Kɛwalew 19:26 - ALA KA KUMA

²⁶ Nga Pɔli tɔgɔla nin be min fɔra, ani a be min kɛra, aw b'o mɛnna, aw b'o yera fana. A ko adamadenw be fɛɛn minw lalaga n'u bolo ye, k'olu te batofɛn ɲanamanw ye. A jijara fɔɔ ka mɔgɔ caaman kuun yɛlɛma n'o ye. Efɛzi kɔnɔ yan dɔrɔn tɛ! Nga a be ɲini ka Azi mara bɛɛ sɔrɔ!

Jula NT of Côte d’Ivoire

²⁶ Nka nin Pɔli bɛ min kɛra, aw yɛrɛ bɛ o yera, aw fana b’a mɛnna; Ɛfɛsi dugu dɔrɔn tɛ, nka a bɛ ɲini ka kɛ Azi mara bɛɛ ta ko le ye. A ka mɔgɔ caman le hakiri yɛlɛma, ka o kunnacɛn, k’a fɔ o ye ko mɔgɔ boro bɛ batofɛn minw lalaga, ko o tɛ batofɛn ye.

LAYIDUKURA

²⁶ Nga Pɔli tɔgɔla nin bɛ min fɔra, ani a bɛ min kɛra, aw b'o mɛnna, aw b'o yera fana. A ko adamadenw bɛ fɛɛn minw lalaga n'u bolo ye, k'olu tɛ batofɛn nyanamanw ye. A jijara fɔɔ ka mɔgɔ caaman kuun yɛlɛma n'o ye. O ma kɛ i n'a fɔ Efɛzi kɔnɔ yan dɔrɔn lo! Nga a bɛ nyini ka Azi mara bɛɛ sɔrɔ!

Kɛwalew 19:26 Iomraidhean Croise

Yeremi 10:11

«Aw ben'a fɔ u ye ko: Batofɛn minw ma sankolo ni dugukolo dan, olu bɛɛ bena tunu ka bɔ diɲɛ na.»

Oze ta kitabu 8:6

Misiden jaa nin bɔra Isirayɛlidenw fɛ, mɔgɔ dɔ ka baara lo, Ala tɛ. Tiɲɛ na, Samari joo nin bɛɛ bena mugumugu.

Kɛwalew 14:15

«Aw be mun le kɛra yan ten? Anw t'aw ɲɔgɔn mɔgɔw ye wa? Anw nana kibaru diman fɔ aw ye, janko aw ka faran kofufafu nunu na, k'aw ɲaa sin Nitigi Ala ma, min ye sankolo, ni dugukolo, ani kɔgɔji n'u kɔnɔnafɛnw bɛɛ dan.

Kɛwalew 17:29

Ayiwa, an kɛra Ala deenw ye minkɛ, an man kan k'a miiri ko Ala bɔnin be joo sanulaman fɛ, walima warigwɛlaman, walima kabakuruɲuman lɛsɛnin fɛ! O fɛɛn nunu bɛɛ ye an adamadenw ka miiriya, n'an bulonɔ ye!

Kɛwalew 18:19

U sera Efɛzi tuma min na, a y'a taamaɲɔgɔnw to yen ka ta'a kelen kalanso kɔnɔ ka baro kɛ ni zuwifuw ye.

Kɛwalew 19:1

Ka Apolɔsi to Korɛnti, Pɔli ye Azi jamana kuluyɔrɔ cɛtigɛ ka taga se Efɛzi. A ye kalanden dɔw sɔrɔ yen.

Kɛwalew 19:10

A y'a kɛ ten saan fila fɔɔ Azi jamana mɔgɔw bɛɛ, zuwifu fara girɛkiw kan, u bɛɛ ye Matigi ka kibaru diman mɛn.

Kɛwalew 19:25

A ye baaraden nunu lajɛn, ani minw bɛɛ tun b'o baara nin ɲɔgɔn kɛ dugu kɔnɔ, k'a fɔ u ye ko: «N badenw, aw yɛrɛ b'a lɔn ko an ka hɛrɛ be bɔ baara nin le la.

Kor fɔlɔ 12:2

Aw y'a lɔn ko aw tun te Ala lɔn tuma min na, aw tun be tugura joow kɔ dɔrɔn minw te se ka kuma yɛrɛ.

Kor fɔlɔ 8:4

Min ye josɔnsogo ɲimiko ye, an y'a lɔn ko joo te foyi ye diɲɛ na, an y'a lɔn fana ko Ala ye kelen ye.

Galasikaw 4:8

Fɔlɔfɔlɔ, aw tun te Ala lɔn tuma min na, aw tun be fɛɛn wɛrɛw bato minw te Ala ye ka kɛ u ka jɔɔnw ye.

Sariya 4:28

O yɔrɔ la, aw bena joow sɔn, mɔgɔ bolo ye minw dilan, yirilamanw, walima kabakurulamanw, minw te yeli kɛ, u te mɛnni kɛ, u te dumuni kɛ, u te kasa mɛn.

Tes fɔlɔ 1:9

Bari an tun sera aw fɛ tuma min na, aw y'an ladon cogo min na, ani ka josɔn dabila cogo min na ka Nitigi Ala kelen bato, mɔgɔ bɛɛ b'o fɔra.

Yirari 9:20

Mɔgɔ minw tora n'u ma sɔrɔ ka sa balawu nin na, sanni u ka nimisa k'u ka kɛwalijuguw dabila, u tora ka jinaw bato, ka joow sɔn. O joow tun ye sanu ye, dɔw warigwɛ, dɔw zira, dɔw kabakuru, dɔw lɔgɔkuru, k'a sɔrɔ o batofɛn nunu te yeli kɛ, u te mɛnni kɛ, u te se ka taama.