Kɛwalew 19:9 - ALA KA KUMA

⁹ O bɛɛ n'a ta, dɔw tun ye tulogwɛlɛnw ye jama cɛma, olu y'a daminɛ ka to ka Matigi ka sira lɔgɔbɔ mɔgɔ bɛɛ ɲana. O la, Pɔli ye olu ye k'u to yen ka taga n'a ka kalandenw ye danna ka to k'u kalan loon o loon Tiranɔsi ka kalanso kɔnɔ.

Jula NT of Côte d’Ivoire

⁹ Nka o mɔgɔ dɔw ka o kun gbɛlɛya, ka ban Pɔli ta kuma ma, ka to ka Matigi ta sira ko mafiyɛnya jama ɲa kɔrɔ. O ra, Pɔli ka lanabagaw wele ka bɔ o kɔrɔ, ka taga ni o ye Tiranusi ta karanso ra, ka to ka o karan o yɔrɔ ra lon o lon.

LAYIDUKURA

⁹ O bɛɛ n'a ta, dɔw tun ye tulogwɛlɛnw ye jama cɛma, olu y'a daminɛ ka to ka Matigi ka sira lɔgɔbɔ mɔgɔ bɛɛ nyana. O tuma na, Pɔli ye olu ye k'u to yen ka taa n'a ka kalandenw ye danna ka to k'u kalan loon o loon Tiranɔsi ka kalanso kɔnɔ.

Kɛwalew 19:9 Iomraidhean Croise

Mas 2nan 17:14

Nga u ma sɔn ka mɛnni kɛ, u y'u tulo gwɛlɛya i n'a fɔ u faaw, minw tun ma la Masaba u ka Ala la.

Lok 2nan 30:8

«Aw kana aw tulo gwɛlɛya i n'a fɔ aw faaw, aw ka kolo Masaba ye. Aw ka n'a ka sigiyɔrɔ la, a ye min saniya kudayi. Aw ka baara kɛ Masaba aw ka Ala ye, janko a dimikojugu kana kɛ sababujugu ye aw ma.

Lok 2nan 36:16

Nga u ye Masa Ala ka ciden nunu lɔgɔbɔ, k'a ka kuma mafiɲɛya, ani ka yɛlɛ a ka kiraw ma, fɔɔ a dimin'a ka jama kɔrɔ, cogo ma sɔrɔ k'o dimi ban.

Nehemi 9:29

I y'a ɲini u fɛ sɔbɛ la k'u ka kɔsegi ka na i ka sariya bato, nga u tora u ka yɛrɛboɲa na, u ma sɔn ka mɛnni kɛ i fɛ. U tora k'i ka sariyaw cɛn minw sababu la mɔgɔ be se ka to nii na. U kɛra mɔgɔmurutininw ye ani tulogwɛlɛnw ye, u ma sɔn ka mɛnni kɛ fewu.

Zaburu 95:8

aw kana aw dusu gwɛlɛya i ko a kɛra Meriba cogo min na, i ko min kɛra Masa, kongokolon kɔnɔ.

Zanaw 8:34

Mɔgɔ min be mɛnni kɛ ne fɛ, min be to ne ka daa la loon o loon, o tigi dagamunin lo.

Ezayi 8:14

Masaba Setigi ye tangayɔrɔ ye, nga a ye talonkabakuru ye fana. A bena kɛ Isirayɛli ni Zuda mara talonfarakulu ye. A bena kɛ jɔɔ ni jaan ye Zeruzalɛmukaw fɛ.

Yeremi 19:15

«Masaba, Setigi, Isirayɛli ka Ala ko: ‹Ne tun ye bɔnɛ min koo fɔ dugu nin kosɔn, ne bena o bɛɛ lase ale n'a gɛrɛfɛduguw bɛɛ ma sisan. Bari u y'u tulo gwɛlɛya, u ma sɔn ka mɛnni kɛ ne fɛ.› »

Yeremi 7:26

Nga u ma mɛnni kɛ ne fɛ, u m'u tulo malɔ. U y'u tulo gwɛlɛya, ka kojugu kɛ ka tɛmɛ u faaw kan.

Matiyu 15:14

Aw y'u ye k'u to yen, fiɲɛntɔw lo. Ni fiɲɛntɔ ye a tɔɲɔgɔn ka bere minɛ, u fila bɛɛ bena kori ka ben dingɛ kɔnɔ.»

Matiyu 16:4

Bii mɔgɔw ka jugu, u murutira Ala ma, u b'a fɛ ko ne ka kabako dɔ kɛ u ɲana, nga kabako si tena kɛ k'a yira u la ni kira Zonasi ta ɲɔgɔn tɛ.» O kɔ, a y'u lɔnin to yen ka tɛmɛ n'a ka sira ye.

Matiyu 26:55

O kɔ, Yezu y'a fɔ jama ye ko: «Aw nana ni murujanjan ni berew ye ka ne minɛ, i n'a fɔ ne ye benkannikɛla ye. Ne tun be to ka sigi Alabatosoba kɔnɔ loon bɛɛ ka mɔgɔw kalan, aw ma ne minɛ

Yuhana 12:40

«Ala y'u kɛ fiɲɛntɔw ye janko u kana yeli kɛ. A y'u kɛ hakilitanw ye janko u kana faamuli kɛ. O la, Ala ko: ‹U te nimisa ka faran u ka kojuguw la, ne k'u kɛnɛya.› »

Kɛwalew 11:26

A y'a ye, u nana ɲɔgɔn fɛ Antiyɔsi. U ye saan kelen kɛ ɲɔgɔn fɛ o yɔrɔ la ni Krista ka jama ye. U ye mɔgɔ caaman kalan ni Ala ka kuma ye. Ka Yezu ka kalandenw wele kretinyɛw, o daminɛna Antiyɔsi le.

