Kɛwalew 17:31 - ALA KA KUMA

³¹ O kama, a ye loon dɔ sigi. O loon nin sera, a ye mɔgɔ dɔ woloma ka ban, a bena o tigi bila ka diɲɛ mɔgɔw kiti ni tilenninya ye. A y'o tigi kunun a sanin kɔ janko k'a yira bɛɛ la, ko ale lo bena mɔgɔ bɛɛ kiti.»

Jula NT of Côte d’Ivoire

³¹ Sabu Ala ka lon dɔ sigi, lon min na a bɛna dunuɲa bɛɛ lajɛnnin ta kiti tigɛ terenninya kan, ale yɛrɛ ta mɔgɔ ɲanawolomani sababu ra; Ala ka ale le lakunu ka bɔ saya ra, janko mɔgɔw bɛɛ ye a lɔn ka la a ra ko Ala ka ale le ɲanawoloma.»

LAYIDUKURA

³¹ O kama, a ye loon dɔ sigi. N'o loon nin sera, a ye mɔgɔ dɔ woloma ka ban, a bɛna o tigi bila ka adamadenw kiti ni tilenninya ye. A y'o tigi kunun a sanin kɔ janko k'a yira bɛɛ la, ko ale le bɛna mɔgɔw bɛɛ kiti.”

Kɛwalew 17:31 Iomraidhean Croise

Zaburu 9:8

Masaba ye faama ye kudayi, a y'a ka masasigilan labɛn kiti kama.

Zaburu 96:13

O ka kɛ Masaba ɲafɛ, bari a be nana. A be nana dugukolo kan mɔgɔw kiti. A bena diɲɛ kiti ni tilenninya ye, a bena siyaw kiti ka kɛɲɛ n'a ka kantigiya ye.

Zaburu 98:9

U k'o kɛ Masaba ɲakɔrɔ, bari a be na diɲɛ kiti. A bena diɲɛ kiti ni tilenninya ye, a bena jamanadenw kiti ni tiɲɛ ye.

Matiyu 10:15

Tiɲɛ na, ne b'a fɔ aw ye ko kiti loon na, Sodɔmukaw ni Gɔmɔrikaw ka tɔɔrɔ bena nɔgɔya ka tɛmɛ o dugu mɔgɔ nunu ta kan.

Matiyu 24:14

Ala ka kibaru diman bena fɔ diɲɛ yɔrɔ bɛɛ la, waasa Alalɔnbaliw bɛɛ k'a koo mɛn. O kɔ, diɲɛ laban be sɔrɔ ka se.

Luka 22:22

Tiɲɛ lo, Mɔgɔ Dencɛ bena sa i n'a fɔ a latigɛra cogo min na, nga min ben'a don u bolo, bɔnɛ bena o tigi sɔrɔ.»

Yuhana 12:48

Mɔgɔ min banna ne la ani a ma sɔn n ka kuma ma, o tigi kitibaga be yen, n ye kuma min fɔ, o le ben'a tigi kiti diɲɛ labanlon na.

Yuhana 16:10

Min ye tilenninyako ye, u filila, bari ne be taga n Faa fɛ aw tena ne ye tugu.

Yuhana 5:27

A ye kiti tigɛko see d'a ma, bari Mɔgɔ Dencɛ lo.

Kɛwalew 17:18

Lɔnnikɛla dɔw tun be yen, o be u dɔw wele ko Epikiriyɛn, ka dɔw wele ko Etoyisiyɛn, olu yɛrɛ y'a daminɛ ka kuma ni Pɔli ye. Nga dɔw ko: «Kuma caaman tigi nin fana ko di?» Dɔw ko: «Nin be Alasira kuraman dɔ le koo fɔra cɔ!» Bari Pɔli tun be Yezu ni suuw ka kununko le fɔra.

Kɛwalew 17:32

Pɔli ye suu kununko kuma fɔ minkɛ, dɔw y'a daminɛ k'a lɔgɔbɔ. Dɔw ko: «An bena mɛnni kɛ i fɛ siɲɛ wɛrɛ.»

Kɛwalew 17:6

U ma Pɔli ni Silasi sɔrɔ yen minkɛ, u ye Zasɔn ni balima dɔw minɛ ka taga n'u ye u ka ɲamɔgɔw fɛ, k'a fɔ ko: «Mɔgɔ minw ye diɲɛ bɛɛ ɲagami, u sera an fɛ yan.

Kɛwalew 2:32

Ala ye Yezu kunun a sanin kɔ, anw kɔni y'a ye.

Kɛwalew 4:10

O la, aw y'aw tulo malɔ ka ɲa ani k'a faamu, Isirayɛli jama bɛɛ fana k'a faamu ko Yezu Krista Nazarɛtika nin barika lo, aw tun ye min gwengwen lɔgɔ kan. Ala y'a kunun. Ale barika la cɛɛ nin kɛnɛyara.

Rɔmukaw 2:16

Ka kɛɲɛ ni ne ka kibaru diman ye, o le bena ye loon min na Ala bena mɔgɔw kiti u ka koo dogoninw kama, Yezu Krista barika la.

Rɔmukaw 2:5

E ka dusugwɛlɛya n'i ka murutili kosɔn, e be dɔ fara Ala ka dimi kan, sanni o dimi nin kiti tilennin loon ka se.

Kor fɔlɔ 4:5

O le kosɔn aw kana kɔn ka mɔgɔ jalaki waati latigɛnin ɲa, aw k'a to, Matigi ben'a ka koo dogonin bɛɛ bɔ kɛnɛma, ani ka mɔgɔw bɛɛ kɔnɔnakow yira. O waati la, mɔgɔ kelen kelen bɛɛ ka kan ni boɲa min ye, a bena o sɔrɔ Ala fɛ.

Kor 2nan 5:10

bari an bɛɛ ka kan ka lɔ Krista ɲakɔrɔ a k'an kiti, waasa mɔgɔ kelen kelen bɛɛ ye baara min kɛ k'u to diɲɛ na, a kɛra baaraɲuman ye wo, baarajugu lo wo, u k'o sara sɔrɔ.

Tim 2nan 4:1

Krista ka nali n'a ka masaya kosɔn, ne b'a ɲini e fɛ Ala ni Yezu Krista ɲakɔrɔ, min bena na ɲanamanw ni suuw kiti, ko

Heburuw 6:2

ni batizeliko, ani ka bolo la mɔgɔ kan ka Ala dali, ni suuw kununko, ani laban kitiko. An kana segi olu kan tugu.

Piy 2nan 3:7

Ayiwa, an be sankolo ni dugukolo minw yera, u maranin be o kuma kelen le barika la ni tasuma ka kan k'o mana loon dɔ. Nga u be yen ka Alaɲasiranbaliw kitilon n'u halakilon le kɔnɔ.