Kɛwalew 2:20 - ALA KA KUMA

²⁰ Tile bena dibi, kalo bena wulen i ko joli, sanni Matigi ka loon ka se. Lonba lo min ɲɔgɔn te yen.

Jula NT of Côte d’Ivoire

²⁰ Tere bɛna kɛ dibi ye, karo bɛna wulen i ko jori. O bɛɛ le kɔ fɛ Matigi ta lon bɛ se. O bɛna kɛ lonba le ye, lon min nɔɔrɔ ka bon.

LAYIDUKURA

²⁰ Tile tɛna ye, dibi bɛ don, kalo bɛna wulen i n'a fɔ joli. O bɛna kɛ sanni Matigi ka loon ka se. O loon nin ye lonba ye, a nyɔgɔn tɛ yen.

Kɛwalew 2:20 Iomraidhean Croise

Ezayi 13:10

Lolow tena manamana, tile ɲaa bena fin a bɔtɔ yɛrɛ, Kalo yeelen tena bɔ.

Ezayi 13:15

U mana mɔgɔ o mɔgɔ sɔrɔ, o tigi be sɔgɔ ni biɲɛ ye. U mana min minɛ, o tigi be faga ni murujan ye.

Ezayi 13:9

Masaba ka loon setɔ filɛ nin ye, lonjugu, a ka fariya loon, a ka dimi b'a daan na loon min. A bena jamana kɛ yɔrɔlakolon ye k'a kɔnɔ kojugukɛlaw halaki.

Ezayi 24:23

Kalo yeelen bena dɛsɛ! Tile barika bena dɔgɔya. Masaba, Setigi bena sigi masaya la *Siyɔn kulu kan Zeruzalɛmu kɔnɔ. A ka nɔɔrɔ bena manamana cɛkɔrɔbaw ɲakɔrɔ.

Ezayi 34:8

O loon bena kɛ Masaba mɔnɛ bɔlon ye. O bena kɛ ɲagwan saan ye janko a ka *Siyɔn dɛmɛ.

Yeremi 4:23

Ne ye dugukolo filɛ, a labɛnnin tɛ, a lakolon lo. Ne ye sankolo filɛ, yeelen t'a la tugu.

Yowɛli 2:1

Aw ka buru fiyɛ *Siyɔn dugu kɔnɔ, aw ka lasɔmili kɛ ne ka kulu senuman kan. Jamana mɔgɔw bɛɛ ka yɛrɛyɛrɛ bari, Masaba ka loon be nana, a surunyana.

Amɔsi 8:9

Matigi, Masaba ko: «O loon na, n bena suu ko tilegwangwan fɛ. Dibi bena kɛ dugukolo kan k'a sɔrɔ tilefɛ lo.

Matiyu 24:29

«N'o waati tɔɔrɔ tɛmɛna dɔrɔn, tile bena fin, kalo tena yeelen bɔ tugu, lolow bena bɔ sankolo la ka ben, ani sankolo fangatigiw bena yɛrɛyɛrɛ.

Matiyu 27:45

Tilegwangwanfɛ, dibi donna yɔrɔ bɛɛ la, fɔɔ ka taga se tile sumawaati ma.

Marika 13:24

«Nga o waati la n'o tɔɔrɔ tɛmɛna, tile bena fin, kalo tena yeelen bɔ tugu.

Luka 21:25

«Tile, ni kalo, ani lolow bena kɛ cogo dɔ la. Kɔgɔji bena mankanba kɛ, siyaw kɔnɔ bena gwan, u dabari bena ban.

Kɛwalew 2:19

N bena kabakow kɛ sankolo la, ka taamasiɲɛw kɛ dugukolo kan, joli, tasuma ani sisi.

Kɛwalew 2:21

O tuma na, mɔgɔ o mɔgɔ mana Matigi tɔgɔ wele, o tigi bena kisi.›

Kor fɔlɔ 5:5

o mɔgɔ sugu nin ka kan ka bila gɛrɛfɛ Sutana ye, waasa a ka halaki, a nii ka se ka kisi Matigi kɔsegilon na.

Tes fɔlɔ 5:2

Aw yɛrɛ b'a lɔn sɛbɛ la ko Matigi bena na loon min na, o bena bali mɔgɔw la i ko soon be na sufɛ cogo min na.

Piy 2nan 3:10

Matigi nalon bena bari mɔgɔw la i n'a fɔ soon. O loon na, sankolo bena tunu ni mankanba ye. Sankolofɛnw bɛɛ bena halaki ni tasuma ye pewu! Diɲɛ n'a kɔnɔnafɛnw bɛɛ bena ban.

Piy 2nan 3:7

Ayiwa, an be sankolo ni dugukolo minw yera, u maranin be o kuma kelen le barika la ni tasuma ka kan k'o mana loon dɔ. Nga u be yen ka Alaɲasiranbaliw kitilon n'u halakilon le kɔnɔ.

Yirari 16:8

Mɛlɛkɛ naaninan y'a ta yɛlɛma tile kan. Dɔ farala tile fanga kan waasa ka adamadenw jɛni.

Yirari 6:12

Sagaden ye taamasiɲɛ wɔɔrɔnan bɔ tuma min na, dugukolo yɛrɛyɛrɛla kosɔbɛ. Tile finna kirikiri. Kalo wulenna i n'a fɔ joli.