a faganin kɔ ka saya fanga ban, bari a tun man kan ka to saya bolo.

Kɛwalew 2:24 Iomraidhean Croise

Zaburu 116:16

Masaba, ne y'i ka baarakɛla ye tiɲɛ na. I ka baarakɛla min wolola i ka baarakɛmuso fɛ. I ye ne hɔrɔnya.

Ezayi 10:7

Nga olu m'a faamu ten dɛ, u ka miiriya ma se a ma ten. Bari, olu ka miiri ye ka halakili kɛ dɔrɔn, ka siya caaman sii tunu.

Ezayi 25:8

A bena saya fanga ban pewu! Matigi, Masaba bena bɛɛ ɲaji cɛ. Maloya min tun b'a ka mɔgɔw kan jamana yɔrɔ bɛɛ la, a bena o ta ka bɔ yen. Masaba le y'a fɔ.

Ezayi 26:19

Ne ka jama, aw ka mɔgɔ saninw bena kunun, u suuw bena kunun. Aw minw be kaburu la, aw ye kunun ka nisɔndiyapɛrɛnkan bɔ! Bari, ne bena dugukolo fa komiji la, dugukolo be suuw to u be kunu.

Ezayi 53:10

Nga Masaba sago tun lo k'a tɔɔrɔ k'a halaki. N'a y'a nii di fili yafa saraka ye, a bena kɔmɔgɔw sɔrɔ, a bena sijan sɔrɔ. Masaba be min fɛ, o bena kɛ ale sababu la.

Oze ta kitabu 13:14

Ne ka kan ka Isirayɛlidenw bɔsi lahara bolo wa? Ne ka kan k'u kisi saya ma wa? Saya, e ka balawu be min? Lahara, e ka cɛnni be min? Ne tena makari fewu!

Matiyu 27:63

U y'a fɔ a ye ko: «An hakili jigira a la ko galontigɛla nin tun y'a fɔ ko n'ale sara, ko ale bena kunun a tile sabanan loon.

Yuhana 10:18

Mɔgɔ si te ne nii bɔ dɛ, ne yɛrɛ le b'a di. See be ne ye k'a di, see be ne ye k'a minɛ tugu. N Faa y'o le ɲini n fɛ.»

Yuhana 10:35

Ala ye min fɔ, o ye kuma yɛlɛmabali ye. A tun be kumana mɔgɔ le fɛ, n'a y'a fɔ u ye ko: ‹Aw ye ala dɔw ye.›

Yuhana 12:39

U tun te se ka l'a la kuun min na, Ezayi y'o fɔ fana ko:

Yuhana 20:9

O y'a sɔrɔ, min tun fɔra Ala ka kuma na Yezu ka kununko la, u tun ma o faamu fɔlɔ.

Kɛwalew 1:16

«N balimaw, Ala ka kuma kɔnɔ Nii Senuman tun ye kuma min don Dawuda daa la Zuda ka koo la, wajibi tun lo o ka kɛ. Ale Zuda le nana kɛ sababu ye u ye Yezu minɛ.

Kɛwalew 13:30

Nga Ala y'a kunun.

Kɛwalew 13:37

Nga, Ala ye Yezu kunun a sanin kɔ, ale suu ma sɔrɔ ka toli.

Kɛwalew 17:31

O kama, a ye loon dɔ sigi. O loon nin sera, a ye mɔgɔ dɔ woloma ka ban, a bena o tigi bila ka diɲɛ mɔgɔw kiti ni tilenninya ye. A y'o tigi kunun a sanin kɔ janko k'a yira bɛɛ la, ko ale lo bena mɔgɔ bɛɛ kiti.»

Kɛwalew 2:32

Ala ye Yezu kunun a sanin kɔ, anw kɔni y'a ye.

Kɛwalew 3:15

Aw y'a to u ye nii dibaga faga, nga Ala y'a kunun. Anw y'a ye.

Kɛwalew 3:26

Ala y'a ka baarakɛla ci aw le ma fɔlɔ, janko a ka hɛrɛ kɛ aw kelen kelen bɛɛ ye k'aw faran ka bɔ aw ka kɛwalijuguw la.»

Kɛwalew 4:10

O la, aw y'aw tulo malɔ ka ɲa ani k'a faamu, Isirayɛli jama bɛɛ fana k'a faamu ko Yezu Krista Nazarɛtika nin barika lo, aw tun ye min gwengwen lɔgɔ kan. Ala y'a kunun. Ale barika la cɛɛ nin kɛnɛyara.

