Kɛwalew 2:2 - ALA KA KUMA

² Mankanba dɔ barila ka bɔ sankolo la. Mankan nin tun be i n'a fɔ fɔɲɔba mankan. U tun be boon min kɔnɔ, o bɛɛ fara mankan nin na.

Jula NT of Côte d’Ivoire

² Mankanba dɔ barara ka bɔ sankolo ra; a bɛ i ko fɔɲɔba mankan. Lanabagaw tun siginin bɛ bon min kɔnɔ, a nana o bon kɔnɔ fa.

LAYIDUKURA

² Mankanba dɔ barila ka bɔ sankolo la. Mankan nin tun bɛ i n'a fɔ fɔnyɔba mankan. U tun bɛ boon min kɔnɔ, o bɛɛ fara mankan nin na.

Kɛwalew 2:2 Iomraidhean Croise

Mas fɔlɔ 19:11

Masaba y'a fɔ a ye ko: «Bɔ ka lɔ kulu kan ne ɲakɔrɔ.» O y'a sɔrɔ Masaba tun bena tɛmɛ. Fɔɲɔba dɔ tun be fiyɛra ni fanga ye, ka kuluw yɛrɛkɛ, ka farayɔrɔw ci Masaba ɲafɛ. Nga Masaba tun te fɔɲɔ nin kɔnɔ. Fɔɲɔ tɛmɛnin kɔ, dugukolo yɛrɛyɛrɛla, Masaba fana tun t'o dugukolo yɛrɛyɛrɛ nin yɔrɔ la.

Zaburu 18:10

A ye sankolo dayɛlɛ ka jigi, sankababa tun b'a seen kɔrɔ.

Dɔnkiriw 4:16

Worodugu ɲafan fɔɲɔ, kɔgɔdugu ɲafan fɔɲɔ, aw ka fiyɛ, janko ne ka nankɔ kasa diman be bɔ! Ne kanubaga ka don a ka nankɔ kɔnɔ, yiriden min ka d'a ye, a k'o dumu!

Ezayi 65:24

Sanni u ka ne wele, o y'a sɔrɔ ne y'u jaabi ka ban. Sanni u ka tila u ka daalili la, o y'a sɔrɔ ne y'u lamɛn ka ban.

Malaki 3:1

Ayiwa, Masaba, Setigi ko: «N bena n ka ciden ci, a ka sira labɛn n ɲa. Aw be Matigi min yɔrɔ ɲinina, ale bena bari ka don a batoso kɔnɔ. Ciden min bena jɛnɲɔgɔnya koo fɔ, aw be min fɛ, o natɔ filɛ!»

Luka 2:13

O yɔrɔnin bɛɛ, mɛlɛkɛ caaman bɔra sankolo la ka na fara mɛlɛkɛ dɔ nin kan. U tun be Ala tanu ko:

Yuhana 3:8

Yɔrɔ min ka di fɔɲɔ ye, a be taga o yɔrɔ la. I b'a mankan mɛn, i t'a bɔyɔrɔ n'a taayɔrɔ lɔn. Ala ka baara lo, adamaden te se ka min faamu. Mɔgɔ min wolola Nii Senuman barika la, o fana be ten.»

Kɛwalew 2:3

U ye fɛɛn dɔw ye i n'a fɔ tasuma, a tilantilanna ka jigi u kelen kelen bɛɛ kuun na.

Kɛwalew 2:6

U ye mankan mɛn minkɛ, u girinna ka taga yɔrɔ fa. U kabakoyara kosɔbɛ, bari Yezu ka cidenw tun be kuma minw fɔra, u bɛɛ tun b'o mɛnna u yɛrɛ ka kaan na.

Kɛwalew 4:31

U tun be yɔrɔ min na, daalili bantɔ, o yɔrɔ nin yɛrɛyɛrɛla. U bɛɛ fara Nii Senuman na, ka to ka Ala ka kuma fɔ ni jagwɛlɛya ye.

Piy fɔlɔ 1:12

Ala y'a yira u la k'u ka koo te o ye, nga u tun b'o kuma fɔra ka bila aw le ye. Aw y'o kira nunu ka kumaw mɛn sisan kibaru diman fɔbagaw fɛ, Nii Senuman barika la, min cira ka bɔ sankolo la ka jigi u kan. O diyara mɛlɛkɛw ye fɔɔ u tun b'a fɛ ka koo nin ye.