Kɛwalew 17:32 - ALA KA KUMA

³² Pɔli ye suu kununko kuma fɔ minkɛ, dɔw y'a daminɛ k'a lɔgɔbɔ. Dɔw ko: «An bena mɛnni kɛ i fɛ siɲɛ wɛrɛ.»

Jula NT of Côte d’Ivoire

³² Ayiwa, mɔgɔw nana suw kunuko kuma mɛn Pɔli da ra minkɛ dɔrɔn, dɔw ka kɛ yɛrɛko ye a ma, k’a lɔgɔbɔ. Dɔw fana ko: «Lon wɛrɛ an bɛna a tɔ lamɛn i fɛ.»

LAYIDUKURA

³² Pɔli ye suu kununko kuma fɔ dɔrɔn, dɔw y'a daminɛ k'a lɔgɔbɔ. Dɔw ko: “An bɛna mɛnni kɛ i fɛ o koo la sinyɛ wɛrɛ.”

Kɛwalew 17:32 Iomraidhean Croise

Damina 19:14

Lɔti bɔra ka taga kuma a birancɛw fɛ, minw tun y'a denmusow maminɛ. A ko: «Aw ye wili ka bɔ yan, Masaba bena dugu nin halaki!» Nga a birancɛw tun be miiri ko a be tulon na.

Lok 2nan 36:16

Nga u ye Masa Ala ka ciden nunu lɔgɔbɔ, k'a ka kuma mafiɲɛya, ani ka yɛlɛ a ka kiraw ma, fɔɔ a dimin'a ka jama kɔrɔ, cogo ma sɔrɔ k'o dimi ban.

Luka 14:18

Nga u bɛɛ ye yafa daali a fɛ kelen kelen. U fɔlɔ y'a fɔ baaraden ye ko: ‹Ne ye foro dɔ san, ne ka kan ka taga o filɛ. Ne b'i daali, taga fɔ a ye ko a ka yafa ne ma.›

Luka 22:63

Yezu kɔlɔsibagaw tun be yɛlɛ a ma n'u b'a bugɔ.

Luka 23:11

Erɔdi n'a ka sɔlidasiw ye Yezu lɔgɔbɔ kosɔbɛ ka delekeɲuman dɔ don a kaan na. O kɛnin kɔ, a y'u bila ka segi ni Yezu ye Pilati fɛ.

Luka 23:36

Sɔlidasiw fana tun be yɛlɛla a ma. U gwɛrɛla a la k'u be vinɛgiri d'a ma.

Kɛwalew 13:41

‹Aw yɛrɛboɲalaw, aw ye filɛli kɛ, ka kabakoya ka dama tɛmɛ. N bena koo dɔ kɛ aw ɲana, ni mɔgɔ b'o lakali aw ye, aw tena la o la.› »

Kɛwalew 17:18

Lɔnnikɛla dɔw tun be yen, o be u dɔw wele ko Epikiriyɛn, ka dɔw wele ko Etoyisiyɛn, olu yɛrɛ y'a daminɛ ka kuma ni Pɔli ye. Nga dɔw ko: «Kuma caaman tigi nin fana ko di?» Dɔw ko: «Nin be Alasira kuraman dɔ le koo fɔra cɔ!» Bari Pɔli tun be Yezu ni suuw ka kununko le fɔra.

Kɛwalew 17:31

O kama, a ye loon dɔ sigi. O loon nin sera, a ye mɔgɔ dɔ woloma ka ban, a bena o tigi bila ka diɲɛ mɔgɔw kiti ni tilenninya ye. A y'o tigi kunun a sanin kɔ janko k'a yira bɛɛ la, ko ale lo bena mɔgɔ bɛɛ kiti.»

Kɛwalew 17:33

O la, Pɔli tɛmɛna k'u to yen.

Kɛwalew 2:13

Nga dɔw tun b'u lɔgɔbɔ ka to k'a fɔ ko: «Ayi! Ayi! Nunu fanin lo duvɛn na.»

Kɛwalew 24:25

Pɔli kumana ka taga tilenninyako faan fɛ, ni yɛrɛminɛko, ani Ala ka kiti nata faan fɛ minkɛ, Felikisi siranna kosɔbɛ, a y'a fɔ Pɔli ye ko: «A ka ɲi ten, taga, n bena i wele siɲɛ wɛrɛ.»

Kɛwalew 25:19

A jalakikun tun y'u yɛrɛ ka Alasirako le ye. Ko Yezu tɔgɔla dɔ koo lo. U ko a sara, nga Pɔli ko a be nii na.

Kɛwalew 26:8

Aw zuwifuw be se k'a fɔ cogo di ko Ala te se ka suuw kunun?

Kor fɔlɔ 1:23

An be Krista gwengwenko fɔra. O kɛra kunnacɛnko ye zuwifuw fɛ, ka kɛ nalomanyako ye siya wɛrɛw fɛ.

Kor fɔlɔ 15:12

Ni Krista ka kununko waajuli be kɛ, mun na mɔgɔ dɔw b'a fɔ aw cɛma ko suu tena kunun?

Kor fɔlɔ 4:10

An kɛra fatɔw ye Krista kosɔn, nga aw kɛra hakilitigiw ye Krista barika la! An kɛra barikatanw ye, aw kɛra fangatigiw ye! Aw be boɲa sɔrɔ, an ta ye dɔgɔya ye!

Kor 2nan 6:2

bari a fɔra Ala ka kuma na ko: «Waati bɛnnin na, ne y'i lamɛn. Kisili loon na, ne y'i dɛmɛ.» Ayiwa, o waati bɛnnin ye sisan le ye, kisili loon le ye bii ye.

Heburuw 11:36

Dɔw fana sɔnna dɔgɔya ni bugɔli ma. U ye dɔw siri ni jɔrɔkɔw ye k'u don kaso la.

Heburuw 13:13

O tuma na, n'an b'a fɛ ka tag'a kunbɛn, an ka sɔn dɔgɔya ma ka bɔ dugu kɔfɛ i n'a fɔ ale.