Kɛwalew 18:28 - ALA KA KUMA

²⁸ A bolo lanin tun be Ala ka kuma kan kosɔbɛ. O sababu fɛ, a tun be zuwifuw ka kuma kɔɔ kari jama ɲana ko Yezu le ye Ala ka Mɔgɔ wolomanin ye.

Jula NT of Côte d’Ivoire

²⁸ sabu a tun bɛ Yahudiyaw ta firiyɔrɔw yira o ra mɔgɔw bɛɛ ɲa na; a tun b’a yira o ra k’a gbɛya, ko ka kaɲa ni kitabuw ta kuma ye, Ala ka Yesu le ɲanawoloma ka a kɛ Kisibaga* ye.

LAYIDUKURA

²⁸ A bolo lanin tun bɛ Ala ka kuma kan kosɛbɛ. O sababu fɛ, a tun bɛ Zuwifuw ka kuma kɔɔ kari jama nyana ko Yezu le ye Ala ka Mɔgɔwolomanin ye, ko Zuwifuw filinin lo.

Kɛwalew 18:28 Iomraidhean Croise

Luka 1:80

Ayiwa, Zan tun be kɔgɔra, n'a hakili be boɲa ka taga. A tora kongokolon kɔnɔ fɔɔ ka taga se a yɛrɛ yiralon ma Isirayɛlidenw la.

Luka 24:27

O kɔ, Ala ka kuma ye min fɔ a ka koo la, a ye olu bɛɛ fɔ k'a gwɛya u ye, k'a ta Musa ye kuma min sɛbɛn fɔɔ ka n'a bila kiraw bɛɛ ka sɛbɛnninw ma.

Luka 24:44

O kɔ, a y'a fɔ u ye ko: «Tuma min na ne tun ma sa ban, koo minw fɔra Musa ka sariya, ni kiraw ka kitabuw, ani Dɔnkiliw Ala ye kitabu la ne ka koo la, ne tun y'a fɔ aw ye ko wajibi lo o bɛɛ ka kɛ.»

Yuhana 5:39

Aw be Ala ka kuma kalan kosɔbɛ bari aw be miiri ko aw bena nii banbali sɔrɔ o kalan fɛ. K'a sɔrɔ o kuma nunu be ne le koo fɔ.

Kɛwalew 17:3

A y'o kɔrɔ fɔ u ye, k'a gwɛ ko Ala tun ka kan k'a ka Mɔgɔ wolomanin min ci ka na, k'o ye Yezu le ye. Ko ale Pɔli be min ka koo fɔra u ye, ko ale lo. Ko wajibi tun lo, a tun ka tɔɔrɔ, ka sa, ka kunun.

Kɛwalew 18:25

A kalannin tun lo Matigi ka sira koo la dɔɔni fana. A tun be mɔgɔw kalan Yezu ka koo la ni timinadiya ye, k'a sɔrɔ a tun be Zan ka batizeli dɔrɔn le lɔn.

Kɛwalew 18:5

Silasi ni Timote nana yen ka bɔ Maseduwani tuma min na, Pɔli y'a ka baara bɛɛ kɛ Yezu koo fɔli dama ye, k'a yira zuwifuw la ko Yezu le ye Ala ka Mɔgɔ wolomanin ye.

Kɛwalew 8:35

O la, Filipu y'a bolo tintin o yɔrɔ nin kan, ka Yezu ka kibaru diman fɔ cɛɛ ye.

Kɛwalew 9:22

O n'a ta bɛɛ, Sɔli kɔni tun be barika sɔrɔla ka taga ɲa. A tun be waajuli kɛ ko Yezu ye Ala ka Mɔgɔ wolomanin ye fɔɔ ka Damasi zuwifuw dabari ban, u m'a lɔn u bena min fɔ a ye.