Kɛwalew 5:30

Aw tun ye Yezu min gwengwen k'a faga lɔgɔ kan, an bɛmaw ka Ala y'a kunun,

Rɔmukaw 10:9

N'i sɔnna k'a fɔ ko Yezu ye Matigi ye ani ka l'a la ko Ala y'a kunun a sanin kɔ, e bena kisi.

Rɔmukaw 14:9

Krista sara ka kunun janko a ka kɛ mɔgɔ ɲanamanw ni suuw ka Matigi ye.

Rɔmukaw 4:24

Nga an fana niin b'o la, Ala bena an minw jati mɔgɔtilenninw ye bari an lara Ala la ale min y'an Matigi Yezu kunun a sanin kɔ.

Rɔmukaw 6:4

An batizera ka jɛn n'a ye a ka saya la minkɛ, an fana suu donna n'a ye janko Krista kununna Faa Ala ka sebagaya barika la cogo min na, an fana jogo ka yɛlɛma ka kɛ kura ye.

Rɔmukaw 8:11

Ala min ye Yezu Krista kunun a sanin kɔ, n'ale ka Nii b'aw la, ale kelen le bena nii don aw farisogo tolita la, a ka Nii Senuman barika la ale min b'aw la.

Rɔmukaw 8:34

Jɔn bena u jalaki? Bari Yezu Krista sara, o dama tɛ fana, a kununna, a siginin be Ala kinibolo fɛ, ka to ka Ala daali an ye.

Kor fɔlɔ 15:12

Ni Krista ka kununko waajuli be kɛ, mun na mɔgɔ dɔw b'a fɔ aw cɛma ko suu tena kunun?

Kor fɔlɔ 15:15

Ka fara o kan, ni suuw ka kununbaliya ye tiɲɛ ye, o kɔrɔ ko an be galon tigɛra k'a la Ala kan, bari an b'a fɔra ko Ala ye Krista kunun a sanin kɔ k'a sɔrɔ o ma kɛ.

Kor fɔlɔ 15:20

Nga tiɲɛ na, Krista kununna. K'a yira k'a gwɛya ko mɔgɔ minw sara, olu bena kunun.

Kor fɔlɔ 15:4

U y'a suu don, a tile sabanan loon, a kununna, ka kɛɲɛ ni Ala ka kuma ye.

Kor fɔlɔ 6:14

Ala min ye Matigi kunun k'a bɔ kaburu la, ale fana le bena anw kunun a ka sebagaya barika la.

Kor 2nan 4:14

An lanin b'a la ko ale min ye an Matigi Yezu kunun, ale fana bena an kunun ni Yezu ye, ani k'an bɛɛ jɛn ɲɔgɔn fɛ a ɲakɔrɔ.

Galasikaw 1:1

Ne Pɔli min ye ciden ye, o ma kɛ mɔgɔw sababu la, walima adamaden dɔ barika la, nga o ye Yezu Krista sago ye n'a Faa Ala min y'a kunun a sanin kɔ.

Ɛfɛsikaw 1:20

a ye Krista kunun, ani ka sigiyɔrɔ d'a ma arijana na a kinibolo fɛ.

Kɔlɔsikaw 2:12

Aw batizera tuma min na, o waati la aw suu donna n'a ye, ani ka kunun n'a ye, aw jigi lanin kosɔn setigi Ala kan, ale min y'a kunun.

Tes fɔlɔ 1:10

Aw y'o kɛ ka to ka Ala dencɛ Yezu kɔsegitɔ makɔnɔ, a y'ale min kunun a sanin kɔ. Yezu le b'an kunmabɔ Ala ka dimi nata ma.

Heburuw 13:20

Hɛrɛ tigi Ala min ye bɛɛn cɛnbali sigi n'an Matigi Yezu joli ye, ale min y'a sanin kunun k'a kɛ a ka jama kɔlɔsibaga ye,

Heburuw 2:14

O la, Yezu ye farisogo ta, ka na wolo i n'a fɔ mɔgɔ tɔw bari deen nunu ye adamadenw ye. A y'o kɛ janko a ka saya sababu la, a ka se ka Sutana ka koo nagasi min ye saya bɔyɔrɔ ye,

Piy fɔlɔ 1:21

Ala min ye Krista kunun a sanin kɔ, ka nɔɔrɔ d'a ma, aw lara ale la Krista yɛrɛ sababu la. Aw be la Krista la cogo min na, aw jigi be Ala kan ten.

Yirari 1:18

Ne ɲanaman lo. N tun sara, nga sisan n be nii na. N bena to nii na kudayi! Saya ani lahara konnigɛ be ne bolo.