Kɛwalew 18:15 - ALA KA KUMA

¹⁵ Nga nin ye zuwifuw dama ka koo ye, bari aw be ɲɔgɔn sɔsɔra kalanko ni tɔgɔ koow ani sariya koow le la. Aw y'o ɲanabɔ aw ni ɲɔgɔn cɛ. Ne te se ka o koo nunu ɲɔgɔn kiti tigɛ.»

Jula NT of Côte d’Ivoire

¹⁵ Nka i n’a fɔ aw bɛ ɲɔgɔn sɔsɔra kumaw le kosɔn, ani mɔgɔtɔgɔw, ani aw ta sariyaw ta kow, o tuma aw yɛrɛ le ka kan ka o ko ɲanabɔ. Ne tɛ sɔn ka nin ko ɲɔgɔn kiti tigɛ.»

LAYIDUKURA

¹⁵ Nga nin ye Zuwifuw dama ka koo ye, bari aw bɛ nyɔgɔn sɔsɔra kalanko ni tɔgɔ koow ani sariya koow le la. Aw y'o nyanabɔ aw ni nyɔgɔn cɛ. Ne tɛ se ka o koo nunu nyɔgɔn kiti tigɛ.”

Kɛwalew 18:15 Iomraidhean Croise

Matiyu 27:24

Pilati y'a ye ko jama be murutira ka taga minkɛ, ko ale tena se ka foyi kɛ, a ye jii ɲini k'a tigɛ ko u bɛɛ ɲana, k'a fɔ u ye ko: «Ne seen te mɔgɔtilennin nin ka fagako la, o y'aw yɛrɛ ka koo ye.»

Matiyu 27:4

k'a fɔ u ye ko: «Ne ye hakɛ kɛ ka mɔgɔ jalakibali don aw bolo n'a bena faga.» Olu y'a jaabi ko: «O te an ka sira la, o y'i ka koo ye.»

Yuhana 18:31

O la, Pilati y'a fɔ u ye ko u k'a minɛ ka taga n'a ye k'a kiti u yɛrɛ ma ka kɛɲɛ ni zuwifuw ka sariya ye. U ye Pilati jaabi ko sira ma di u ma ka mɔgɔ faga.

Kɛwalew 18:13

k'a fɔ ko: «Cɛɛ nin b'a fɛ ka mɔgɔw bila Ala batocogokura la min ni sariya te bɛn.»

Kɛwalew 23:29

Ayiwa, n y'a faamu o seen fɛ, ko a minɛkun ye olu yɛrɛ ka landakow ye, o do t'a fagakun bɔ, a te se ka kɛ kasoden ye fana.

Kɛwalew 25:11

N'o y'a sɔrɔ ne ye koo dɔ kɛ min be ne fagakun bɔ, ne ma ban o saya ma. Nga nunu be minw fɔra ka la n kan, ni tiɲɛ t'a si la, mɔgɔ si te se ka n saraka u ma. Ne b'a fɛ Ɔrɔmu masacɛ yɛrɛ le ka ne kiti sisan.»

Kɛwalew 25:19

A jalakikun tun y'u yɛrɛ ka Alasirako le ye. Ko Yezu tɔgɔla dɔ koo lo. U ko a sara, nga Pɔli ko a be nii na.

Kɛwalew 26:3

N dagamuna bari e b'an zuwifuw ka landaw bɛɛ lɔn, sɔsɔli minw b'an cɛ Alasira koo la, i b'o bɛɛ lɔn. O la, ne b'i daali e ka muɲu ka ne lamɛn.

Tim fɔlɔ 1:4

U be fɔlɔfɔlɔko minw fɔ u kunfɛ ani mɔgɔw buruju fɔko, i k'a fɔ u ye k'u k'o dabila, o be sɔsɔli le caya. Ala sago te se ka kɛ ten, a be se ka kɛ lanaya le barika la.

Tim fɔlɔ 6:4

o tigi ye yɛrɛboɲala dama ye. A te foyi lɔn. Sɔsɔli ka d'a ye kosɔbɛ ani a be kuma samasama, min be na ni ɲagoya ni kɛlɛ ye, ani tɔgɔ cɛnni, ni ŋaniyajugu.

Tim 2nan 2:23

I ka ban sɔsɔli gwansanw ma, i b'a lɔn k'olu be kɛlɛw wili dɔrɔn.

Tite 3:9

Nga e k'i yɛrɛ kɔlɔsi kumakolon, ni mɔgɔ buruju fɔko, ani sɔsɔli ni sariya koo mankan ma. U te foyi ɲa, o ye gwansan ye.