Kɛwalew 17:5 - ALA KA KUMA

⁵ Nga, o ma diya zuwifu tɔw ye. Olu wilila ka bɛn ni mɔgɔkolon dɔw ye waasa ka dugu ɲagami. U wilila ka mankan daminɛ ka dugu bɛɛ ɲagami, ka taga Zasɔn ka soo k'u be Pɔli ni Silasi minɛ ka taga n'u ye kiti tigɛyɔrɔ la.

Jula NT of Côte d’Ivoire

⁵ Nka ɲangboya ka Yahudiyaw sɔrɔ; o ka dugu mɔgɔkunntan dɔw nɛgɛ ka olugu lajɛn, ka o kɔnɔnɔsu, ka mankan wuri ka dugu bɛɛ ɲagami. O ka ɲɔgɔn cɛ ka taga Jasɔn ta so kɔnɔ, ko o bɛ taga Pɔli ni Silasi mina ka na ni o ye jama ɲa kɔrɔ.

LAYIDUKURA

⁵ Nga, o ma diya Zuwifu tɔw ye. Olu wilila ka bɛn ni mɔgɔkolon dɔw ye o yɔrɔ la, waasa ka dugu nyagami. U wilila ka mankan daminɛ ka dugu bɛɛ wurubata, ka taa Zazɔn ka soo k'u bɛ Pɔli ni Silasi minɛ ka taa n'u ye kiti tigɛyɔrɔ la.

Kɛwalew 17:5 Iomraidhean Croise

Zaburu 35:15

Ni ne dɛsɛra, u be ɲɔgɔn lajɛn ka nisɔndiya. N te mɔgɔ minw lɔn, olu le be woo cira ne la tuma bɛɛ.

Zaburu 69:12

Ni ne ye dusukasifani don, u be yɛlɛ ne ma.

Zanaw 14:30

Hakilisigi be mɔgɔ kɛnɛya. Nga keliya ye jolijugu ye.

Ezayi 26:11

Masaba, e labɛnnin be k'u ɲaa gwan, nga u t'o lɔnna. E jijanin be i ka mɔgɔw ka koo la cogo min na, u ben'o ye, maloya b'u minɛ. Tasuma min ka kan k'i juguw jɛni, o le bena u jɛni.

Matiyu 27:18

Bari a tun y'a lɔn ko ɲagoya le y'a to u y'a minɛ ka na n'a ye ale fɛ.

Kɛwalew 13:45

Zuwifuw y'o ye dɔrɔn, keliya y'u minɛ. U y'a daminɛ ka Pɔli sɔsɔ, ka to k'a nɛni.

Kɛwalew 14:19

Zuwifu dɔw nana ka bɔ Antiyɔsi, ani Ikoniyɔmu o tuma na, olu ye jama hakili yɛlɛma fɔɔ u ye Pɔli bon ni kabakuruw ye, o kɔ, u y'a kooro ka taga fili dugu kɔfɛ, u tun b'a miiri ko a sara.

Kɛwalew 14:2

Nga zuwifu minw tun ma la a la, olu ye siya wɛrɛw kɔnɔnasu k'u bila balimaw la.

Kɛwalew 17:13

Nga Tesaloniki zuwifuw y'a mɛn ko Pɔli tagara Ala ka kuma fɔ Berekaw ye dɔrɔn, u wilila ka taga yen. U ye jama kɔnɔnasu, janko mankan ka wili.

Kɛwalew 17:6

U ma Pɔli ni Silasi sɔrɔ yen minkɛ, u ye Zasɔn ni balima dɔw minɛ ka taga n'u ye u ka ɲamɔgɔw fɛ, k'a fɔ ko: «Mɔgɔ minw ye diɲɛ bɛɛ ɲagami, u sera an fɛ yan.

Kɛwalew 17:7

Zasɔn le y'u ka jatigi ye. O mɔgɔ nunu si te an ka Ɔrɔmu masacɛba ka sariyaw fɛ. U ko masacɛba wɛrɛ be yen, k'o tɔgɔ ko Yezu.»

Kɛwalew 17:9

U ye wariba la Zasɔn n'a tɔɲɔgɔnw kunna. U y'o di, u sɔrɔla k'u bila.

Kɛwalew 18:12

Galiyɔn tun ye Akayi mara masacɛlankan ye tuma min na, zuwifuw wilila Pɔli kama. U y'a minɛ ka taga n'a ye kititigɛlaw fɛ

Kɛwalew 19:40

N'an m'an yɛrɛ minɛ, u bena an jalaki bii koo nin kama, bari, kuun te an ka ɲɔgɔnlajɛn nin na, n'a ɲaa be se ka fɔ mɔgɔ ye.»

Kɛwalew 7:9

«Nga, an bɛma nunu y'u dɔgɔcɛ Yusufu kɔniya, k'a feere Ezipiti taabaga dɔw ma. Nga, Ala tun b'a fɛ.

Rɔmukaw 16:21

Ne ka baarakɛɲɔgɔn Timote b'aw fora, ani Lusiyusi, ni Zasɔn, ani Sosipatɔrɔsi, olu minw ye ne ka mɔgɔw ye.

Kor fɔlɔ 3:3

Ni keliya ni kɛlɛ b'aw cɛma, aw k'a lɔn ko halibi adamadenya b'aw la, aw ni mɔgɔ tɔw bɛɛ ye kelen ye.

Kor 2nan 11:26

Ne ye n ka taama caaman kɛ seen na. Ka ne to taama na, waati caaman na gwɛlɛya sera ne ma, baji tun be ɲini ka n ta, benkannikɛlaw fana fɛ, gwɛlɛya sera ne ma, ne ka siya yɛrɛ ye gwɛlɛya lase ne ma, ani siya wɛrɛw fana, ne ye gwɛlɛya sɔrɔ dugubabaw kɔnɔ, ani kongo kɔnɔ fana, gwɛlɛya fana sera ne ma kɔgɔji kan, ani ne balimajuguw y'a kɛ gwɛlɛya sera ne ma fana.

Galasikaw 5:21

wasabaliya, dɔrɔtɔya, ni nugubatɔya, ani o ɲɔgɔnna koow. Ne be kɔn k'o fɔ aw ye, i n'a fɔ n delila k'a fɔ aw ye cogo min na ko mɔgɔ minw b'o koow kɛ, k'olu tena Ala ka masaya sɔrɔ fewu.

Galasikaw 5:26

An kana kɛ tɔgɔɲinilaw ye gwansan, ka to k'an tɔɲɔgɔnw darabɔ. An ɲaa kana bɔ an tɔɲɔgɔnw ka fɛɛnw na.

Tes fɔlɔ 1:6

Aw kɔni, aw ye an cogo dege ni Matigi ta fana, aw sɔnna Ala ka kuma ma ni nisɔndiya ye min ye Nii Senuman ta ye, k'aw to tɔɔrɔba cɛma.

Yakuba 4:5

A fɔra Ala ka kuma na ko: «A ye nii min don aw la, a be keliya o le la.» Aw ka miiri la k'o ye kumafu ye wa?

Kititigɛbagaw 9:4

U ye warigwɛ kuru bi wolonwula bɔ Baali Beriti sɔnso kɔnɔ k'o d'a ma. A y'o ta ka taga mɔgɔkuntanw ni mɔgɔkolonw sara n'o ye, olu sɔrɔla ka tugu a kɔ.