Kɛwalew 2:17 - ALA KA KUMA

¹⁷ Matigi ko: ‹Ni laban tuma sera, n bena n ka Nii di bɛɛ ma. Aw dencɛw n'aw denmusow bɛɛ bena kiraya kɛ. Aw ka kanbelenninw bena yelifɛnw ye. Aw ka cɛkɔrɔbaw bena sikow kɛ.

Jula NT of Côte d’Ivoire

¹⁷ ‹Ala ko: Dunuɲa labanwagatiw ra, ne bɛna ne Nin* lajigi adamadenw bɛɛ kan. Ne bɛna kuma don aw dencɛw ni aw denmusow da ra, ka mɔgɔw waaju. Ala bɛna ko dɔw yira aw ta kanbelenw ra; aw ta cɛkɔrɔbaw bɛna Ala ta kow ye siko ra.

LAYIDUKURA

¹⁷ ‘Ni laban tuma sera,’ Matigi ko ten, ‘N bɛna n ka Nii Senuman di mɔgɔ bɛɛ ma. Aw deen cɛman ni musomanw bɛɛ bɛna kɛ kiraw ye. Aw ka kanbelenninw bɛna yelifɛnw ye ka se ka n ka tinyɛ lɔn. Aw ka cɛkɔrɔbaw bɛna n ka koow faamu sigow seen fɛ.

Kɛwalew 2:17 Iomraidhean Croise

Damina 49:1

Yakuba ye cii sama a dencɛw ma k'u ka na. U nana tuma min na, a ko u ka lajɛn a kɔrɔ. Koo min bena kɛ u la sini, ale b'o fɔ u ye.

Damina 6:12

Ala y'a ye ko diɲɛ juguyara, bari adamadenw bɛɛ tun ye siraɲuman bila ka to ka juguya le kɛ dugukolo kan.

Zaburu 65:2

Ala, e ka kan ni tanuli ye *Siyɔn dugu kɔnɔ. Mɔgɔw ka kan k'u ka dajuruw sara.

Zaburu 72:6

Masacɛ ka kɛ i ko sanjiba be ben cogo min na dugukolo kan. A ka kɛ i ko sanmusumusu, foro kɔnɔ.

Zanaw 1:23

Aw ye sɔn ne ka ladiliw ma. O la, ne bena n ka hakilitigiya di aw ma, aw bena ne ka kuma faamu.

Ezayi 2:2

Loon dɔ bena se, Masaba ka soo be kulu min kan, o bena jaɲa ni kulu tɔw ye, a bena tɛmɛ kulu tɔw kan. Siyaw bɛɛ bena girin ka taga yen.

Ezayi 40:5

O tuma na, Masaba ka nɔɔrɔ bena yira kɛnɛ kan, mɔgɔ bɛɛ ben'a ye. Bari, Masaba le kumana.»

Ezayi 44:3

Bari ne bena dugukolo janin sɔn jii la, ne bena jisiraw bɔ dugukolo yɔrɔ janinw na. Ne bena n Nii di aw deenw ma, ne bena hɛrɛ kɛ aw kɔmɔgɔw ye.

Ezayi 49:26

N bena i tɔɔrɔbagaw kɛ u b'u yɛrɛ farisogo dumu. U bena u yɛrɛ joli min ka fa i ko duvɛnkɛnɛ. Mɔgɔ bɛɛ ben'a lɔn ko ne Masaba le ye i kisibaga ye, ani i kunmabɔbaga, Yakuba ka Barikatigi.»

Ezayi 66:23

Kalokura o kalokura, lafiɲɛlon o lafiɲɛlon, mɔgɔ bɛɛ bena na biri ne ɲafɛ ka ne bato. Ne Masaba le ko ten.

Ezekiyɛli 11:19

«Tulogwɛlɛya min b'aw la, ne bena o ban ka nikura don aw la, ka hakiliɲuman d'aw ma

Ezekiyɛli 39:29

Ne tena n yɛrɛ dogo u la tugu, bari ne bena n Nii di Isirayɛlidenw ma. Ne Matigi, Masaba le ko ten.»

Daniyɛli 10:14

Ayiwa, e ka siya ka koo bena kɛ cogo min na loon nataw la, ne nana yan waasa k'o yira i la e k'a faamu, bari koo yirata kelen be yen o loonw kama.»

Oze ta kitabu 3:5

O kɔ, Isirayɛlidenw bena segi ka Masaba u ka Ala yɔrɔ yaala, n'u ka masacɛ Dawuda. U yɛrɛyɛrɛtɔ bena kɔsegi Masaba ma, ka hɛrɛ ɲini a fɛ labanlon na.

