Kɛwalew 17:28 - ALA KA KUMA

²⁸ An tonin be nii na, ka sii sɔrɔ, ka kɛwaliw kɛ Ala barika la. Aw ka lɔnnikɛla dɔw yɛrɛ b'a fɔ ten, ko: ‹An ye a deenw ye yɛrɛ.›

Jula NT of Côte d’Ivoire

²⁸ Sabu ‹ale le ka an dan, ka an ɲanamanya, k’a to an bɛ se ka lamaga.› Aw ta dɔnkirilabaga dɔw fana ka o le fɔ ko: ‹An ye Ala ta denw le ye fana.›

LAYIDUKURA

²⁸ An tonin bɛ nii na, ka sii sɔrɔ, ka kɛwaliw kɛ Ala barika la. Aw ka lɔnnikɛla dɔw yɛrɛ b'a fɔ ten, ko: ‘An ye a ka deenw ye yɛrɛ.’

Kɛwalew 17:28 Iomraidhean Croise

Ayuba 12:10

Nimanfɛnw bɛɛ nii b'a bolo, adamaden ka ninakiliko b'a bolo.

Zaburu 36:9

E b'u wasa n'i ka soo kɔnɔ nafamanfɛnw ye. E ka koɲuman be woyora i ko kɔɔ, u faan fɛ.

Zaburu 66:9

An be nii na min sababu la, ale te sɔn an be talon.

Yeremi 38:16

O tuma na, masacɛ Sedesiyasi ye layidu ta Zeremi ye gundo la ko: «Masaba kosɔn, ale min be nii don an na, ne tena i faga. Mɔgɔ minw b'a fɛ k'i faga, n tena i don olu bolo.»

Daniyɛli 5:23

I wilila Matigi le kama, Sankolotigi. I k'u ka na n'a ka soo kɔnɔ minanw ye. Aw ye duvɛn min n'u ye, ele n'i ka mɔgɔbabaw, n'i ka musow n'i ka gɛrɛfɛmusow, ka dɔnkili la ka batofɛn warigwɛlamanw tanu, ni sanulamanw, ni ziralamanw, ni nigɛlamanw, ni lɔgɔlamanw, ani kabakurulamanw. Minw te yeli kɛ, u te mɛnni kɛ, u te foyi lɔn. I nii be Ala min bolo n'i ka koow bɛɛ, i ma sɔn k'ale boɲa.

Luka 20:38

Ala te suuw ka Ala ye, nga ɲanamanw ta lo, bari Ala fɛ, u sanin tɛ, u ɲanaman lo.»

Luka 3:38

Kayinan fana tun ye Enɔsi deen ye, Enɔsi fana tun ye Sɛti deen ye, Sɛti fana tun ye Adama deen ye, Adama fana tun ye Ala deen ye.

Yuhana 11:25

Yezu y'a fɔ a ye ko: «Ne le be suuw kunun, ne be nii di, ni mɔgɔ min lara ne la hali n'o tigi sara, a bena kunun.

Yuhana 5:26

N Faa ye nii tigi ye, o la, a ye nii diko see di a Dencɛ fana ma.

Sariya 30:20

aw ka Masaba aw ka Ala koo diya aw ye, ani k'a ka fɔta mɛn, aw nɔrɔnin ka to a la. O la, Masaba ye layidu ta aw bɛma Ibrayima, ni Isiyaka, ani Yakuba ye, ko a bena jamana min d'u ma, aw bena to sii la, ka saan caaman kɛ o kɔnɔ.»

Kɔlɔsikaw 1:17

Ale lo kɔnna fɛɛn bɛɛ ɲa, fɛɛn bɛɛ fana be yen ale lo barika la.

Tite 1:12

Kɛrɛtika dɔ, min tun kɛra u ka kira dɔ ye, ale tun ye kuma nin fɔ ko: «Kɛrɛtikaw ka galontigɛ ka ca, u ka fari i ko kongosogow, nugubatɔw ni salabagatɔw lo.»

Heburuw 1:3

Ala ka dawula n'a jaa tigitigi yɛrɛ lo. Diɲɛ be seen kan ale ka kuma barikaman sababu la. A y'a yɛrɛ saraka mɔgɔw ka hakɛw yafa kosɔn ka ban tuma min na, a yɛlɛla ka taga sigi Setigi Ala kinibolo fɛ arijana na.

Heburuw 12:9

An wolofaw y'an ladi, an sɔnna u ta ma. An Faa Ala min ye nii tigi ye, mun na an tena sɔn o ta ma ka to nii na?

Heburuw 2:11

Yezu min be mɔgɔw saniya Ala ɲakɔrɔ, a te siga k'o mɔgɔsaniyaninw wele ko a badenw, bari u bɛɛ bɔra yɔrɔ kelen na.

Sam fɔlɔ 25:29

Ni mɔgɔ dɔ wilila ka tugu ne matigi kɔ ko u b'a faga, Masaba i ka Ala bena i mara, k'i jugu nunu nii bɔ i n'a fɔ kabakuru min bonna ni bɛrɛbonnan ye.