Kɛwalew 18:25 - ALA KA KUMA

²⁵ A kalannin tun lo Matigi ka sira koo la dɔɔni fana. A tun be mɔgɔw kalan Yezu ka koo la ni timinadiya ye, k'a sɔrɔ a tun be Zan ka batizeli dɔrɔn le lɔn.

Jula NT of Côte d’Ivoire

²⁵ A tun karanna Matigi Yesu ta sira ko ra. A tun bɛ jija ka Yesu ko fɔ mɔgɔw ye ka o karan ka ɲa ni a jusukun bɛɛ ye, nka a ta lɔnniya tun danna Yuhana Batizerikɛbaga ta karan dɔrɔn le ma.

LAYIDUKURA

²⁵ A kalannin tun lo Matigi ka sira koo la dɔɔni fana. A tun bɛ mɔgɔw kalan Yezu koo la ni timinadiya ye, k'a sɔrɔ a tun bɛ Zan ka batizeli koo dɔrɔn le lɔn.

Kɛwalew 18:25 Iomraidhean Croise

Damina 18:19

Ne y'a woloma janko a k'a deenw ladi ani olu kɔmɔgɔw, ko u ka ne, Masaba ka sira taama ni tilenninya ani tiɲɛ ye janko ne ye layidu min ta a ye, ne ka o dafa.»

Zaburu 119:1

Mɔgɔ minw taamacogo ka ɲi, n'u be Masaba ka sariya bato, olu dagamunin lo.

Zaburu 67:2

Ala, i ka ɲumanya yira an na k'an ta ɲa. To an cɛma,

Ezayi 40:3

Pɛrɛnkan dɔ be bɔra ko: «Aw ka sira dilan Masaba ye kongokolon kɔnɔ, aw ka tɛmɛyɔrɔ labɛn anw ka Ala ye kongo janin kɔnɔ.

Yeremi 6:16

Masaba ko: «Aw ye lɔ siraw kan ka filɛli kɛ. Aw ka ɲiningali kɛ sirakɔrɔw koo la. Aw ye siraɲuman ɲini k'ale taama, aw bena lafiya sɔrɔ. Nga u y'a fɔ ko: ‹An tena ale ta.›

Oze ta kitabu 14:9

Efarayimu kɔmɔgɔw, ne bena mun kɛ ni joow ye tugu? Ne le b'aw jaabi, ne le b'aw kɔlɔsi. Ne be i ko sipɛrɛyiri, min nɛrɛnin lo tuma bɛɛ. Aw ka nafa be bɔ ne le fɛ.»

Marika 1:3

Mɔgɔ dɔ be pɛrɛnna kongokolon kɔnɔ ko: ‹Aw ka Matigi ka sira dilan, aw k'a ka tɛmɛyɔrɔw tilen.› »

Marika 12:14

U tagar'a fɔ a ye ko: «Karamɔgɔ, an y'a lɔn ko i be tiɲɛ fɔ. I fana te siran mɔgɔ si ɲa ka sɔn o tigi ta ma, bari i te mɔgɔ bɔ mɔgɔ la. I be mɔgɔw kalan Alasira la ni kuma minw ye, o bɛɛ ye tiɲɛ ye. An b'i ɲininga ni a daganin be ka nisɔngɔ sara Ɔrɔmu masacɛ ye, walima a daganin tɛ? An ka kan k'a sara, walima an man kan k'a sara?»

Luka 1:4

waasa i k'a lɔn ko u y'i kalan koo minw na, ko tiɲɛ yɛrɛyɛrɛ lo.

Luka 7:29

«Mɔgɔ minw ye Zan lamɛn, hali lɛnpominɛlaw, u bɛɛ y'a lɔn ko Ala tilennin lo. O le y'a to u sɔnna Zan y'u batize.

Kɛwalew 13:10

k'a fɔ a ye ko: «E ye mɔgɔjugu ni galontigɛla ye, Sutanamɔgɔ, koɲuman y'i tana ye. E b'a fɛ tuma o tuma ka Matigi ka kokɛtaw nagasi.

Kɛwalew 16:17

A tugura an ni Pɔli kɔ ka to ka pɛrɛn ko: «Mɔgɔ nunu ye Fɛɛn bɛɛ kuntigi Ala ka baarakɛlaw ye, u be kisili sira le yirala aw la.»

Kɛwalew 18:26

A hakili sigininba ye kuma daminɛ kalanso kɔnɔ. Akilasi ni Pirisili y'a lamɛn ka ban tuma min na, u y'a wele danna. A tun te min lɔn Ala ka sira koo la, u y'o fɔ a ye k'a gwɛ.

Kɛwalew 19:23

O waati yɛrɛ la, mankanba wilila Matigi ka sira koo la.

Kɛwalew 19:3

Pɔli y'u ɲininga tugu ko: «O tuma na, aw batizera cogo di?» U ko: «Zan tun be mɔgɔw batize cogo min na, an ta fana kɛra ten.»

Kɛwalew 19:9

O bɛɛ n'a ta, dɔw tun ye tulogwɛlɛnw ye jama cɛma, olu y'a daminɛ ka to ka Matigi ka sira lɔgɔbɔ mɔgɔ bɛɛ ɲana. O la, Pɔli ye olu ye k'u to yen ka taga n'a ka kalandenw ye danna ka to k'u kalan loon o loon Tiranɔsi ka kalanso kɔnɔ.

Kɛwalew 9:2

seereyasɛbɛ minɛ sarakalasebagaw kuntigiba fɛ loon dɔ, janko a ka taga bɔ zuwifuw ka kalansow kɔnɔ Damasi, waasa n'a tagara Matigi ka sira taamabaga minw sɔrɔ yen, cɛɛ fara musow kan, a k'u minɛ k'u siri ka na n'u ye Zeruzalɛmu.

Rɔmukaw 12:11

Aw ye jija, aw kana kɛ salabagatɔw ye, aw ka banba ka baara kɛ Matigi ye.

Tim 2nan 2:4

Ni mɔgɔ min donna sɔlidasiya la, n'a b'a fɛ k'a kuntigi sago kɛ, a be jija o baara la, a t'a niin don baara wɛrɛ la.

Yakuba 5:16

O la sa, aw ye hakɛ minw kɛ, aw ka olu fɔ ɲɔgɔn ye ka Ala daali ɲɔgɔn ye waasa aw be kɛnɛya. Barika be mɔgɔtilennin ka daalili la kosɔbɛ.

Kititigɛbagaw 2:22

Ne bena o siya nunu kɛ ka Isirayɛlidenw kɔrɔbɔ k'a filɛ yala u bena sɔn, walima u tena sɔn ka ne ka sira taama i n'a fɔ u faaw tun y'a kɛ cogo min na.»

Sam fɔlɔ 12:23

Masaba ka ne fana kisi ne kan'a hakɛ ta ka daaliliko dabila aw ye! Ne bena to k'aw kalan ka siraɲuman ni siratilennin don aw seen kɔrɔ.