Mise 4:1

Waati dɔ bena se, Masaba ka soo be kulu min kan, ale bena kɛ kuluw ni tintinw bɛɛ ɲa. O tuma na, siya caaman bena to ka na ale kan.

Jakariya 12:10

Ne bena miiriyaɲuman, ani Aladali hakili don Dawuda ka somɔgɔw ni Zeruzalɛmukaw la. U ye mɔgɔ min sɔgɔ, u bena ale filɛ, ka kasi a ka saya la i n'a fɔ mɔgɔ be kasi a deen kelen saya la cogo min na. U bena kasi kosɔbɛ i n'a fɔ mɔgɔ be kasi a dencɛ fɔlɔ ka saya la cogo min na.

Jakariya 2:13

Ne bena wili u kama tigitigi, waasa u ka jɔɔnw k'u ka nafolo cɛ.» O tuma na, aw ben'a lɔn ko Masaba, Setigi le ye ne ci.

Luka 3:6

Ala be adamadenw kisi cogo min na, bɛɛ bena o ye.› »

Yuhana 17:2

bari i ye kuntigiya di ne ma adamaden bɛɛ kan, ka nii banbali di ne ka mɔgɔw bɛɛ ma i ye minw di ne ma.

Yuhana 7:39

Mɔgɔ minw bena la a la, olu bena Nii Senuman min sɔrɔ, a tun be o le koo fɔra ten. Nii Senuman tun ma di fɔlɔ bari Yezu tun ma boɲa sɔrɔ fɔlɔ.

Kɛwalew 10:45

Zuwifu minw tun lara Yezu la n'u nana Piyɛri bila sira, olu kabakoyara bari u y'a ye ko Ala ye Nii Senuman di siya wɛrɛw fana ma.

Kɛwalew 11:27

O waati la, kira dɔw bɔra Zeruzalɛmu ka taga Antiyɔsi.

Kɛwalew 11:28

U dɔ tɔgɔ tun ko Agabusi, o wilila k'a fɔ Nii Senuman barika la ko kɔngɔ bena don diɲɛ yɔrɔ bɛɛ. Tiɲɛ na, o kɔngɔ nin donna masacɛba Kulodi ka tile la.

Kɛwalew 2:16

Nga kira Zowɛli tun ye kuma min fɔ, o le be kɛra. A tun y'a fɔ ko:

Kɛwalew 2:18

Tiɲɛ na, o waati la n bena n ka Nii di n ka baarakɛlaw ma, cɛɛ fara musow kan. U bena kiraya kɛ.

Kɛwalew 2:33

A y'a wele k'a sigi a yɛrɛ kɔrɔ masaya la. A tun y'a daa di ko a bena Nii Senuman di. A y'o sɔrɔ a Faa fɛ k'o di anw ma. Aw b'o le ka sebagaya kuma mɛnna, ani k'a ka seko ye.

Kɛwalew 21:9

Sunguru mɔgɔ naani tun b'a fɛ. Olu bɛɛ tun ye kiraw ye.

Rɔmukaw 5:5

Jigi do te taga ka mɔgɔ to bololakolon, bari Ala y'an kanu cogo min na, o b'an dusu la Nii Senuman barika la, a y'ale min d'an ma.

Kor fɔlɔ 12:10

A ye kabako kɛ see di dɔ ma, ka dɔ wɛrɛ kɛ kira ye, ani ka see di dɔ ma a ka se ka Nii Senuman ka kɛwali faranfasi ka bɔ jinaw ta la. A ye see di dɔ ma ka kaan wɛrɛw fɔ, ka see di dɔ wɛrɛ ma k'o kɔrɔ fɔ.

Kor fɔlɔ 12:28

Ala ye mɔgɔ minw sigi a ka jama cɛma, o ye nunu ye: a fɔlɔ, cidenw, a filanan, kiraw, a sabanan, karamɔgɔw, o kɔ, kabako kɛli see dira minw ma, ani banabagatɔw kɛnɛyali, ni mɔgɔ dɛmɛli, ni ɲamɔgɔya, ani see dira minw ma ka kaan wɛrɛw fɔ.

Heburuw 1:2

Nga a kumana an fɛ laban waati nin na a Dencɛ barika la, a ye min kɛ fɛɛn bɛɛ kuntigi ye, ani a ye diɲɛ dan min barika la.

Yakuba 5:3

Aw ka sanu n'aw ka wari bɛɛ sɔnnin lo. O soon nin bena aw ka tigɛgwɛlɛya yira, a bena aw halaki i n'a fɔ tasuma. Aw ye nafolo lajɛn aw yɛrɛw ye waati laban nin na.

Piy 2nan 3:3

Aw k'a lɔn ko diɲɛ labanwaati la, dɔw bena wili ka to k'u diyanakow kɛ k'u ɲaa don aw la,