Kɛwalew 17:25 - ALA KA KUMA

²⁵ «A m'a fɔ ko a mako be adamaden ka bololafɛn na k'a yɛrɛ mako ɲa n'a ye fana. Bari ale lo be nii, ani sii, ani fɛɛn tɔɔ bɛɛ di adamaden ma.

Jula NT of Côte d’Ivoire

²⁵ Mɔgɔ boro fana tɛ baara kɛ a ye, k’a kɛ i n’a fɔ a mako b’a ra ko mɔgɔ ye a dɛmɛ; sabu ale yɛrɛ le bɛ ɲanamanya ni nɛnɛkiri ni fɛn bɛɛ di danfɛnw bɛɛ ma.

LAYIDUKURA

²⁵ “A m'a fɔ ko a mako bɛ adamaden ka bololafɛn na k'a yɛrɛ mako nya n'a ye fana. Bari ale lo bɛ nii, ani sii, ani fɛɛn tɔɔ bɛɛ di adamaden ma.

Kɛwalew 17:25 Iomraidhean Croise

Damina 2:7

Masa Ala ye mɔgɔ dan ni buguri ye k'a dafiɲɛ fiyɛ a nunwo la ka ninakili don a la, a kɛra ten mɔgɔ kɛra nimanfɛn ye.

Ayuba 12:10

Nimanfɛnw bɛɛ nii b'a bolo, adamaden ka ninakiliko b'a bolo.

Ayuba 22:2

«Mɔgɔ be se ka mun le ɲa Ala ye? Hakilitigi kɔni be se ka fɛɛn ɲa a yɛrɛ ye.

Ayuba 27:3

ka ne to nii na, ka ne to ninakili la,

Ayuba 33:4

Ne danna Ala ka Nii le barika la, ne be nii na Setigi ka Nii le sababu la.

Ayuba 34:14

Ni Ala tun be miiri a yɛrɛ dama la, a tun bena mɔgɔw nii minɛ le dɔrɔn,

Zaburu 16:2

Masaba, ne ko ele le ye ne Matigi ye. Ne ka hɛrɛ te yɔrɔ si ni ele fɛ tɛ do.

Ezayi 42:5

Masa Ala min ye sankolo dan, k'a fɛnsɛn, ka dugukolo fɛnsɛn, ni fɛɛn bɛɛ be sɔrɔ a kan, ka ninakili di o fɛɛnw ma, ka nii don a yaalabagaw la, a ko:

Ezayi 57:16

Ne tena mɔgɔw jalaki tuma bɛɛ, ne diminin tena to waati bɛɛ. N'o tɛ, mɔgɔw tun bena sa ne ɲakɔrɔ, ne tun ye minw dan.

Yeremi 38:16

O tuma na, masacɛ Sedesiyasi ye layidu ta Zeremi ye gundo la ko: «Masaba kosɔn, ale min be nii don an na, ne tena i faga. Mɔgɔ minw b'a fɛ k'i faga, n tena i don olu bolo.»

Jakariya 12:1

Masaba ye min fɔ Isirayɛli kosɔn, o filɛ nin ye. Masaba ka kuma lo. Ale min ye sankolo ni dugukolo dan, ani ka nii don adamadenw na, a ko:

Jateri 16:22

Musa ni Arɔn y'u kunbiri gwan k'u ɲaa biri duguma k'a fɔ ko: «Ala, e min be nii don adamadenw bɛɛ la, mɔgɔ kelen ye hakɛ kɛ, i bena dimi jama bɛɛ kɔrɔ wa?»

Jateri 27:16

«Masa Ala, e min be nii don adamadenw bɛɛ la, i ka mɔgɔ dɔ sigi ne nɔɔ na jama nin kunna,

Matiyu 5:45

Aw k'o kɛ janko aw ka kɛ aw sankolo la Faa deenw ye, bari ale be tile bɔ mɔgɔjuguw ni mɔgɔɲumanw ye, ka sanji di koɲumankɛlaw ni kojugukɛlaw ma.

Matiyu 9:13

Aw ye taga miiri Ala ka kuma nin kɔrɔ la. A tun y'a fɔ ko: ‹Ne be makari le fɛ, ne te saraka fɛ,› bari ne ma na mɔgɔtilenninw wele, nga ne nana hakɛkɛlaw le wele.»

Kɛwalew 14:17

O bɛɛ n'a ta, a tun b'a yɛrɛ cogoya yira u la, n'a ka koɲumanw ye. A be sanjiɲuman di aw ma, suman be sɔrɔ, aw dusu be diya.»

Kɛwalew 17:28

An tonin be nii na, ka sii sɔrɔ, ka kɛwaliw kɛ Ala barika la. Aw ka lɔnnikɛla dɔw yɛrɛ b'a fɔ ten, ko: ‹An ye a deenw ye yɛrɛ.›

Rɔmukaw 11:35

Walima: «Jɔn le kɔnna ka Ala sɔn, a ka sɔrɔ k'o sara?»

Sariya 30:20

aw ka Masaba aw ka Ala koo diya aw ye, ani k'a ka fɔta mɛn, aw nɔrɔnin ka to a la. O la, Masaba ye layidu ta aw bɛma Ibrayima, ni Isiyaka, ani Yakuba ye, ko a bena jamana min d'u ma, aw bena to sii la, ka saan caaman kɛ o kɔnɔ.»

Tim fɔlɔ 6:17

A fɔ bii fɛntigiw ye k'u kana u yɛrɛ boɲa, ani u kana u jigi la o fɛɛn tɛmɛta nunu kan, nga u k'u jigi la Ala kan, ale min be fɛɛnw bɛɛ di an ma caaman, waasa an ka nisɔndiya.