Kɛwalew 14:4

Dugu mɔgɔw tilanna, dɔw tugura zuwifuw kɔ, dɔw tugura cidenw kɔ.

Kɛwalew 17:4

Zuwifuw mɔgɔ damani, ani girɛki minw be siran Ala ɲa, olu caaman, ni faamamuso dɔw lara kuma nunu na. Olu nɔrɔla Pɔli ni Silasi la.

Kɛwalew 19:23

O waati yɛrɛ la, mankanba wilila Matigi ka sira koo la.

Kɛwalew 19:30

O la, Pɔli tun b'a fɛ ka taga yɛrɛ di, nga kalandenw y'a bali.

Kɛwalew 20:31

Aw k'aw hakili to a la ko ne tun be aw kelen kelen bɛɛ ladi ni ɲaji ye loon o loon saan saba kɔnɔ. O la, aw y'aw yɛrɛ kɔlɔsi.

Kɛwalew 22:4

Ne tun be sirakura nin taamabagaw tɔɔrɔ, ka dɔw faga, cɛɛ fara musow kan, ne tun b'u minɛ ka jɔrɔkɔ kɛ u la, k'u don kaso la.

Kɛwalew 24:21

N tun pɛrɛnna siɲɛ kelen u cɛma, k'a fɔ ko: ‹Suuw kununko kama lo aw be ne kitira bii kɛ.› K'o niin bɔ a la, n ye mun kɛ?»

Kɛwalew 28:22

Anw b'a ɲini e fɛ, e k'a bɛɛ ɲafɔ an ye. An kɔni b'a lɔn ko yɔrɔ bɛɛ mɔgɔw te sɔn e ka diina nin ma.»

Kɛwalew 7:51

«Tulogwɛlɛnw! Alalɔnbaliw! Aw t'aw tulo yɛlɛ ka mɛnni kɛ Ala fɛ dɛ! Halibi aw be ban Nii Senuman ma. Aw faaw tun be cogo min na, aw fana be ten.

Kɛwalew 9:2

seereyasɛbɛ minɛ sarakalasebagaw kuntigiba fɛ loon dɔ, janko a ka taga bɔ zuwifuw ka kalansow kɔnɔ Damasi, waasa n'a tagara Matigi ka sira taamabaga minw sɔrɔ yen, cɛɛ fara musow kan, a k'u minɛ k'u siri ka na n'u ye Zeruzalɛmu.

Rɔmukaw 11:7

An bena mun le fɔ? Isirayɛlidenw tun be fɛɛn min ɲinina, u m'a sɔrɔ, nga minw wolomana, olu y'a sɔrɔ, tɔɔ nunu dusu gwɛlɛyara

Rɔmukaw 9:18

O le kosɔn, ni Ala b'a fɛ ka makari mɔgɔ min na, a be makari o tigi la, n'a b'a fɛ ka mɔgɔ min dusu gwɛlɛya, a b'o tigi ta gwɛlɛya fana.

Kor fɔlɔ 16:9

bari n y'a ye ko n be se ka baara caaman kɛ, n juguw fana ka ca.

Tim fɔlɔ 6:5

A fana be na ni sɔsɔli caaman ye hakilitanw cɛma. O mɔgɔ nunu te tiɲɛ lɔn tugu. U be miiri ko u bena nafolo sɔrɔ Alasira taama barika la, ka kɛ fɛntigiw ye.

Tim 2nan 1:15

E y'a lɔn ko Krista kɔmɔgɔ minw be Azi mara la, olu bɛɛ banna ne la. Fizɛli ani Ɛmozɛni niin b'o la.

Tim 2nan 3:5

U bena u yɛrɛ kɛ Ala ɲasiranbagaw ye, nga o te sɔn tiɲɛ ma min ye see sɔrɔyɔrɔ ye. E k'i yɛrɛ kɔlɔsi o mɔgɔ sugu nunu na.

Tim 2nan 4:2

i ka Ala ka kuma fɔ tuma bɛɛ, waati nɔgɔman ni waatigwɛlɛn na. Mɔgɔ minw filila, i k'olu jalaki k'u ka filiyɔrɔ yira u la, k'u ladi ni muɲuli ye u kalanwaati la.

Heburuw 3:13

Nga aw ka ɲɔgɔn ladi loon o loon hali n'o ka kan ka kɛ waatijan koo ye, min be fɔ ko bii, janko hakɛ kana mɔgɔ si bila tulogwɛlɛya la.

Piy 2nan 2:12

O mɔgɔ nunu ka kɛwaliw ni begɛnw ta kɛra kelen ye. U laban ni begɛnw ta bena kɛ kelen ye. U bena halaki. U te fɛɛn min lɔn, u be kumajugu fɔ o le koo la.

Piy 2nan 2:2

Mɔgɔ caaman bena sɔn u ka kakalaya ma, o bena kɛ sababu ye mɔgɔw bena tiɲɛsira tɔgɔ cɛn.

Zude 1:10

O mɔgɔ nunu te fɛɛn minw lɔn, u be olu le lɔgɔbɔ. Lɔnniya min b'u fɛ, o ye adamaden ta ye, o ni kongosogo bɛɛ ta ka kan, o le b'u bila halakili la.